MIKHA 2:4 - Susula Malalaok Hehelu Palak Ma Hehelu Beuk

⁴ Neukose hataholi pake emi ua-nalem da'dileo dede'a holo, ma neukose ala tao nakamee fafaluk-ka nde ia: ‘Manetualain loso-na ami nusam ia so de Ana fen neu hataholi fo manafoo neni ami-a. Ami lutu-lutu makandondook so.’ ”

MIKHA 2:4 Iomraidhean Croise

2 SEMUEL 1:17

Basa ndia boema, Dauk nakamee kikii-makaleleuk soaneu Saul ma Yonatan,

2TAWARIKH 35:25

Nabi Yeremia taon-na nakamee kii-makaleleuk esa soaneu Manek Yosia. Losa besak ia, nakameek ndia nanapakek nai Israel fo basa manamakameek-kala, nau inak do touk boe, ala paken nai fai nasanene'dak soaneu Yosia fai mamaten-na. Ala sulak nakameek ndia leo susula nakamee kii makaleleuk-ka dalek neu.

AYUB 27:1

Boema Ayub kokolak nakandoo nae, “No Manetualain, fo maso'dak, fo Ana ta fe ndoos ma matetuk-ka neu au fa,

YESAYA 14:4

Metema Manetualain tao dede'ak ndia soona, neukose ala hakinonoli manek Babel-la lae leo ia, “Manek fo ha'da hataholi tak-ka, ana tu'da so! Ana ta hapu tuni-ndeni so'on.

YESAYA 24:3

Neukose daebafak-ka nggela-nggali, ma nanatao nakalulutuk. Manetualain kokolak basa so, de tao leo bee-o, dede'ak ndia ana da'di.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

YEREMIA 6:12

Neukose, uman-nala nanafe henik, leo hataholi fe'ek neu, leondiak boe, tina-nala ma saoinan-nala boe. Laun nusak ndia, neukose Au hukus.

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YEREMIA 9:16

Neukose, Au tao tapasasalas leo leoina fo ta lelak-kasa, tala'da leu, do sila bei-ba'i kain nala leu. Neukose Au adenu solda'du-la leu latee-latati loos nakandoo, losa Au tao amopo-amate la'iesak-kasa.”

YESKIAL 16:44

Manetualain nafa'da nae, “Hai Yerusalem, neukose hataholi-la pake dede'a lasik ia la'eneu o: ‘Anafe'on-na, sama leo inan boe.’

YESKIAL 2:10

fo nanasulak nai boboan duas. Boema nai susula nanadikuk ndia dalek, nanasulak, kikii-makaleleuk, haladoik-ka, ma hoo-nggu'uk-ka.

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:8

Kii leon, hai hataholi-la lemin, sama leo anafe'oana manasusak, fo ana kii-makaleleu tonanga susuen-na, mamaten-na.

AMOS 5:1

Hai, hataholi Israel-la lemin! Mamanene leona! Au sanga akamee nakamee susa esa ba'eneu emi nae lao ia:

AMOS 5:17

Neukose, hataholi ala kii-makaleleu nai basa osi angol-la dalek, nanahu Au mai fo Au huku emi. Au, fo Manetualain nde manakokolak-ka.”

MIKHA 1:15

Hai hataholi Maresya-la lemin, neukose Manetualain fe emi leo musu fo ana sanga paleta emi kotam-ma. Neukose mauli-malanga Israel fo manakoasa-la, ala ke'ke lai lea-leak manai Adulam-ma dalek.

MIKHA 1:8

Hu ndia de Au, Mikha, daleng-nga he'dis-sa, ma haladoi. Neukose au la'ok no makaholak ma ta pake ta'bueis fa, soaneu atu'du ae, au daleng-nga he'dis-sa nanseli. Neukose au nggo sama leo busa fui-a, ma dola sama leo manupui onta.

MIKHA 2:10

Fo'a fo la'o leona; te nai ia ta nee-nee lino-lino so'on. Emi sala-singom neni susa-soe maneni bibii-namata'uk-ka, nai mamanak ia so.

HABAKUK 2:6

Tehu natona-na basa leoina sila-la, neukose lakamuun, ma ala hakinonolin. Neukose lafa'da lae, “O nanasoo-supak nana o pe'da madoudou buas fo ta o nuum fa! Losa fai hi'da, o tao mamasu'i o aoinam-ma nenik o laka hataholi manamahutak neu o-a, fo ana bae hutan-na?”

ZEFANYA 1:2

Manetualain nafa'da nae, “Neukose, Au tao amopo-amate basa hata manai daebafak-ka lala'en-na:

BILANGAN 23:18

boema, Bileam kokolak dede'a nafa'da elak-ka nde ia nae, “Hai, Balak, fo Zipor anan-na, mai leona, fo mamanene hata fo, au sanga afa'dan.

BILANGAN 23:7

Boema, Bileam kokolak dede'a nafa'da elak-ka nde ia nae, “Neme Aram, fo nai letelepak manai dulu eli, Balak, fo mane Moab-pa, naloo au nae, ‘Mai leoan, fo kokolak soaneu au. Supa-soo leoina Israel ndia!’

BILANGAN 24:15

Boema, Bileam kokolak hala nafa'da elak ia, “Bileam, fo Beor anan-na, hala hehelun-na nde ia; hataholi mananitak esa, dede'a-kokolan

BILANGAN 24:3

de ana kokolak hala nafa'da elak-ka nde ia nae, “Bileam, fo Beor anan-na, hala hehelun-na nde ia, hataholi mananitak esa, hala-kokolan

MARKUS 12:12

Boema basa lasi-lasi leoina Yahudi fo mana mamanene nakandandaak ndia, ala sanga enok ho'u Yesus, nana ala bubuluk Yesus kokolak nakandandaak ndia, ana tu'da la'e sila nde ndia. Tehu ala bii hataholi makadoto kala. Da'di, ala la'oela Yesus.

ULANGAN 28:29

Nai fai le'ohana-na, emi mafangganggao sama leo hataholi pokek-ka, tehu emi ta mita enok-ka fa. Emi sanga enok tao leo beek boeo, manada'di tak. Emi nanatuni-ndenik nakandoo, ma nakodaa, ana mai namanako emi hata-hetom, tehu ta hapu manatulu-fali fa.