MIKHA 1:5 - Susula Malalaok Hehelu Palak Ma Hehelu Beuk

⁵ Neukose basa sila-la ala da'di, nanahu hataholi Israel-la lasala-lasingo, ma ala la'ban Manetualain. See kande, tao-na Israel nasala-nasingo? Ade, ta hu Samaria kotainan-na fa do? See kande, tao-na Yehuda sene-do'ok neu songo-tangok? Ade, ta hu Yerusalem fa do?

MIKHA 1:5 Iomraidhean Croise

1RAJA-RAJA 11:7

Nai letek lain fo nai Yerusalem boboan dulu, ana tao mamana sosongo-tatangok soa neu Kamos, fo hataholi Moab ala lamatua daebafan-na, ma soaneu Molokh, fo hataholi Amon nala lamatua daebafan-na – lamatua daebafak-kaduak sila-la nanamaluak.

1RAJA-RAJA 13:32

Hata fo ana kokolak basan tunga Manetualain paletan-na soaneu mei tunu-hotuk manai Betel ndia, ma mamana huhule-haladoik manai kota-kota Samaria-la, tao leo bee-o, ana da'di.”

1RAJA-RAJA 16:24

Tehu basa boema, ana asa na letek esa neme touk esa na'de Semer, belin-na doi fulak lifun nee. Boema nafofo'a na kota esa nai letek ndia lain, de ana foin na'de Samaria, tunga Semer fo manamanuu letek ndia makasososan-na, na'den-na.

2TAWARIKH 34:3

Yosia da'di manek teuk falu, fo nai lelek bei muli-soluk nanseli boema, ana mulai sene-do'ok neu Manetualain fo ba'in Manek Dauk-ka sene-do'ok-ka. Basa teuk haa boema, ana mulai tao nakalulutuk mamana sosongo-tatangok-kala, lamatua daebafa Inak Asyera dodoki-dudulan, ma sosongo-tatango fe'e-fe'ek-kala.

2TAWARIKH 34:4

Yosia ana boa-nala tao lakalulutuk dodoki-dudulak ma sosongo-tatangok boema ala nggali sosongo-tatangok sila-la sopun-nala leo hataholi fo manafe tutunu-hohotuk neu sosongo-tatangok sila-la laten lain. Ala tao lakalulutuk Baal mei tunu-hotun-nala ma mei tunu-hotu boomenik manai sila-la.

YESAYA 7:9

Israel balakain-na, ta lena neme Samaria, fo Efraim nusan-na polon-na, ma Samaria balakain-na, ta lena neme Manek Pekah mai fa. Metema emi ta mamahele te'e-te'e neu Au fa soona, tao leo bee-o, emi ta bisa makatatakak fa.”

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 23:13

Au ita basa nabi Samaria-la sala-singon-nala so. Ala kokolak linik Baal-la na'den-na, de ala tao lakatutu'dak Au anang Israel-la.

YEREMIA 23:14

Tehu Au ita nai Yerusalem bai soona, nabi-nabi-la tao-no'i mangalauk lena seluk bai. Ala lasapepeko-lasandandali ma ala hohonge, boema ala tulu-fali hataholi fo manatao-no'i mangalauk-ka de nalosa ta hapu hataholi esa Taka Tei-sale dale boen. Ba'eneu Au soona, basa-basas mangalauk-ka sama leo Sodom ma Gomora.”

YEREMIA 4:18

Yehuda, o nde tataom soe ndia la'e o-a. O so'dam-ma eno-dalan, ma o tatao-nono'im nde taon-na basa doidosok sila-la, ala papau o dalem-ma.

YEREMIA 5:25

Tehu emi sala-singom sila-la, nde lapangge basa hata malole sila, nalosa emi ta hapu fan.

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

RATAPAN 5:16

Ami dale namatutuam-ma taak-kana so, ami hapu soe hu kande ami masala-masingo so.

YESKIAL 16:46

O ka'am nde Samaria, nai kii, no basa nggolon-nala. Ma o fa'dim-ma, nde Sodom, nai kona, no basa nggolon-nala.

HOSEA 7:1

Manetualain nafa'da nae, “Nai lelek fo Au hii akahahaik Au anang Israel, ma tao atalolole sila ha'da-tataon, boema Au ita ka'da sila tatao-nono'i mangalaun-na, ma sala-singon-nala. Sila esa ke'dindiu esa, leu lamanako nai hataholi uman, ma laseti-lalaka hataholi hata-heton nai enok-kala.

AMOS 6:1

Soe ba'eneu emi fo maso'da nai malole-mala'da dalek nai Sion, ma emi fo mame'da so'dam-ma nee-nee lino-lino nai Samaria, hai emi fo lasi nggolok nananita-nalelak nai leoina Israel mana'a hiik ia, emi fo biasa laun-nala mai fo loke tutulu-fafalik!

AMOS 7:9

Neukose Au tao akalulutuk la'iesak mamanak fo Isak tititi-nonosin paken soaneu sene-do'ok nai ndia. Neukose Au tao atu'u hataholi Israel-la mamana malalao-malalafun-nala. Neukose Au tao amopo-amate Mane Yerobeam-ma tititi-nonosin.”

AMOS 8:14

Hataholi fo ana soo-supa nenik Samaria sosongo-tatangon no nafa'da nae, ‘No leoina Dan-na lamatua daebafan-na na'den-na’, do ‘no Bersyeba lamatua daebafan-na, na'den-na’. Soona neukose ana tu'u neu, fo ana ta fo'a so'on.”

MIKHA 1:13

Emi fo laun Lakhis-sala, pa'a ndala neu kaleta natee-natatik-ka leona! Emi na'da-ma Israel tao sala-singok-ka, nalosa ana tao-na Yerusalem nasala-nasingo boe.