MIKHA 4:10 - Susula Malalaok Hehelu Palak Ma Hehelu Beuk

¹⁰ Hai laun Yerusalem-mala lemin, maule-mapo'de ma makadii-makadau sama leo ina manabongik-ka! Nana besak ia, emi muse la'oela kota, fo meu leo nai mook-ka. Emi muse meu leo Babel meu, tehu nai naa, neukose Manetualain po'i emi neme emi musum-mala mai.

MIKHA 4:10 Iomraidhean Croise

2RAJA-RAJA 20:18

Neukose loo o upu-anam nggelok, fo ala taos da'di hataholi mana'a ngga'di nai uma manek-ka, fo lalalau-laoonong manek Babel-la.”

2RAJA-RAJA 25:4

boema musu-a hona nabuu, kota papala nanadaman-na. Leomae le'odaek ndia, hataholi Babel-la bei lakahapi-la kota ndia, tehu basa solda'du Yehuda-la, lalai leo Bafak Yarden-na leu. Ala la'ok tunga enok manatunga osi uma manek-ka, boema ala kalua tunga lelesuina manatuti papala nanadama ka 2-k manai mamanak ndia.

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

2TAWARIKH 36:20

Laun fo manaladeak-kala, ana foo nenis leo Babel neu. Nai naa, ala da'di ndia atan ma tititi-nonosin atan losa tepo-lelek nusak Persia ana koasa.

2TAWARIKH 36:23

“Kores fo manek Persia paletan-na nde ia! Amak, fo Manetualain manakoasa nai nusa so'dak-ka, nakadada'dik basa au da'di manek neu daebafak-ka lala'en-na, ma Ana fe au bela-ba'uk soaneu afofo'a uma ba'eneun nai Yerusalem fo nai nusak Yehuda. Da'di, emi basa-basam fo manada'di Manetualain anan-nala muse fali leo naa meu! Ela leo bee na emi Manetualain nasulu-nahapa emi.”

MAZMUR 106:10

No enok ndia, Ana soi-tefa-nalas, leme musu nook-ka liman mai ma Ana soi-po'is, leme musu koasan-na mai.

YESAYA 43:14

Manetualain nde o manasoi-manatefam, Fo Israel Malalao-malalafun-na, nafa'da nae, “Hu kande emi, de Au haitua solda'du leo Babel neu, ma Au hona akalulutuk lelesu bui-a, ai betubalan-nala; Au tao asafali, hataholi Kasdim-mala eeki-natadalen, da'di kikii-makaleleuk.

YESAYA 45:13

Au nde adenu Kores, soaneu nakalala'ok Au dale tutu'ung-nga ma napadedeik natetu ndoos ma matetuk-ka. Neukose Au tao-a basa enok fo, ana tungan-nana, latetu Neukose ana nafofo'a falik Yerusalem, fo Au kotang-nga ma ana soi-po'i Au anang fo, nanafook-kala ta no doi sosolo dalek, ma ta no sese'ba-babaek fa.” Manetualain Fo Manakoasa, nde manakokolak-ka.

YESAYA 48:20

La'o leona, fo malai meme Babel mai, tui-benga halak ia, leo basa mamanak lala'en-na neu. Tui-benga no namahoko-seteleek mae: “Manetualain soi-tefa basa Israel, fo atan-na so!

YEREMIA 13:4

“Muu leo lee Efrat, fo mafuni lafa keke'uk ndia lo batu-la lelan-na neu.”

YEREMIA 15:21

Neukose Au atapo'ik o neme hataholi mangalauk-kala koasan-na mai, fo manasa-mameluk ndia. Au, Manetualain, nde manakokolak.”

YEREMIA 29:20

Ma emi basa-mala fo Au tu'u-tapak leo Babel neu-a, namanene hata fo Au, Manetualain, afa'dak-ka.’

YEREMIA 4:31

Au amanene hala hoo-nggu'uk-ka sama leo inak fo, ana sanga bongi; sama leo anafe'oanak-ka, bongi ana makasososan-na, Yerusalem kii de hahaen-na nakase'e leondiak. Liman nggape-nggape, ma nahoo nae, “Soe ba'eneu au – musu-a, sanga taonisa au!”

YEREMIA 48:41

Kota-kota ma kota musu neukose nanaho'i nak, ma soloda'dun-na ala bii sama leo inak fo ana sanga bongi.

YEREMIA 52:27

nai dae Hamat. Nai na ala fes doidoso ma ala tao lisas. Hataholi Yehuda-la nanafook leondiak neme sila nusan leo mamana ookak-ka neu;

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

HOSEA 13:13

Israel hapu fai loak soaneu naso'da, tehu namanggoa de, ana ta pake matalolole fai loak ndia fa. Ndia sama leo ni'iana beuana, fo bei ela ka'da hatematak esa seluk soona, neukose bongin, tehu ana ta nau kalua neme inan tein dale mai fa.

HOSEA 2:14

Manetualain Manakoasa nafa'da nae, “Hu ndia de, neukose Au on leo moo solokaek-ka neu. Nai naa, neukose Au fufu'din nenik dede'a tou-ta'ek.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MIKHA 5:3

Metema manakoasa ndia mai soona, neukose Ana koasa anan-nala nenik be'i-balakaik ma koasa neme Manetualain, fo Ndia Manetualain-na mai. Neukose anan-nala laso'da no nee-nee lino-linok, nanahu basa hataholi manai daebafak-ka lala'en-na, neukose manaku matua-mademan,

NINITAK 12:14

Tehu ala fe inak ndia manupui kaka'ka li'da matuainan dua, fo ela ana laa leo mamana na nai mo maloa. Mamanak fo nai bee lakaboboin teuk telu seselik, fo daenga naga ndia boso boe tao nahe'di bain.