MAZMUR 109:18 - Susula Malalaok Hehelu Palak Ma Hehelu Beuk

¹⁸ Ba'eneu ndia soona, supa-sook ndia, tatao-nono'i biasa ndia, sama leo ana pake papake-ngganggaon. Nemen-na fo, supa-sook ndia, sama leo oe-a, fo ana susi leo aon dale neu, ma sama leo mina, fo ana faa leo dui-nala dalek neu.

MAZMUR 109:18 Iomraidhean Croise

MAZMUR 73:6

Hu ndia de, latu'du heo-hilu koao-ndaeaok, ma ala tao no naseti-nalakak tataas esa.

BILANGAN 5:22

Oe fo maneni soo-supak ia, neukose ana masok leo o teim dale neu, fo ana tao-na o teim-ma natafuu, ma ana tao-na o puu huum-ma, loun-na kukulu.” Soona inak ndia muse nataa nae, “Au sipok; de sa'di leo been-na, Manetualain taon leondiak.”

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

KOLOSE 3:8

Tehu besak ia, ela leo bee na emi tu'u-tapa heni basa mangalauk sila la, neme emi dalem dale mai: fo nde, boso boe mamanasa bai, do makasese'bok do mape'da dalek neu hataholi. Boso kalua dede'a-kokola dodoki-aalik do dede'a manggenggeok neme emi bafam dale mai makandondook.

HATAHOLI 1:18

Yudas ia, ana hapu dae fo ana da'di mamana loo-laten neme ngga'di mana ke'dindiu mangalau na mai so. Ana tu'da de tatika'di tei na, boema tei aten basa-basan poka leo deak mai, de maten.

MATEOS 26:24

Memak Ana Hataholi ka neukose Ana mate sama leo nanasulak nai Susula Malalaok dale. Tehu soe ba'eneu hataholi fo mana ke'dindiu Ana Hataholi ka! Malole lenak hataholi ndia boso bongin makandondook!”

AYUB 29:14

Au ho'i nakeketuk soona, tunga ndoon-na, ma bu'u-ba'en ta; au apadedeik atetu ndoos ma matetuk-ka tataas esa.

BILANGAN 5:27

Leounik-ka inak ndia hohonge soona, oe ndia tao-nan name'da he'dis nanseli; tein-na natafuu, ma puu huun-na loun-na kukulu. Neukose na'den-na nanasoo-supak, nai leoinan-na dalek.

MAZMUR 109:19

Nemen-na fo, supa-sook ndia, nalu'e-nan sama leo papake-ngganggaok, ma fefeo-nan, sama leo kalikee-a.