MIKHA 3:2 - Susula Malalaok Hehelu Palak Ma Hehelu Beuk

² tehu nakalenak emi ta mahiik hata fo malole fa, te emi mahiik hata fo mangalauk. Au leoinang-nga bei maso'dak, tehu emi ali heni loun-na, ma emi sii-sii isin-na neme duin-na mai.

MIKHA 3:2 Iomraidhean Croise

1RAJA-RAJA 21:20

Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,

2TAWARIKH 19:2

nabi esa na'de Yehu fo Hanani anan-na ana mai nataa manek-ka. Nabi ndia nafa'dan nae, “Ade nandaa Ama Manek tulu-fali hataholi mangalauk ma mook hataholi manamamanasa Manetualain-na do? Ama Manek tatao-nono'in ndia nde taon-na Manetualain namanasa Ama Manek.

MAZMUR 15:4

fo mana makadadaek hataholi fo, Manetualain ta sipok-kana fa, tehu ana fe ha'da-holomata neu hataholi fo, manatunga Manetualain hihii-nanaun; fo manatao natetu, hala hehelu-balataan, leomae tutu'dak-ka nai ndia boe,

MAZMUR 53:4

Tehu basa hataholi-la singo heni eno ndoos-sa, ma tatao-nono'in-nala tofa-tafi, ta hapu hataholi esa boen tao malole fa.

AMSAL 28:4

See ta taoafik neu hoholo-lalanek fa soona, nok hataholi mangalauk-ka; see tunga hoholo-lalanek soona, ana la'ban hataholi mangalauk-ka.

YESAYA 3:15

Tao le'e de, emi tuni-ndeni Au anang-ngala, ma emi lumu-ese hataholi nuu-taa hata-taak-ka? Au, Manetualain Fo Mademaina, ma Manakoasa, nde manakokolak-ka.”

YESAYA 5:20

Soe ba'eneu emi fo, po'de masafali hata fo malole ma hata fo mangalauk, hata fo makahatuk ma hata fo mangale'dok, hata fo makahe'duk ma hata fo makeek!

YESAYA 57:12

Tehu Au afa'da neu emi; te emi tatao-nono'i malolem ndia, ta neu isik fa, ma basa emi tatao-nono'i ma lala'en-na, sosoa-ndandaan ta ba'eneu emi.

YESKIAL 11:7

Hu ndia de, Au, Fo Manetualain Mademaina, Au afa'da o ae, Memak kota ia da'di ulek, tehu paa manai ulek dale-a, ta nde emi fa, te nde hataholi fo, emi taomisak-kala! Tehu ba'eneu emi soona, neukose Au usiheni emi, fo emi kalua meme kota ia dalek mai!

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

YESKIAL 24:4

Tao paa neulauk mesa-mesan, leo dalek neu: fo paa isi neulauk; fo nde ei buik ei aluk isin-na, boema duik fo, dodolen ba'uk-ka.

YESKIAL 34:3

Emi minu su'uoen-nala, emi tao bulun-nala da'di bua papakek, ma emi do'do bi'ilopo maao-la, fo emi mi'a. Tehu emi ta taoafik neu emi bi'ilopom-mala fa.

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.

MIKHA 2:8

Manetualain nataa nae, “Emi sama leo musu-a, de emi nde sapu-ma, Au anang-ngala. Hataholi-a fali ma'in neme natee-natatik dale mai no namahehenak, neukose ana hapu nee-nee lino-linok nai uman, te se'kona nakalenak emi mahani memak nai naa, fo loso-ma uman-na.

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

ZEFANYA 3:3

Kota ndia hataholi matua-mademan-nala, sama-na leo singa, fo ala nggasi beau. Manamaketu-mala'din-nala, sama-na leo busa fui kamala'ak-ka. Ala tenepeta lanseli, nalosa ta la'a ela paa dui esa boen, soaneu balahaa fa.

LUKAS 19:14

Tehu nusak ndia lau nala lakamun. Da'di, basa de ana la'o boema ala haitua hataholi nadedenuk neu soaneu nafa'da nae, ‘Ami ta nau hataholi ia da'di ami mane ma fa.’

YOHANIS 18:40

Tehu lataa no eekik lae, “Ta, boso po'i hataholi Ndia, te po'i Barabas!” (Barabas ndia, hataholi mana bonga uma esa.)

YOHANIS 7:7

Tao leo bee o, daebafak ia ta nakamu-nakadau emi fa. Tehu Au soona, memak daebafa ka, nakamu-nakadau Au, nana Au afa'da daebafa ka tatao-nono'i mangalau na tataas esa.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

ROMA 12:9

Sue-lai no matetu na. Makamu-makadau tatao-nono'i mangalau ka, ma ho'u mahele tatao-nono'i malole a.

2 TIMOTIUS 3:3

Ala ta nau sue-lai nonoo hataholi ka, ala ta nau fe do'o do ampon neu hataholi, ala hii ka'da tao langgenggeo hataholi na'den, ma ala hii ka'da laseti-lalaka, ta lape'da dale susue-lalaik, ma ta lahiik tatao-nono'i malole a fa.