MIKHA 4:5 - Susula Malalaok Hehelu Palak Ma Hehelu Beuk

⁵ Basa leoina manai daebafak-ka sene-do'ok ma tunga sila lamatua daebafan-na. Tehu neukose ita tunga Manetualain, fo ita Manetualain-na, fo sene-do'ok-kana losa dodoon-na neu.

MIKHA 4:5 Iomraidhean Croise

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

2RAJA-RAJA 17:29

Tehu, hataholi manaleo manai Samaria sila-la, ala tao lahele sila sosongo-tatango mesan-na, de ala pe'dan nai, uma sosongok fo makahulun-na, hataholi Israel manaleo manai kota ndia, tao uma sosongok-ka. Bubuak esan-na, tao sosongo-tatangon nai kota fo ala leok-ka.

2RAJA-RAJA 17:34

Losa faik ia, ala bei pake lahele sila ha'dan ndia. Ala ta maso-kasasi neu Manetualain, ma ala ta tunga hoholo-lalanen, ma paletan fo Ana fen neu Yakob tititi-nonosin. Yakob, fo Ana foin na'de Israel boe.

MAZMUR 20:6

Boema ami eeki-matadale nanahu o sesengim-ma, ma ami so'uk dedeo-la, soaneu koa-kio ita Manetualain. Ela leo been-na Manetualain sipok basa o nonokem lala'ena.

MAZMUR 48:14

Taoafik neu papala nanadaman-na, palisak kota musun-na, fo ela emi hapu tuin neu emi tititi-nonosim mae:

MAZMUR 71:16

Au koa-kio O tatao-nono'im fo makadelek-ka ou Manetualain fo Manetualain Manakoasa, au tui-benga O ndo ma matetum-ma, ka'da O ndoos ma matetuk.

YESAYA 2:5

Hai, Yakob tititi-nonosin-nala lemin, mai fo ata la'ok nai Manetualain mangale'don dalek!

YESAYA 26:13

Tuan fe'ek-kala, koasa hai ami so, tehu ami manaku ka'da O mesam-ma, ou ami Manetualain!

YESAYA 26:8

Ami tunga O nakeketum-ma, ou Manetualain, ma ami mahani mahele O; O nde kokoa-kikiok, ma ami hii matongo mo o, tataas esa.

YEREMIA 32:40

Neukose Au tao hehelu-balatak matea-mahelek no sila. Neukose Au ta tao hahae neulauk ba'eneu sila fa. Neukose Au taos ala bii ma ala fe ha'da-holomata neu Au no dale katema-tuak, fo ala boso dook-ka neme Au-a mai.

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

HATAHOLI 14:16

Nai lelek makahulu na, Manetualain po'ilotak leoina la laso'da tunga sila hihii-nanau nala.

ULANGAN 27:10

Hu ndia de, tunga emi Manetualaim-ma, ma tao-no'i basa paletan fo, faik ia, au fen emi.”

KOLOSE 2:6

Emi sipok Kristus Yesus da'dileo Lamatuak so. Hu ndia de, ela leo bee na emi da'di esa moon,

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”