MAZMUR 102:14 - Susula Malalaok Hehelu Palak Ma Hehelu Beuk

¹⁴ Neukose O fo'a, fo O sue-lai Sion, fain-na losa so, soaneu tao dale susue-lalaik neun.

MAZMUR 102:14 Iomraidhean Croise

EZRA 1:5

Basa boema, basa mane leo-la, leme leo Benyamin-na, basa imam-mala, ma hataholi Lewi-la, ma ba'eneu hataholi, fo Manetualain nakababale dalen-na soona, maheheleaom leona, fo fali leo Yerusalem meu, fo nafofo'a falik Manetualain Uman-na.

EZRA 7:27

Boema Ezra nae, “Koa-kio Manetualain fo ita bei-ba'i kain-nala, sene-do'ok-ka! Ana nakababale basa manek-ka dalen-na, nalosa ana nau taoafik neu ka'da Manetualain Uman-na nai Yerusalem.

NEHEMIA 1:3

Ala tui lae hataholi nanafoo haik fo manafali ma'is leo dae-oen mai sila-la, besak ia laso'da no doidosok ma ala hapu nakamumulu-nakamamaek neme leoina nusa dea manai titia-tatain-nala. Bai te, kota Yerusalem-ma papala nanadaman-nala lutu-lutu, de bei besenggela-besenggali ma lelesuinan-nala beita nanatao matalololek neme lelek makahulun-na nanahotu henik-ka mai.

NEHEMIA 2:17

Tehu basa boema, au afa'das ae, “Mete ita so'dan fo manadoi-dosok ia leona! Yerusalem, ela ka'da ai batu madodoun-na, ma ha'i na'a heni basa lelesuinan-nala. Mai fo tafofo'a falik papala nanadamak Yerusalem-mala, fo ela ta lakamumulu-lakamamaek seluk ita fa.”

NEHEMIA 2:3

boema au ataa ae, “So'dak ba'eneu Ama Manek losa dodoon-na! Tao leo bee fo atam-ma dalen-na ta he'dis-sa fa, metema kota fo au bei-ba'i kaing-ngala mamana natoi-natonon-nala, besak ia ela ka'da ai batu madodouk-kala, ma ha'i na'a nakalulutuk basa lelesuinan-nala so.”

NEHEMIA 4:10

Tehu hataholi Yehuda-la mulai lakamee nakamee haladoik-ka nde ia: “Basa ita be'i-balakain soaneu so'u basa ia-la, tehu kadafuk bei makadotok ladodou. Fafa'kama ita ta tabe'i tao ue-le'dis leo iak soaneu tafofo'a kota ia papala nanadaman-na fa.”

NEHEMIA 4:2

Ana kokolak nai tia-lain-nala ma solda'du Samaria-la matan nae, “Hataholi Yahudi manafuu-mopok, ma ala ta bisa tao hata esa boen ndia, ala tao bek ndia. Ade ala sanga lafofo'a falik kota ia do? Sila laedaenga tataos ndia bisa basan nai faik esa dalen-na, ka'da nenik tunu-hotu tutunu-hohotuk do? Ade ha'i na'a naputu kadafu madodouk sila-la, sila bisa taos da'di papala nanadamak-ka batun-nala do?”

NEHEMIA 4:6

Tehu ami tao matalolole makandoo papala nanadamak ndia, de basa boema ta doo anak boen te, papala nanadamak-ka sa'e losa tala'da so, nana laun-na tao-no'i no manggatek nanseli.

MAZMUR 119:126

Manetualain, fain-na losa, soaneu O tao hata esa, nana hataholi-la la'olena, O hoholo-lalanem.

MAZMUR 79:1

Asaf Kokoa-kikion. Ou Manetualain, leoina fo, ta lalelak O fa, langatuu-la, O dae pusakam-ma so, Ala tao langgenggeo O Umam-ma, ma ala tao-la Yerusalem da'di ai-batu madodouk.

YESAYA 14:1

Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

YESAYA 40:2

Matetesa-matatama, hataholi Yerusalem-mala dalen-nala, mafa'das leon, mae ala ta da'di ata so'on. Sila salan-nala hapu do'o do ampon so. Au huku basa sila sala-singon, didikuk la'i dua so.”

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YEREMIA 29:10

Manetualain nafa'da nae, ‘Metema teuk hituhulu lamadai ba'eneu Babel soona, neukose Au tao afik neu emi seluk, ma Au tao atetu Au hala-hehelung-nga soaneu O falik emi lo mamanak ia mai.

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

DANIAL 9:16

O masala'e ami nai tepo-lelek makahulun-na so, hu ndia de, boso boe mamanasa Yerusalem, fo O kotam-ma, O pupuku malalao-malalafum-ma. Hu kande ami sala-singom, ma ami bei-ba'i kaim tatao-nono'i mangalaun-nala, boema basa hataholi manai ami boboa-kaisum-mala lakadadaek Yerusalem ma O anam-mala.

RUT SUSULAN-NA 1:6

Basa teuk de'ubee boema, Naomi namanene, lae Manetualain ba'e-pala hataholi Israel-la, nenik Ana fe dae-oen labuna-laboa malole. Hu ndia de, Naomi no manafeun duas lafafa'u bua-lo'an-nala fo ala fali le'us leo Yehuda leu.