MAZMUR 82:3 - Susula Malalaok Hehelu Palak Ma Hehelu Beuk

³ Masala'e anamaak-kala, ma hataholi tapandoes-sa, fe ndoos ma matetuk neu hataholi nuu ta-hata taak-ka, ma hataholi manadoi-dosok-ka.

MAZMUR 82:3 Iomraidhean Croise

AYUB 29:12

Nana, au tulu-fali hataholi nuu-taa hata-taak, fo manaloke tutulu-fafalik; au tia-to'ba kisa-anamaak, fo manatulu-manafalin ta.

AYUB 31:21

Fafa'kama, au tuni-ndeni hai kisa-anamaak, nana au amahele, neukose au sengi au dede'ang-nga,

MAZMUR 10:18

O masala'e anamaak-kala, ma hataholi nanatuni-ndenik-kala, dede'an-na, fo ela hataholi boso nakabibiik-kasa bai.

KELUARAN 23:3

Boso bibinga-baba'e hataholi nai manakee-manafula matan, leomae hataholi nanakalaak ndia hataholi nuu-taa hata-taak.

KELUARAN 23:6

Tao hataholi nuu-taa hata-taak-ka no ndoos ma matetuk, metema ana kalaak dede'an-na leo manakee-manafula neu.

AMSAL 31:9

Matee-mata'ti soaneus, ma da'di manakee-manafula ndoos ma matetuk. Masulu-mahapa hataholi nuu-taa hata-taak-ka, ma hataholi nanatuni-ndenik-ka, hak-ka.”

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YEREMIA 5:28

boema laao, ma so'dan-nala tetu-temak. Sila tatao-nono'i mangalaun-na, too-lanen ta. Ala ta tao ndoos ma matetuk, nai ni'iana kisa-anamaak-kala dede'an dale fa, ma ta lasala'e hataholi nanatuni-ndenik-kala, haak-ka fa.

ZAKHARIA 7:9

“Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.

ULANGAN 10:18

Ana nasala'e faluina anamaak-kala haak-ka, fo ela taos tunga ndoos ma matetuk. Ana sue-lai hataholi nusa dea fo, manaleo sama-sama loo ita leoinan-nala, ma Ana fes nana'a-nininuk ma papake-ngganggaok.

ULANGAN 24:17

Boso losom-ma, hataholi nusa dea, ma anamaak-kala hak-ka, ma boso ho'i-ma, inafalu esa bua papaken-na, da'di neu bua nape'dak esa.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.