MIKHA 4:3 - Susula Malalaok Hehelu Palak Ma Hehelu Beuk

³ Neukose Manetualain naketu leoina no leoina dede'an-na, nusaina mabe'i-balakaik no nusaina mabe'i-balakaik, nau manai dook-ka do manadekak-ka boe. Neukose ala tutu sila tafainan-nala da'di tata'tis ma sila teen-nala da'di dope nggenggeuk. Leoina-la, esa ta sapun-na esa so'on, boeo ta laheheleaon fo sanga latee-lata'ti so'on.

MIKHA 4:3 Iomraidhean Croise

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

MAZMUR 46:9

Mai, fo mete hata fo Manetualain tao-no'in; tatao-nono'in nanadodoo-doak nanseli nai daebafak-ka!

MAZMUR 72:3

Ela leo been-na, ami nusam-ma tetu-temak ma so'da-molek, ma hapu ndoos ma matetuk ba'eneu leoina lala'ena.

MAZMUR 72:7

Ela leo been-na, ndoos ma matetuk-ka nakapela nai tepo lelen-na, ma tetu-temak-ka sasi kao-kao nai lelek bulak-ka bei nai lalai.

MAZMUR 82:8

Mai leon ou Manetualain, fo maketu-mala'di daebafak-ka, nana basa leoina-la nde bee-na, O nuum.

MAZMUR 96:13

Nana Manetualain mai paleta nai daebafak-ka, Neukose Ana naketu-nala'di leoina-la no ndoos ma matetuk, ma tunga ndoo-na.

MAZMUR 98:9

Nana, Ana mai, fo naketu-nala'di daebafak-ka; neukose, Ana naketu-nala'di leoina-la no ndoos ma matetuk ma la'en.

YESAYA 2:4

Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.

YESAYA 25:3

Neukose leoina mabe'i-balakaik-kala, koa-kio O, ma nanabii-namata'uk nai leoina fo, ha'da hataholi tak-kala, kotan-nala.

YESAYA 51:5

So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 60:12

Leoina, ma nusak fo ala ta nau lakatele neu o fa, neukose mate-mopos, fo mopok-kasa.

YESAYA 65:25

Busa fuik-ka no bibi'ilopo-a, la'a na'u lakabubua; Singa-na na'a ha'deaik sama leo sapi-a, ma menge-a, ta neni soe so'on. Nai basa Au pupuku malalao-malalafung lala'en-na, ta hapu maneni tutu'dak do tao tatao-nono'i mangalauk so'on.”

YESAYA 9:7

Manetualain naketu basa nusa Israel-la, huhukun-na so.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

HOSEA 2:18

Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

HOSEA 2:20

Nandaa no Au hehelu-balatang, de neukose Au ka'bing o, o. Neukose, o sipok Au da'di leo o Manetualaim Manakoasam-ma.

YOEL 3:2

Neukose Au tao akabubua basa leoina-la, fo Au os leo Bafa Naketu-nala'dik-ka neu. Boema nai ndia, Au aketu-ala'di sila tatao-nono'i mangalaun neu Au anang-ngala, nanahu ala baba'e dae Israel-la, ma ala tu'u heni Au anang-ngala leo nusa-nusak-kala leu.

ZAKHARIA 14:3

Boema neukose Manetualain tutulumatak, fo natee-nata'ti la'ban leoina sila-la, sama leo Ana taon nai tepo-lelek makahulun-na.

ZAKHARIA 8:20

Manetualain Fo Manakoasa, nafa'da nae, “Neukose fain-na losa, kota ba'uk-ka laun-nala, neukose ala mai leo Yerusalem mai.

ZAKHARIA 9:10

Manetualain nafa'da nae, “Neukose Au tu'u-tapa heni kaleta-kaleta musu manamaik leme Efraim mai, neukose, Au tao amopo-amate ndala manai Yerusalem mala, ma neukose Au tao akalulutuk basa kokouk lala'en-na Neukose emi Manem-ma po'a-benga mole-dame neu leoina no leoina. Neukose, ana koasa neme tasi leo tasi neu, neme Lee Efrat-ta, losa daebafak-ka bu'un-nala.”

HATAHOLI 17:31

Nana naketu basa faik esa soaneu naketu-nala'di basa daebafak ia lala'ena tunga matetu na. Manetualain hele basa hataholi esa soaneu nakalala'ok bela ba'uk ndia. Boema fo ela basa hataholi lala'ena lamahele dede'ak ndia de Manetualain tao naso'da falik hataholi ndia neme mamate sa mai so!”

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

SEMUEL SUSULAK-KA ESAN-NA 2:10

Manetualain musun-nala lutu-lutu, ala bii-lamata'u, nanahu Manetualain namanasa de halan-na nadodolo neme lalai-a mai; Neukose Manetualain, naketu-nala'di basa daebafak ia lala'en-na, ma Ana fe koasa mandela-masa'ak-ka neu manek fo Ana helek-ka.”