MIKHA 2:3 - Susula Malalaok Hehelu Palak Ma Hehelu Beuk

³ Hu ndia de, Manetualain nafa'da nae, “Au tutu'u susa-soe neu emi, nalosa emi ta hapu maladeak fa. Nai fai soe ndia, neukose emi ta hapu la'ok no koao-ndaeaok so'on.

MIKHA 2:3 Iomraidhean Croise

YESAYA 29:20

Ndia nde mate'ek neme hataholi-hataholi fo, manatuni-ndeni hataholi fe'ek, ma lakamumulu-lakamamaek Manetualain-na. Neukose Manetualain tao namate-namopo basa hataholi nasala-nasingok-kala,

YESAYA 3:16

Manetualain nafa'da nae, “Ina-inak Yerusalem-mala, koao-ndaeao lanseli! Ala hii lalelengoao, ala hii lakahehe'de mata, ma ala la'ok lalelengo ao, ala nggani ein-nala no koao-ndaeaok, fo ela suek manai ein-nala lalii bedolo.

YESAYA 5:19

Emi mafa'da mae, “Nemen-na Manetualain fo Israel Manetualain malalao-malalafun-na, Ana ho'i nakeketuk no lai-laik! Nemen-na fo, nakalala'ok dale tutu'un-na, fo ela ita tita ma bubuluk.”

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 27:12

Soaneu Zedekia fo manek Babel-la soona, au, Yeremia, anduku-alosak dede'ak matak esa. Au afa'da ae, “Bii neu menek Babel-la. Mahele neun, ma neu ndia leoinan-na fo ela Ama maek naso'da.

YEREMIA 36:23

Yehudi bei lees basa dalak telu do haa te manek-ka kena nanalees basak ndia, nenik dope anak esa de ana tapan leo ha'i dale neu. Ana tao leondiak nakando losa susulak nanalunuk ndia nanahuto-heni la'iesak.

YEREMIA 43:2

Boema Azarya fo Hosaya anan-na, ma Yohanan fo Kareah anan-na no basa hataholi fe'ek fo manakoao-ndaeaok sila-la lafa'da neu au lae, “O masapepeko-masandandali. Ami Amam Manetualaim-ma ta nadenu o kena-ka'i ami soaneu meu lo Masir fa.

YEREMIA 8:3

Boema hataholi bei maso'dak neme leoina mangalauk ia, fo nanatao tapasasalak leo basa mamanak lala'en-na, neukose ala lahiik mate neme laso'da mai. Au, fo Manetualain nde manakokolak-ka.”

RATAPAN 1:14

Ana ho'i-na basa au sala-singong, boema Ana pa'an da'di esa, de Ana bokoliin neu au botolii nga, nalosa belan-na tao-na au ndole-ndaku. Manetualain fe au leo musu nook-ka neu; au be'i-balakaing ta soaneu la'ban-nasa fa.

RATAPAN 2:17

Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

RATAPAN 5:5

Lakaseti ami maue-male'di belak sama leo bana-manu, ami sota-mangu, tehu ala ta fe fai hahaeaok fa.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

AMOS 2:14

Manamalai makamiuk-kala boeo, neukose ta laladeak fa. Hataholi balakaik-kala, neukose mopo balakain-na, ma hataholi ao kahelek-kala, neukose ta lala huhukuk-ka deak fa.

AMOS 3:1

Mamanene Manetualain hala hehelun-na nde ia, hai leoina Israel fo Manetualain nos kalua leme Masir mai! Manetualain nafa'da nae,

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

AMOS 5:13

Hu kande emi tatao-nono'i ma ndia, de hataholi manatee-tenok-kala dodoo lae, malole lenak ka'da bedenge nai le'do-fai mangalauk leondiak-ka.

MIKHA 2:1

Soe ba'eneu hataholi fo ana tutu'u eno mangalauk, nai lelek fai la'odaen-na nangape'uk nai pepe'uk lain, boema ana taon nai fai fafain-na, nanahu lanuu be'i-balakaik soaneu ala tao-no'i tatao-nono'ik ndia.

ROMA 16:4

Isabaina mate duas nanahu ala nau tulu-fali au. Au oke makasi neu duas, ma ta ka'da au mesa nga fa, tehu basa salanik leoina fe'ek fo hataholi ta Yahudi la boeo, loke makasi neu duas.

EFESUS 5:16

Pake matalolole o fai loam lala'ena, nana le'do-fai besak ia nde bee na, le'do-fai mangalauk.

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.