MAZMUR 1:1 - Susula Malalaok Hehelu Palak Ma Hehelu Beuk

¹ Maua-manalek neu hataholi fo, ana ta tunga hataholi mangalauk-ka nanoli-nafa'dan fa, ana ta na'da hataholi masala-masingok-ka, ha'da-tataon fa, ma ana ta leo-napalasa no hataholi fo, nakamumulu-nakamamaek Manetualain fa,

MAZMUR 1:1 Iomraidhean Croise

KEJADIAN 49:6

Au ta tunga nai sila lalahalan-na dalek fa, ma boeo, ta nai sila nakabubuan-na dalek fa. Nana sila lanisa nai nasa-meluk-ka dalek, ala ke'di ketu meoasu ei uan-na hu kande namahoko-setelek-ka.

KEJADIAN 5:24

Hu kande Hanok naso'da teik esa-dalek esa no Manetualain, de nalosa mopok-kana, nanahu Manetualain ho'i-nan.

1RAJA-RAJA 16:31

So'da masala-masingo ka beita dai ba'eneu fan, sama leo Mane Yerobeam-ma, lena-lenak ana saon-na Izebel, fo Mane Etbaal la neme Sidon mai, anafe'on-na, de ana sene-do'ok neu Baal-la.

AYUB 10:3

Hapu nanalak hata, metema O tuni-ndeni leoiak, de O tu'u-tapa heni, O ue-le'dim buna-boan? Hapu nanalak hata, metema O sipok hataholi mangalauk-kala, hahapun, ma dale tutu'un-nala?

AYUB 21:16

Ade, ta hu kande ita bei-balakain mesan-na, de ita hapu basa hata lala'en, fo ita dudu'a-dodoon-nana hetu?” Tehu, au ta sipok makandondook, no dudu'a-aafik, ma hahapuk leondiak-ka fa.

AYUB 31:5

Au soo, ae au beita ho'i ita, makeketuk, fo ta ndoos ma matetuk fa; ma au beita tipu-dai ita, hataholi fa.

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

MAZMUR 106:3

Maua-manalek ba'eneu hataholi fo, ana tunga paletan-nala, ma hapu ndoos tataas esa nai tatao-nono'in-na dalek.

MAZMUR 112:1

Koa-kio Manetualain leona! Maua-manalek ba'eneu hataholi kamahehelek fo nahii Manetualain paletan-nala.

MAZMUR 119:115

Hai hataholi mangalauk-kala lemin, madook meme au mai! Au nau tunga au Manetualaing paletan-na.

MAZMUR 144:15

Maua-manalek ba'eneu leoina leondiak-ka, maua-manalek ba'eneu hataholi fo, Aman nde Manetualain!

MAZMUR 146:5

Maua-manalek ba'eneu hataholi fo, nasalai dean-na neu Amak fo, ndia Manetualain-na, ma neu Yakob Manetualain, da'di leo ndia manatulu-manafalin.

MAZMUR 146:9

Ana nasulu-nahapa hataholi nusa dea-la; Ana tulu-fali basa faluina anamaak-kala, tehu Ana tao-na, hataholi mangalauk-ka dale tutu'un-na, manada'di tak.

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

MAZMUR 26:12

Boema soe lala'en-na dook-ka neme au mai, neukose au koa-kio Manetualain nai anan-nala nakabubuan dale.

MAZMUR 34:8

Manetualain ata nusa so'dan-na, nanea hataholi fo kamahehelek-ka, ma Ana soi-po'is leme soe-a mai.

MAZMUR 36:4

Dede'a-kokolan mangalauk-ka, ma henuk no tipu-daik-ka, ana ta tao dede'a malole, ma manatee-tenok so'on.

MAZMUR 64:2

Ou Manetualain, mamanene au huhule-haladoing, nai lelek au susa, soi-tefa-ma, au samaneng-nga neme musu fo, maneni bibii-namata'uk-ka mai.

MAZMUR 81:12

Tehu Au anang-ngala, ta nau lamanene Au fa, Israel ta nau tunga neu Au fa.

