MAZMUR 3:4 - Susula Malalaok Hehelu Palak Ma Hehelu Beuk

⁴ Ou Manetualain tehu O nde been-na, babaa fanak fo manamanasulu-mahapa au-a. O fe au sesengik, ma O mamatutua au daleng-nga.

MAZMUR 3:4 Iomraidhean Croise

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

MAZMUR 119:114

O nde, au manamasala'eng, ma manamasulu-mahapang, au amahena neu O hehelum-ma.

MAZMUR 138:3

Lelek, au aloo bou-bou neu O, O mataa O matetea-mahehele au daleng-nga, nalosa au apalani.

MAZMUR 18:3

Ou Manetualain, fo au pupuku batung, au kota musung ma au manasoi-manatefang-nga, Au Manetualaing au lete batung, au mamana nasulu-nahapang-nga. Au babaa fanang, ma manamanea au, fo au nee-nee lino-lino tataas esa, au kota musung-nga.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

MAZMUR 27:6

Besak ia, au sengi musu manai au boboa-kaisung-nga; boema no eeki-natadalek, au tunu-hotu tutunu-hohotu makasi nai Uman; au nau akamee, ma koa-kio Manetualain.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

MAZMUR 34:4

Mamatutua-mamadedema Manetualain sama-sama mo au leona, mai fo ata sama-sama koa-kio na'den-na.

MAZMUR 34:6

Hataholi nanatuni-ndenik-ka, namahena neun, de Ana namahoko-setelee, ala ta lanuu ne'ek soaneu ala bii-mae fa.

MAZMUR 43:3

Matu'du O lilinekam fo nasalaa-na au, ma ana hela-nole au, fo ela au fali leo Sion, fo O pupuku malalao-malalafum ma leo Uma fo O mamana leleom-ma neu.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 62:8

Ndia nde Manetualain, fo manafe au so'da-molek, ma ha'da-holomata, Ndia nde au manamasulu-mahapang, ma au manamasala'eng fo matea-mahelek.

MAZMUR 84:12

Nana Manetualain nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

MAZMUR 89:19

Nana ami manamasulu-mahapam nde bee-na, nde hataholi fo O helek-ka, ou Manetualain; ami manem-ma nde bee-na, Israel Manetualain fo Malalao-malalafuk-ka, nuun.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

MAZMUR 99:9

So'uk mamadema ita Aman Manetualain, ma sene-do'ok-kana, nai pupukun fo malalao-malalafuk-ka, nana ita Aman Manetualain, malalao-malalafuk.

AMSAL 2:7

Ana fe tutulu-fafalik ma nasulu-nahapak neu hataholi dale ndoos ma bu'u-ba'e tak.

YESAYA 65:24

Ala beita dokodoe fa te, Au ataa so; ala beita hule-haladoi basa fa te, Au sipok basa sila huhule-haladoin so.

RATAPAN 3:56

Au dokodoe anseli, boso ko'oketu O di'idoom-ma soaneu au nonokeng-nga, fo ela O tulu-fali au. Boema O mamanene au huhule-haladoing, ma O mai deka; O mafa'da mae, ‘Boso bii.’

MATEOS 7:7

“Moke leona soona neukose emi sipo. Sanga leona soona neukose emi hapu. Dedelu leona soona neukose lelesu nanasoik soaneu emi.

YAKOBIS 5:13

Metema nai emi dalek, hapu nggelok susa soona, ela leo bee na ana hule-haladoi. Metema hapu nggelok lamahoko soona, ela leo bee na, ana koa-kio Manetualain.