MAZMUR 7:1 - Susula Malalaok Hehelu Palak Ma Hehelu Beuk

¹ Dauk kikii-makaleleun nananakameek ba'eneu Manetualain nanahu Kus fo hataholi Benyamin ndia.

MAZMUR 7:1 Iomraidhean Croise

MAZMUR 11:1

Soaneu mauli-malanga nakameek. Dauk kokoa-kikiok. Au asulu-ahapa neu Manetualain; sosoa-ndandaan ta, fo emi mafa'da au mae, “Soi-tefa-ma, o aoinam-ma, sama leo manupui-a laa leo letek lain neu.

MAZMUR 13:3

Au muse lu'a-lepa susa losa faihi'da, ma au daleng-nga he'dis-sa, nai lele'do katemak esa dalen-na? Musu-a koasa au losa faihi'da?

MAZMUR 13:5

Boso po'ilotak au musung-nga, nafa'da nae sila sengi au so. Boso po'ilotak ala eeki-latadale au.

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 18:28

O soi-tefa-mala hataholi fo dale taidaek-ka, tehu ne'e makatele, hataholi fo manamakaloe-makadaeaok-ka.

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.

MAZMUR 26:1

Dauk kokoa-kikion-na. Fe au ndoos ma matetuk-ka, ou Manetualain, nana au aso'da no dale ndoos. Au amahena neu Manetualain, de au daleng-nga ta naba'e faaanak boen.

MAZMUR 3:7

Au ta bii-amata'u neu musu lifu-lifuk fo lakahapi-la au, neme bu'u-bu'uk lala'en-na mai.

MAZMUR 30:12

O tao nggati au kii-makaleleung nenik fofoti-lolongek. O ho'i-ma au dale he'ding-nga, ma O tao mahenu au daleng-nga, nenik namahokok.

MAZMUR 30:2

Au koa-kio O, ou Manetualain, nana O soi-tefa basa au so ma O ta po'ilotak au musung-nga eeki-natadale au fa.

MAZMUR 31:15

Tehu au amahena neu O, ou Manetualain, nana O nde, au Manetualaing-nga.

MAZMUR 32:10

Hataholi masala-masingok-ka, susa-soe makadotok, tuni-ndeni la'en; tehu hataholi fo, namahena neu Manetualain-na, Manetualain susue-lalain nasulu-nahapa nahelen.

MAZMUR 43:4

Soona neukose au u leo Manetualain mei tunu-hotun u, fo au asale leo Manetualain fo au oemata tetu-temang-nga. Neukose au akamee ma au akaminak kecapi, soaneu koa-kio O, ou Manetualain, fo au Manetualaing-nga.

MAZMUR 89:26

Neukose Au tao amaloa nusan-na, neme Tasi Tala'dak losa Lee Efrat-ta.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YEREMIA 15:15

Boema au afa'da ae, “Manetualain, O bubuluk. Mafandele ma tulu-fali au dei. Balas sila fo manausi-a ma manantuni-ndeni au-a. Boso kala loak soaneu sila, te boso nalosak ala tao lisa au. Mafandendelek te nanahu O au nananakadadaek.

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.

YEREMIA 31:18

Au amanene hataholi Israel-la lafa'da lae, henuk no dale he'dik-ka, ‘Ou Manetualain, ami sama leo bana-manu-a fo beita nakalilik na fan, tehu O manoli ami de ami mateme so, de besak ia ami mahele aon soaneu fali ma'im-ma lo O-a neu. Da'di mo falik ami ma'im-ma lo O-a neu, Ou Manetualain, fo ami Manetualaim-ma.

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

HABAKUK 3:1

Nabi Habakuk-ka huhule-haladoin nde ia:

ZAKHARIA 14:5

Neukose, emi malai tunga bafak fo manaba'e letek ndia neu 2. Neukose emi malai sama leo emi bei-ba'i kaim-mala, nai lelek dae manggengok-ka, ana da'di nai tepo-lelek, Uzia fo mane Yehuda paleta. Boema, Manetualain fo Manetualaing-nga, Ana mai, no basa ata nusa so'dan-nala tungan.

YOSUA 14:8

Au u o hataholi-la, ala tao-la hataholi Israel-la bii-lamata'u. Tehu au lilineka ahele Manetualain fo au Manetualaing-nga.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 PETRUS 4:19

Hu ndia de, metema hapu hataholi ana doidoso nanahu Manetualain hihii-nanaun leondiak, soona ela leo bee na hataholi ndia naso'da tunga ndo na, ma ala fe basa so'da nala neu Mana Makadada'di kasa. Neukose Ana tao natetu hala hehelu na.