MAZMUR 84:12

Nana Manetualain nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

AMSAL 1:15

Anang-ngonei, boso tunga hataholi matak leo silak-kala! Madook aoinam-ma, neme hataholi sila-la mai.

AMSAL 1:22

“Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

AMSAL 13:15

Hataholi dale malole-a, neukose nanakoa-nanakiok; tehu hataholi fo ta hapu namahele fan-na, neukose so'dan-na susa.

AMSAL 13:20

Hataholi fo, ana leo-napalasa no hataholi manatee-tenok-ka, neukose ana da'di manatee-tenok; tehu hataholi fo, ana leo-napalasa no hataholi nggoak-ka, neukose ana hapu soe.

AMSAL 19:29

Hataholi ngoak fo, namatutua-namadedema aoinan-na, tao leo bee-o, neukose ana hapu fefepa-lili'uk.

AMSAL 2:12

boema dudu'a-aafik sila-la, kena-ka'i o maso'da tunga maso'dak fo ta malole-a eno-dalan fa, ma boeo madook o aoinam-ma, neme hataholi manakokolak dede'a-kokola mangalauk-ka mai.

AMSAL 3:34

Manetualain ta hii hataholi fo namatutua-namadedema aoinan-na fa, tehu Ana ba'e-pala hataholi fo nakaloe-nakadae aon-na.

AMSAL 9:12

Metema o manuu manatee-tenok soona, neukose o mesam-ma hapu nanalak. Tehu metema o tipa heni manatee-tenok-ka soona neukose o ta hapu hata esa boen.

YEREMIA 15:17

Au ta amahoko-setelee o hataholi fo ka'da lakabubua soaneu lakasosoe aok fa. Hu ka nde namahelek neu o-a de, au ame'dan no nameme'dak nasa-meluk.

YEREMIA 17:7

Tehu hataholi fo manamamahena neu Au neukose Au ba'e-palan tatas esa.

YESKIAL 20:18

Nasafalin-na, Au anoli-afa'da sila ana muli-solun-nala ae leo ia, ‘Boso tunga emi bei-ba'i kaim-mala, tao nakanenetek-kala. Boso na'de dulak neme sila ha'da-tataon-nala mai, ma boso tao manggenggeo emi aoinam-mala nenik, sene-do'ok neu sila sosongo-tatangon-nala boe.

MATEOS 16:17

Boema Yesus naen nae, “O maua-manale manseli Simon, fo Yona anan! Nana hataholi daebafak ta nde nafa'da dede'ak ndia neu o fa, tehu Au Amang manai nusa so'da ka.

LUKAS 11:28

Tehu Yesus nataa nae, “Maua-manalek lena seluk, hataholi mana namanene Manetualain dede'a-kokolan ma nakalala'o kana!”

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

YOHANIS 20:29

Boema Yesus nafa'dan nae, “Hu ka nde o mita Au, de besaka o mamahele hetu do? Tehu maua-manalek ba'eneu hataholi fo namahele, leomae beita nita Au fa!”

ROMA 5:2

Hu ka nde ita tamahele Yesus de Ana fe ita Manetualain susue-lalain, de no susue-lalaik ndia de besa ka ita taso'da. Hu ndia de ami mamahoko nana ita tamahena, neukose ita taso'da nai Manetualain fe ua-nale ka dalek!

EFESUS 6:13

Hu ndia de besak ia, pake la'i esak Manetualain tee-tafa musun lala'e na, fo ela neu fai mangalau na, fo musu a nasasale matak no emi soona, emi matati mabe'i. Ma fo ela emi matati basa losa mate'e na te, emi bei mapalani manseli.

ULANGAN 14:6

ma basa bana eifanga kaba'ek-kala, ma bana fo ala doa-aale

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”

1 PETRUS 4:3

Nai le'do fai maneu ka, doo ka nanseli, emi tao-no'i tunga hataholi fo ta lalelak Lamatua ka, tatao-nono'i nala so. Hu ndia de, emi so'da ma ta malole fa. Emi tunga nasa-melu ka, mafuk ala-lalu, tao feta-dote, mi'a-minu, ma sene-do'ok meu sosongo-tatango manggenggeo ka.

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.