MAZMUR 16:10 - Susula Malalaok Hehelu Palak Ma Hehelu Beuk

¹⁰ Nana, O ta po'ilotak au mate fa; hataholi fo O sue-laik-ka, O ta po'ilotak-kana mate-mopo fa.

MAZMUR 16:10 Iomraidhean Croise

AYUB 11:8

Koasan-na, dema lena heni lalai maloa; o ta bisa dai fan, fo o ho'i ma fan. Koasan-na, dema lena heni, hataholi manamatek-kala, daebafan-na, o ta bisa malelak-kana, makandondook fa.

MAZMUR 139:8

Metema au kae leo lalai u, O nai naa, metema au sungu nai bolo mamates dale, O nai naa boe.

MAZMUR 49:15

Sila nananaketuk soaneu mate, sama leo bi'ilopo-a; neukose mamates-sa da'di sila manafoon. Fafai-fafain-na hataholi ndoos-sa sengis; aopaan-nala naboo no lai-laik nai hataholi manamatek-ka daebafan-na, fo dook-ka neme mamana leleo tetu-temak-ka mai.

MAZMUR 9:17

Manetualain natu'du aoinan-na nanahu nakeketun-na ndoos ma matetuk. Hataholi mangalauk-ka, tatao-nono'in nakahihi'ik-na seluk-kana.

AMSAL 15:11

Manetualain bubuluk hataholi manamatek-ka daebafan-na no eno-ma'an; hapu nai bee, hataholi daebafak-ka dudu'a-aafin nananafunik eme Manetualain mai?

AMSAL 27:20

Hapu mamanak tataas esa, nai hataholi manamatek-ka, daebafan-na; leondiak boe, hataholi daebafak-ka, dale hihiin-na ta hapu too-lanen fa.

YESAYA 14:9

Hataholi manamatek-kala daebafan-na lakalupu-lakasee, sipok mane Babel ndia. Boema hataholi fo makahulun-na ala koasa nai daebafak-ka samanen-nala nggenge, ma basa manek-kala samanen-nala, ala fo'a leme sila kandela manen lain mai.

YESAYA 5:14

Mamates-sa bafan ka'u-ka'u, soaneu ana ko'do heni hataholi nananita-nalelak manai Yerusalem-mala, sama-sama loo laun fo ala feta-dote sama-sama.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

IMAMAT 19:28

Boso duik mahina emi loum-ma, fo tao ta'du-tana, do tao mahina aopaam-ma, da'di leo ta'du-tana manafalu mamates. Au nde Manetualain.

AMOS 9:2

Leomae ala tola leo hataholi manamatek-kala daebafan dale leu boeo, neukose Au hapus. Leomae ala kae leo lalai leu boeo, neukose Au akona henis leme naa mai.

BILANGAN 6:6

Langadoon ndia, nalupa ta'du-tana nae ndia nanafe hehelik ba'eneu Manetualain. Nai lelek ana fe nazar-na, ana ta bole tao nanggenggeo aoinan-na fa; ana ta bole deka mamates fa, leomae mamates ndia nde been-na, ndia aman, do ndia inan, do ndia tolanoon boe.

LUKAS 1:35

Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan.

LUKAS 16:23

Nai daebafa hataholi manamate ka, ana doidoso nanseli. De nai lelek nanganalo neme naa leo lain neu te, nita Abraham nai mamana ka doo na seli, ma nita Lasarus nai Abraham boboa na.

LUKAS 4:34

“Hei Yesus, hataholi Nazaret, O sanga tao ami le'e ia? Ade O mai soaneu tao makalulutuk ami do? Au bubuluk see O; O hataholi nadedenuk fo malalaok neme Manetualain mai!”

1 KORINTUS 15:42

Mahani te dede'a na da'di tao leondiak no hataholi manamatek fo nanatao naso'da fali ka boe. Ao paak fo nananatoik ndia nde bee na, ao paak fo bisa pulu po'on, tehu ao paak fo nanatao naso'da fali ka nde bee na, ao paak fo ta bisa pulu po'o fan.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.

NINITAK 20:13

Boema tasi fe hataholi manamatek manai dale ka. Mamate sa ma Faka Mamate sa boeo fe hataholi manamatek manai sila dale ka. Laketu-lala'di hataholi manamatek sila la basa-basas huhuku nala nandaa no sila tatao-nono'in.