MAZMUR 139:4 - Susula Malalaok Hehelu Palak Ma Hehelu Beuk

⁴ Nakalenak, au beita kokolak fa te, O bubuluk basa hata fo, au sanga kokolak-kana so.

MAZMUR 139:4 Iomraidhean Croise

AYUB 38:2

“See o, de o mapalani ta mamahele Au manatee-tenong-nga, nenik o hala-kokola nggoam-ma, ma louk ndia?

AYUB 42:3

O matane, tao le'e de, au apalani au daleng-nga naba'e, soaneu O manatee-tenom-ma, te se'kona, au mesang-nga, ta bubuluk hata esa boen. Au kokolak la'eneu dede'ak, fo au ta alak-kasa fa, la'eneu dede'ak, fo matabeuk nanseli, ba'eneu au ia.

MAZMUR 19:14

Madook au neme sala-singok fo au taon no nameme'dak, boso po'ilotak sala-singok ndia, ana koasa-na au. Soona au da'di hataholi sala tak, ma au atapo'i eme sala matuaina mai.

YEREMIA 29:23

Sila ua-nalen-nala leondiak nanahu ala tao sala-singok matuaina nai Israel; fonde ala hohonge, ma ala pake Manetualain na'den-na soaneu ala tui dede'a-dede'ak fo ta tete'ek-ka fa. Ndia ta nanda no Manetualain hihi-nanaun fa. Ana bubuluk hata fo ana taok-ka, ma ndia sakasii seluk la'ban sila. Manetualain nde manakokolak-ka.”

ZEFANYA 1:12

Nai faik ndia, neukose Au de'de obor, fo Au palisak lutu-lutuk kota Yerusalem-ma. Neukose, Au huku laun fo ta namahele te'e-te'e ndia fa, boema name'da-nana, dai so, ma hataholi fo ana dodoo nae Au, fo Manetualain ta la'iesa fo Ana ho'i nakeketuk leo iak do leonak boen.

YAKOBIS 1:26

Metema hataholi esa, ana dodoo nana, ndia hataholi mana tunga agama hoholo-lalanen, tehu ta nanea na maa na fa soona, ana ke'dindiu seluk ao ina na nde ndia; soona palsuma la'i esa kana, namahele neu Lamatua ka.