MAZMUR 23:1 - Susula Malalaok Hehelu Palak Ma Hehelu Beuk

¹ Dauk kokoa-kikion-na. Manetualain sama leo hataholi manafoo esa ba'eneu au au ta to'a-taa fa.

MAZMUR 23:1 Iomraidhean Croise

MAZMUR 34:11

Singa-la boeo lamala'a, nanahu nana'ak-ka ta dai fa; tehu hataholi fo, manasene-do'ok neu Manetualain-na, ana ta to'a-taa fa.

MAZMUR 78:52

Boema Ana hela-nole anan-nala, sama leo bi'ilopo bubuak-ka, ma Ana hela-noles tunga moo solokaek-ka.

MAZMUR 79:13

Boema ami, fo O anam-mala, O bi'ilopo fofoom-ma, neukose ami moke makasi neu O, ma koa-kio O losa dodoon-na.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YESKIAL 34:14

Tete'ek-ka, neukose Au sadia fes mook mana'u momo'dok-kala lai dae Israel-la letelepan-nala, ma lai bafak-kala. Neukose ala lu'u lai naa, ma la'a na'u no nee-nee lino-linok.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MIKHA 5:4

ma neukose Ana fes mole-dame. Metema solda'du Asyur-ra sapu-la ita nusan-na, fo ala hona lakalulutuk ita kota musun-na soona, neukose ita tadenu ita mauli-malangan mabe'i-balakain-nala fo latee-lata'ti los. Ita mauli-malangan sila-la, neukose ala sengi Asyur no be'i-balakai tafa-sisilo, fo soi-tefa-na ita neme sila liman mai.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

YOHANIS 10:11

Au nde manafoo malole. Manafoo malole a ana fe basa so'da na neu bi'ilopo nala.

YOHANIS 10:14

Au nde manafoo malole. Sama na leo Ama ka nalelak Au, ma Au alelak Ama ka leondiak boe. Au alelak Au bi'ilopo ngala, ma bi'i sila boeo lalelak Au. Au fe la'iesak Au maso'da nga neu bi'i sila la.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

FILIPI 4:19

Manetualain fo au sene-do'o ka, fo su'i-beten sasi kao-kao nai Kristus Yesus dale ka, neukose Ana tao natetu basa emi paluum lala'ena.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

1 PETRUS 2:25

Makahulu na, emi sama leo bi'ilopo mana mopo ka, tehu besak ia, Ana sanga emi de, no falik emi leo Manafoo ma Mana Makaboboi emi samane ma neu so.

1 PETRUS 5:4

Soona mahani te, neu faik fo Mana Foo-lolo Matua Ina ndia Ana mai soona, neukose emi sipo ti'ilanga mandela-masa'a ka, fo ndela-sa'an ta kou mosa fa.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”