MIKHA 3:7 - Susula Malalaok Hehelu Palak Ma Hehelu Beuk

⁷ Hataholi-hataholi fo lafa'da memak fai manamaik-ka nenini na, neukose ala hapu mamaek, nanahu lafa'da memak-ka, ta la'e fan. Mopo basa-basas mata-panan, nanahu Manetualain ta nataa fas.

MIKHA 3:7 Iomraidhean Croise

MAZMUR 74:9

Ta mita nabi-nabi, ma manada'di beuk so'on, ma ta hapu hataholi esa boen, ana bubuluk, manada'di leoiak-ka, nakandoo losa faihi'da.

KELUARAN 9:11

Basa hataholi malelak siula-tongonok-kala, ta bisa lasale leo Musa neu fa, nanahu basa aoinan-nala lala'en-na, henuk no bisu nggumak, sama leo hataholi Masir fe'ek-kala.

YESAYA 44:25

Au nde tao-ala manasiula-tongonok-kala, hala nafa'dan-na, ta da'di fa, ma Au tao akamiminak manasiula-tongonok-kala Au se'i hataholi manatee-tenok-kala, hala-kokolan, Au tao sila manatee-tenon-na, da'di nggoak.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YESKIAL 24:17

Boso nalosa o kii masakeke'du fo, hataholi namanene. Pake o fefeo langam-ma, ma pake o ta'bu eim-ma, boso poti ketu o mata-panam, ma boso mu'a loti fafaluk-ka.”

YESKIAL 24:22

Boema neukose, emi tao sama leo au taon besak ia boe. Neukose emi ta poti ketu emi mata-panam, do mi'a loti fafaluk-ka fa.

IMAMAT 13:45

Hataholi esa hapu he'di lou mangalauk soona, muse ana pake bua-lo'a saik, ma ana po'ilotak langadoon-na nanggangganu. Muse ana ko'oketu mata-panan, ma ana nggasi-nggasi mesan nae, “Manggenggeok! Manggenggeok!”

AMOS 8:11

Manetualain Fo Mademaina, nafa'da nae, “Neukose fain-na losa, Au fe la'a-ndoes da'di nai nusak ia. Neukose hataholi-a namala'a, tehu ta namala'a nana'a-nininuk fa. Neukose hataholi-a maa ma'da, tehu ana ta maa ma'da oe fa. Te lamala'a ma maa ma'da neu Au dede'a-kokolang.

MIKHA 3:4

Neukose fain-na losa, emi nggasi moke tutulu-fafalik neu Manetualain, tehu Ana ta nau nataa fa. Neukose Ana ta namanene emi huhule-haladoim fa, nanahu emi tao tatao-nono'i mangalauk so.

MIKHA 7:16

Neukose leoina-la lita dede'ak ndia, fo ala mae, nanahu lame'da lae sila be'i-balakain lala'en-na, ta soa-ndaa hata esa boen. Neukose mopo dudu'a-aafin-nala, nalosa ala ta hapu kokolak do lamanene fa.

ZAKHARIA 13:4

Nai faik ndia, neukose basa nabi-la lame'da mamaek, soaneu lapadeik sama leo nabi. Neukose ala ta pake papake nabin-nala, fo ala ke'di-ndiu ma dalen-na lamatua neu ninitan-nala fa.

SEMUEL SUSULAK-KA ESAN-NA 14:37

Boema Saul natane Manetualain nae, “Ade, au bole u sapu-a hataholi Filistin-nala do ta? Ade, neukose O fes leo Israel liman dale neu do ta?” Tehu nai faik ndia, Manetualain ta nataa fan.

SEMUEL SUSULAK-KA ESAN-NA 28:15

Basa ndia boema, Semuel nafa'da Saul nae, “Tao le'e de, o taom-ma au daleng-nga ta tesa-tama fa? Tao le'e de, o maloo falik au?” Boema, Saul nataa nae, “Au apangamak anseli, nanahu hataholi Filistin-nala sapu-la au, tehu Manetualain la'oela au so. Ana ta nataa au so'on, nau tunga basa nabi-la, do tunga me'i-afek boe. Hu ndia de, au dokodoe neu Ama, fo ela Ama nafa'da au muse tao beek.”

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.

SEMUEL SUSULAK-KA ESAN-NA 9:9

Saul nataa nae, “Hei! Mai fo ata teu leona.” Boema leu leo kota fo Manetualain atan ndia mamana-na. Lelek fo ala nda'e pupukuk fo leo kota ndia neu boema, latongo loo anafe'oanak de'ubee, sanga leu hela oe nai oedolu dale. Boema latane anafe'oanak sila-la lae, “Ade manasiula-tongonok nai kota do ta?” (Nai tepo-lelek ndia, loke nabi soona, lae manasiula-tongonok, da'di metema hataholi hii natane hata esa neu Manetualain soona, nafa'da nae leo ia, “Mai fo ata teu leo manasiula-tongonok-ka teu.”)