MAZMUR 1:3 - Susula Malalaok Hehelu Palak Ma Hehelu Beuk

³ Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

MAZMUR 1:3 Iomraidhean Croise

KEJADIAN 39:23

Malanga bui ndia ta nanea basa hata lala'en fo nanafek neu Yusuf so'on, nanahu Manetualain tulu-falin, nalosa ana hapu buna-boan nai basa ue-osan lala'en-na dalek.

KEJADIAN 39:3

Tuan na nita nae Manetualain tulu-fali Yusuf, de hu ndia de Yusuf hapu buna-boa malole nai basa hata lala'en fo ana tao-no'in.

2RAJA-RAJA 18:7

Hu ndia de, Manetualain tulu-fali nahelen, nalosa ana hapu buna-boak nai basa ue-osan lala'en-na dalek. Ana ta nau tunga mane Asyur-ra paletan-na, ma ana ta nau nakatele neu fan.

1 TAWARIKH 22:11

Boema Dauk nafa'da seluk nae, “Besak ia, anango nei, ela leo been-na o Amam Manetualaim tulu-fali o tataasesa. Ma ela leo been-na o hapu mapadedeik uma soaneu Manetualain sama leo hata fo Ana helun.

1 TAWARIKH 22:13

Metema o tunga basa hoholo-lalanek fo Manetualain fen neu Musa soaneu leoina Israel-la soona, neukose o hapu buna-boak. O muse mamahele te'e-te'e ma mapalani. Boso bii masasalematak moo su'di beek ka boen.

2TAWARIKH 31:21

Nusa-na tetu-temak nanahu ana tao basa hata lala'en-na soaneu Manetualain Uman-na do soaneu tao tunga Manetualain hoholo-lalanen, nakalala'ok-kana no dale katematuak ma no susue-lalaik neu Aman Manetualain.

2TAWARIKH 32:23

Hataholi makadotok ala mai leo Yerusalem mai leni tutunu-hohotuk soaneu Manetualain ma bua palsen soaneu Hizkia, nalosa mulai neme ndia mai-a, leoina lala'en-na fe ha'da-holomata neun.

AYUB 14:9

tehu, metema oe la'en soona, ana moli seluk; fo sama leo bubu'u-palusa manamoli beuk-ka, de bukun-nala mulai da'di seluk.

AYUB 22:28

Neukose o ue-le'dim, neni buna-boak tataas esa, ma mangale'dok-ka, neukose nangale'do-na, o so'dam-ma.

MAZMUR 128:2

Neukose, o mu'a neme o ue-le'dim buna-boan mai, ma o so'dam-ma tetu-temak ma so'da-molek.

MAZMUR 129:8

Hataholi manala'ok tunga ndia, neukose lafa'da lae, “Ela leo bee-na, Manetualain fe o baba'e-papalak, ma ami fe o baba'e-papalak, nai Manetualain na'den-na dalek.”

MAZMUR 92:14

Sila sama leo ai fo, nanaselek nai Manetualain Uman, de nakapela nai ita Manetualain Uman,

MAZMUR 92:15

ai fo bei naboa nai tepo lelek namalasi, doon-na momo'dok nahele.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

YESAYA 44:4

Neukose ala moli no malole, sama leo na'u moli deka no oe-a, sama leo ai gandarusa nai lee su'un-na.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

YEREMIA 17:8

Ndia sama leo aia moli nai le oe manafaak-ka su'un-na; fo okan-na nandondolo losa oe-a. Ana ta bii neu fai hanas-sa fa, de don-na ka'da momo'dok nahele. Leomae fai hanas-sa la'e nusak-ka boe, ndia ta male-tale fa, de ka'da nabuna-naboa nahele.

YESKIAL 17:8

Te se'kona, ai angol ndia, nanaselek nai dae maoe-maisik, ma oen-na makadotok, nalosa doon-na makadotok nanseli, ma boan-na inu-inu, de ana da'di ai angol malole.

YESKIAL 19:10

O inam, sama leo ai angol mana'a hiik-ka, fo ana moli nai osi fo nai lee anak-kala su'un-na Ana da'di ai fo, doon makadotok, ma naboa, nanahu oe ba'u nai ndia.

YESKIAL 31:5

Hu ndia de ana moli, boema dema lena heni basa ai manai mook-ka lala'en-na; ndanan-nala boetai lamaba'uk-ka, ba'en-nala lamanalu, nanahu oe makadotok faa leo huun-na neu.

YESKIAL 47:12

Basa ai maboa mata-matak lala'en-na, lai ndolo-ndolo lee ndia su'un duas. Ai sila-la doon-na, ala ta male lita fa, ma ta basa boan-nala fa. Ai sila-la, neukose labuna-laboa ai boa beuk tunga bulak, nana lee ndia oen-na, ana faa neme Manetualain Uman-na mai. Ai sila-la boan-nala, ala da'di nana'ak, ma doon-nala, ala da'di mo'do-akidok.”

BILANGAN 24:6

Sama leo bafak fo maloainan-natabaa, do osi nai lee su'un-na; sama leo ai lou kaboomenik, fo Manetualain selek-ka, do ai aras-sa nai lee su'un-na.

MATEOS 13:6

Tehu neu lelek fo le'do a namatetu, boema nupu nala mulai male, de basa boema lamatuu de mates, nanahu oka nala ta tola dema ka fa.

MATEOS 21:19

Ana mete nita ai kaak huuk esa nai eno ka su'u na. Boema neu leo ai ndia huu na neu te ta nita boak esa boen, te ka'da doo na mesa kana. Boema Ana nafa'da ai ndia nae, “Neukose o ta maboa so'on!” Tuti ka ai kaak ndia male henin.

MATEOS 21:34

Neu lelek fo fai ketu ango la losa, boema dae lamatuak ndia nadenu malalau-maoono nala leu leo osi ndia mana'a ngga'di nala leu, fo loke dae lamatuak baba'e na.

MATEOS 21:41

Lataa lae, “Tao leo bee o ana taonisa hataholi mana'a ngga'di mangalauk sila la, fo ana fe hataholi fe'ek se'ba osi angol ndia, fo neu fai na soona, hataholi ndia ana nau laba'e dae ndia isi na.”

YOHANIS 15:6

Metema see ta da'di esa nahele no Au fa soona, neukose nanatapahenik, sama leo ai ndana ka, fo namatuu. Neukose ala tao lakabubua ai ndanak leo sila kala, fo ala tapas leo ha'i dale neu, fo ala hotuhenis.

ULANGAN 28:8

Neukose emi Manetualaim-ma, fe baba'e-papalak neu emi ue-le'dim lala'en-na, ma nadai nahenu emi sokam-mala nenik gandum. Neukose Ana fe emi baba'e-papalak nai Ana fe emi nusak-ka.

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.

NINITAK 22:2

ana faa nai enok manai kota ndia tala'da heon. Nai lee ndia su'u na fo nai su'un duas, hapu ai manafe maso'da ka, fo naboa la'i sanahulu dua nai teuk esa dale na fo nde bulak esa naboa la'i esa. Doo na nanapakek soaneu lakahahaik leoina la.