MAZMUR 26:1 - Susula Malalaok Hehelu Palak Ma Hehelu Beuk

¹ Dauk kokoa-kikion-na. Fe au ndoos ma matetuk-ka, ou Manetualain, nana au aso'da no dale ndoos. Au amahena neu Manetualain, de au daleng-nga ta naba'e faaanak boen.

MAZMUR 26:1 Iomraidhean Croise

2RAJA-RAJA 20:3

“Manetualain, mafandendelek te, au ia aso'da nai O matam, no lilinekak ma dale ndoos. Au sanga enok tataas esa, fo tunga O hihii-nanaun.” Boema, Hizkia kii no dale he'dik.

AYUB 2:3

Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

AYUB 4:6

Ade, o lilineka neu Manetualain hetu; ade, o so'dam-ma, ta mabu'u-ba'ek fa hetu? Metema leondiak soona, nandaa o mamahele, fo ta ketu o namahehenam-ma fa.

MAZMUR 121:3

Neukose, Ana ta po'ilotak au tu'u u fa, nana, au manamasulu-mahapang, nanea au tataas esa.

MAZMUR 15:2

Hataholi fo, so'dan-na salan ta, ma ana tao tatao-nono'i malole, ma no dale ndoos, nafa'da hata fo tete'ek-ka;

MAZMUR 21:7

O ba'e-palan nakandondoo henin; O mamaim-ma, tao-nan henuk no namahoko-seteleek.

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.

MAZMUR 25:21

Ela leo been-na, dale malole-a no dale ndoos-sa lanea au, nana au amahena neu O.

MAZMUR 26:11

Tehu au aso'da no dale ndoos, sue-lai ma soi-po'i au leona.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

MAZMUR 31:14

Nai mamanak lala'ena, hapu bibii-namata'u matuaina; au amanene dede'a anin, la'eneu au musung-nga. Ala lalahalak, soaneu la'ban au, ma ala sanga enok fo taolisa au.

MAZMUR 35:24

Masala'e au, nana O ndoos ma matetuk, ou au Manetualain, boso po'ilotak musu-a eeki-natadale au.

MAZMUR 37:31

Ana pe'da ndia Manetualain-na hoholo-lalanen nai dalen dale, de ana tao natetu la'iesak-kasa.

MAZMUR 4:5

Leomae emi mamanasa tehu boso tao sala-singok, Kokolak nai o dalem dale, nai o pepe'um lain, tehu denge-denge mahele.

MAZMUR 43:1

Fe ndoos ma matetuk-ka neu au, ou Manetualain masala'e au haak-ka soaneu leoina malelesik-ka. Se'i-po'i au neme hataholi mangalauk ma manatipu-daik-ka mai.

MAZMUR 54:1

Soaneu mauli-malanga nakameek. Nenik nakaminak kacapi. Dauk nakamee nanolin-na,

MAZMUR 62:2

Au ahani Manetualain, no au samaneng-nga tesa-tama, au so'da-moleng, neme ka'da Ndia mai.

MAZMUR 62:6

Au samaneng-nga nahani Manetualain no nee-nee lino-linok, au so'da-moleng, neme ka'da Ndia mai.

MAZMUR 7:8

Taom-makabubua leoina-la nai O boboa-kaisum, fo koasa neme O kandela manem manai nusa so'dak-ka mai.

MAZMUR 94:18

Lelek au dudu'a-dodoo, ae neukose au tu'da, ou Manetualain, O susue-lalaim tao-na au apadeik atea-ahele.

AMSAL 20:7

Ni'iana-la laua-lanale, metema lanuu amak, fo malole ma naso'da tunga ndoon-na.

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

IBRANI 10:23

Ela leo bee na, ata ho'u tahele neu namahehenak fo ita manakun, nana Manetualain bisa nananamahelek de neukose tao leo bee o Ana tao natetu hala hehelu na.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

2 PETRUS 1:10

Hu ndia, tolano-tolanoo ngala lemin! Boetai sanga enok seluk, fo ela Manetualain nalo ma Ana hele nahele emi ndia, boetai natea-nahele. Metema emi tao tungan leondiak soona, neukose emi ta fali deak so'on.

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.

SEMUEL SUSULAK-KA ESAN-NA 24:15

Taoafik neu atam, fo mane Israel-la sanga taonisan ia. Mete atam fo nanausi do'e-do'ek ia! Atam-ma, ka'da busa mates esa, ma utu esa mesak-kana.