MIKHA 2:12 - Susula Malalaok Hehelu Palak Ma Hehelu Beuk

¹² Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.

MIKHA 2:12 Iomraidhean Croise

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 27:12

Nai lelek ndia, neukose Manetualain tao nakabubua leoinan, esa basa soona esa, neme Lee Efrat-ta, losa Masir dae toon-na. Neukose Ana ta'da fe'es, sama leo hataholi-a ta'da fe'e gandum-ma isin-na, neme loun-na mai.

YESAYA 34:6

Neukose Manetualain tafainan-na, nadiu daak, ma pete-pete no sila minan-na, sama leo pete-pete no bana tutunu-hohotuk-ka daan-na, ma minan-na. Nana Manetualain sadia tutunu-hohotuk nai Bozra, ma Ana taok-kanisa matuaina-la nai dae Edom-ma.

YESAYA 5:17

Neukose bi'ihiiana ma bi'ilopoana, la'a na'u nai kota manandefan-na, fo ala ta to'a-taa nana'ak fa.

YEREMIA 23:3

Tehu Au anang bei elak neukose Au tao akabubuas neme nusa-nusak fo nai mamanak Au tu'u-tapa heni sila. Neukose Au uni falik lo sila dae-oen-na mai, ma sila tititi-nonosin neukose boetai lamaba'uk-ka.

YEREMIA 3:18

Neukose, Israel nakabubua no Yehuda, fo ala mai sama-sama leme nusak fo, mamana ookak-ka nai boboak kii Neukose, ala fali ma'is leo nusak fo, Au fe basan neu o bei-ba'i kaim-ma, da'di leo dae pusaka.”

YESKIAL 34:11

Manetualain Fo Mademaina nafa'da nae, “Neukose Au sanga Au bi'ilopong-ngala, fo Au akabobois,

YESKIAL 34:13

Neukose, Au kaluahenis leme leoina-kala tala'da, ma leme nusa dea-la mai, boema Au foo akabubuas fo Au foo falik-kasa leo, sila nusan-na neu. Neukose Au foos lai Israel letelepan-nala lain, ma nai bafak-kala dalek, ma Au hela-noles leo mook fo na'un-na momo'dok leu.

YESKIAL 34:22

Tehu neukose Au nde, soi-tefa Au bi'ilopong-ngala, fo ela ala boso boe hapu makata'ak bai. Neukose Au aketu-ala'di Au bi'ilopong-ngala esa esa, fo Au ta'da fe'e malole-a neme mangalauk-ka mai.

YESKIAL 34:31

Tete'ek-ka, Au bi'ilopong-ngala nde emi, de Au fe emi mi'a. Emi nde been-na Au anang, ma emi Manetualaim nde Au. Au, Manetualain Fo Mademaina, nde manakokolak-ka.”

YESKIAL 36:37

Manetualain Fo Mademaina, nafa'da nae, “Hai leoina Israel-la lemin, Au fe emi loak seluk, fo moke tutulu-fafalik neme Au mai; neukose Au fe mamade'u, sama leo bi'ilopo bubuak-kala.

YESKIAL 37:21

Boema mafa'das mae Au, Manetualain Fo Mademaina, neukose aloo falik basa Au leoina lala'en-na, leme nusa-nusak fo nai bee, ala leo lai ndia. Neukose Au tao akabubuas, fo Au o falik-kasa leo sila nusan-na leu.

HOSEA 1:11

Neukose tao nakabubua falik leoina Yehuda, ma leoina Israel-la. Neukose ala so'u mauli-malangan esa, ma neukose lamade'u, ma tetu-temak seluk nai sila nusan-na. Te'e-te'e, Yizreel fain-na, neukose ana da'di fai matua!

AMOS 1:12

Hu ndia de, neukose Au haitua ha'i-a leo kota Teman neu fo na'a heni Bosra kota musun-nala.”

MIKHA 2:13

Neukose Au soi enok-ka, fo Au o emi kalua meme mamana tu'u-tapak mai. Neukose emi hona malulutuk lelesuina-la fo emi la'o no pe'daom. Au, Manetualain mesak-kana nde emi Manem, ma neukose Au hela-nole emi fo emi kalua.”

MIKHA 4:8

Ma o Yerusalem, mamanak fo Manetualain nanea anan-nala, sama leo manafoo nanea bi'ilopon-nala, neukose o da'di falik o nusam-ma polon-na, sama leo makasososan-na.

MIKHA 5:7

Hataholi Israel fo ala bei leo lai leoina-la tala'da, neukose sama leo meoasu nai bana manai nula-la tala'da, do nai bi'ilopo bubuak manai moo mana'uk-ka. Meoasu ndia neu leo bi'ilopo bubuak ndia tala'da heon neu, fo ana heheta-aa'i ma ana sisii-lulu'i. Ta hapu manasoi-po'i fo soi-po'i bi'ilopo sila-la fa.

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

MIKHA 7:14

Ou Manetualain, foo-lolo O anam, fo O hataholi hehelem-mala. Ala leo pasi fe'e lai lasi manggiok dale, nai dae maoe-maisik tala'da. Nemen-na fo ala hapu nana'a-nininuk nai mook Basan ma Gilead, sama leo nai tepo-lelek makahulun-na.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

ZEFANYA 3:20

Neukose fain-na losa, Au hela-nole falik, emi laum manatapasasalam-mala. Au tao-a emi da'di, nananita-nalelak nai basa daebafak-ka lala'en-na, ma neukose Au tao falik emi tetu-temam,” Manetualain nde manakokolak-ka.