MIKHA 4:11 - Susula Malalaok Hehelu Palak Ma Hehelu Beuk

¹¹ Leoina makadotok lakabubua basa fo sapu-la o, hai Yerusalem! Lafa'da lae, “Muse tao nakalulutuk Yerusalem! Neukose ami mete kota ndia da'di ai-batu madodouk!”

MIKHA 4:11 Iomraidhean Croise

MAZMUR 129:5

Nemen-na fo, ba'eneu hataholi fo, ta nahiik Sion fa, ana kala, fo nakadedeak.

MAZMUR 83:5

Lafa'da lae, “Mai fo ata tao takalulutuk leoina Israel-la, fo ela boso boe nafandele na'den-nala bai.”

YESAYA 10:7

Tehu mane Asyur-ra, nanuu dale tutu'u mesan. Naketu basa nai dalen dale soaneu ana pake balakaik fo ana tao namopo-namate leoina makadotok.

YESAYA 17:12

Leoina mabe'i-balakaik-kala lakalupu; halan-nala ladodolo sama leo lii tasi matuaina nggun-na.

YESAYA 29:7

Boema basa solda'du nusa dea, fo manasapu-la Yerusalem, kota fo Manetualain mei tunu-hotun-na, basa mana-makahapik-kala, ma mana-sapu-la kota ndia, fo tao lakalulutuk-kana, neukose mopos sama leo me'i-afek-ka, nai fai le'odaen-na.

YEREMIA 52:4

hu ndia de Nebukadnezar no basa soloda'dun-nala mai sapu-la Yerusalem nai bulak kasanahulu fain sanahulu ma teuk kasio fo manek Zedekia paletan-na. Ala lapadedeik kota musu nai kota deak, lafofo'a papala-nanadamak okofefeo-na.

YESKIAL 26:3

Manetualain Fo Mademaina nafa'da nae, “Hai Tirus, Au ia, o musum-ma. Neukose, Au adenu leoina makadotok ala mai, sama leo lii nai tasi lai, fo ala sapu-la o.

YESKIAL 38:17

Ade makahulun-na, Au kokolak tunga Au atang-ngala, ma nabi Israel-la, ta la'eneu o nde ndia fa do? Ala lafa'da, lae nai tepo lelek manamaik-ka, neukose Au adenu hataholi esa, neu sapu-na Israel. Au Manetualain Fo Mademaina, nde manakokolak-ka.”

OBAJA 1:12

Ta nandaa, o mamahoko nai hataholi Yehuda-la susa-soen-nala dalek, ma mamahoko nai faik fo o tolanoom ndia mopo-mate. Ta nandaa, o tui dede'a sosoa-ndandaa tak nai lelek ana susa.

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

ZAKHARIA 12:3

Tehu neu faik bee, fo faik ndia losa soona, neukose Au tao-a Yerusalem, sama leo batu mabelaina; fo su'di leoina bee boe, ana so'u so'ban, soona ana hapu soe. Basa leoina manai daebafak-ka, lakabubua, fo leu sapu-la Yerusalem.