MATEOS 7:3 - Susula Malalaok Hehelu Palak Ma Hehelu Beuk

³ Tao le'e de, emi hapu mita ai bibia anak esa nai emi tolanoo ma matan dale, tehu ai bibia matua ina nai emi matam dale soona, emi ta mita fan?

MATEOS 7:3 Iomraidhean Croise

MATEOS 7:4

Tao leo bee fo emi hapu mafa'da emi tolanoo ma mae, ‘Mai fo au dueheni ai bibiana ka nde o matam dale nde ndia dei,’ te see ko na o beita dueheni ai bibiana ka nai o matam dale fa?

MATEOS 7:5

Hei hataholi mana dea-dale kala lemin! Dueheni makahuluk ai bibia matua ina neme emi matam dale mai, fo emi mita matalolole soona, besa ka emi hapu dueheni ai bibiana ka nai emi tolanoo ma matan dale.

LUKAS 18:11

Hataholi Farisi ndia napadeik mesa kana ma ana hule-haladoi nae, ‘Ou Manetualain, au oke makasi neu O, nana au ta sama leo hataholi fe'e kala, fo mana tenepetak, mana po'de-paik, do mana hohongek fa. Au oke makasi, nanahu au ta sama leo manasusu bea ndia fa.

ROMA 2:1

Hu ndia de, tolano-tolanoo ngala lemin, see tolanoo ka, de nalosa tolanoo ka nau fe salak neu hataholi? Tolanoo ka ta hapu enok faaanak boen soaneu masala'e aoina ma fa! Nana metema tolano ka fe salak neu hataholi fe'ek, te se'kona tolanoo ka tatao-nono'im boeo bei sama leo hataholi sila la, soona tolanoo kala nde maketu aom tolanoo kala huhukum ndia.

GALATIA 6:1

Tolano-tolanoo ngala lemin! Metema emi mita hataholi esa tao sala-singok soona, ela leo bee na emi mana maso'da nai Manetualain Dula Dale na dale ka, hela-nole hataholi ndia fo ana fali ma'in leo eno ndo sa mai. Tehu muse emi tulu-fali hataholi ndia no dale nakaloe-nakadaek, ma manea fo daenga emi boso tu'da leo tatao-nono'ik ndia dalek meu.