MIKHA 4:12 - Susula Malalaok Hehelu Palak Ma Hehelu Beuk

¹² Tehu leoina sila ta bubuluk hata fo Manetualain tutu'uk-ka fa. Ala ta lame'da lae sila nanatao nakabubuak basak soaneu nanahukuk, sama-na leo tao nakabubua gandum-ma fo aa'in.

MIKHA 4:12 Iomraidhean Croise

MAZMUR 147:19

Ana nanduku-nalosak hala hehelun-na neu anan-nala, nanduku-nalosak nakeketun ma hoholo-lalanen, neu ana hehelen-na.

MAZMUR 147:20

Ana ta tao leondiak neu leoina fe'ek-kala fa, de ala ta lalelak hoholo-lalanen fa. Koa-kio Manetualain leona!

YESAYA 10:7

Tehu mane Asyur-ra, nanuu dale tutu'u mesan. Naketu basa nai dalen dale soaneu ana pake balakaik fo ana tao namopo-namate leoina makadotok.

YESAYA 21:10

Au leoinang fo Israel! O nanalulumu-eesek ma nanaheheta-aa'ik basak, sama leo gandum de'ek-kala. Besak ia, au tui-benga fe o, hala malole, fo au amanenen neme Manetualain Fo Manakoasa, fo Israel Manetualain-na.

YESAYA 29:7

Boema basa solda'du nusa dea, fo manasapu-la Yerusalem, kota fo Manetualain mei tunu-hotun-na, basa mana-makahapik-kala, ma mana-sapu-la kota ndia, fo tao lakalulutuk-kana, neukose mopos sama leo me'i-afek-ka, nai fai le'odaen-na.

YESAYA 55:8

Manetualain nafa'da nae, “Au dudu'a-aafing, o dudu'a-aafim ta ndia fa, ma Au enong-nga, o enom ta ndia fa.

YEREMIA 29:11

Nana Au ia bubuluk Au dudu'a beek-ka ba'eneu emi? Dudu'a-dudu'ak sila-la ta soaneu tao amopo-amate emi fa, te soaneu emi tetu-temam, ma soaneu fe emi so'da fai manamaim-ma henuk no namahehenak-ka.

YEREMIA 51:20

Manetualain nafa'da nae, “Babel sama leo ai fefepak, Au sisilong-nga soaneu nate-natatik. O nanapake fo soaneu sapu-la leoinak-kala ma nusan-nala.

YEREMIA 51:33

Ta dook-ka so'on te ala sengi heni sila, ma ala heheta-aa'is sama leo gandum nai manai popo'den-na. Au, Manetualain fo Manakoasa, Israel Aman Manetualain de manakokolak-ka.”

YOEL 3:2

Neukose Au tao akabubua basa leoina-la, fo Au os leo Bafa Naketu-nala'dik-ka neu. Boema nai ndia, Au aketu-ala'di sila tatao-nono'i mangalaun neu Au anang-ngala, nanahu ala baba'e dae Israel-la, ma ala tu'u heni Au anang-ngala leo nusa-nusak-kala leu.

LUKAS 3:17

Ana ho'u ooko nai liman dale, soaneu ana da'i-lelee gandu ma losa balisi. Gandu ma neukose nanatao nakabubuak nai soka dale, tehu neukose Ana hotuheni u nala nai ha'i manamate ta ka dalek!”