MATEOS 4:3 - Susula Malalaok Hehelu Palak Ma Hehelu Beuk

³ Boema nitu mai de nafa'dan nae, “Manetualain Anan O hetu? Naa, madenu batu ia la da'di loti leona.”

MATEOS 4:3 Iomraidhean Croise

KELUARAN 16:3

Lafa'da lae, “Malole lenak, leouni'ka Manetualain taonisa ami neme Masir so. Nai naa, ami mangatuuk, fo ami mi'a paa ma loti, losa ami makabete. Tehu emi moo ami leo ia mai, fo ela ami basa-basam-mala, mate no la'as-sa.”

MATEOS 14:33

Boema Yesus ana mana tunga nala senek leu mata na de lae, “Te'e-te'e Lamatua ka nde bee na, Manetualain Anan!”

MATEOS 16:16

Simon Petrus nae, “Ama nde Mane Mana Fe So'da ka, ma Manetualain Anan fo Maso'da ka.”

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

MARKUS 1:1

Hala Malole ia nde bee soona, la'eneu Yesus Kristus fo Manetualain Ana na.

MARKUS 3:11

Ma hataholi nitu sa'e kala metema lita Yesus soona, ka'da ala senek lakandoo leu mata na fo ala nggasi ma lae, “O nde Manetualain Anan!”

MARKUS 5:7

Ana nggasi napane'e nae, “Yesus, Fo Manetualain Mademaina Ana na! O sanga tao au le'e ia? No Manetualain na'de na, au dokodoe fo boso tao doidoso au!”

LUKAS 1:35

Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan.

LUKAS 22:70

Tutika basa-basas lahala lae, “Metema leondiak soona, O ia Manetualain Anan do?” Yesus nataa nae, “Emi halam ndia.”

LUKAS 4:3

Boema Nitu nafa'dan nae, “Metema Manetualain Anan O soona, madenu batu ia la da'di loti leona.”

LUKAS 4:41

Dula dale mangalau kala boeo kalua leme hataholi makadotok boema ala nggasi beau lae, “Manetualain Anan O!” Tehu Yesus nasapalas ma Ana ta fes loak kokolak fa, nana ala bubuluk lae, Ndia nde Mane Mana Fe So'da ka.

LUKAS 4:9

Boema Nitu no Yesus leo Yerusalem neu leo Manetualain Uma na punin lain neu, de nafa'dan nae, “Metema Manetualain Anan O soona, palaboku leo dae mu leona.

YOHANIS 1:34

Boema Yohanis nae, “Au ita matang Hataholi ndia, de au afa'da ae, Hataholi ndia nde Manetualain Ana na.”

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 20:31

Tehu ala sulak basa ia la, fo daenga ela emi mamahele mae, Yesus nde been-na Mane Mana Fe So'dak fo Manetualain Anan, boema hu ka nde emi mamahelen, de emi hapu maso'da ka.

YOHANIS 9:35

Yesus namanene lae, ala ta nau sipo hataholi ndia, neu leo uma mamasok dale neu so'on boema, Ana sanga hataholi ndia de nafa'dan nae, “Ade o mamahele Ana Hataholi ka do ta?”

HATAHOLI 9:20

Tutika neu leo uma mamaso kala de ana mulai tui-benga nae, Yesus ndia nde bee na Manetualain Anan.

2 KORINTUS 1:19

Nanahu Yesus Kristus fo Manetualain Anan, fo nananafa'dak neu emi neme Silas, Timotius ma neme au a, ta nde hataholi fo “Hei” ma “Ta.” Nasafali na, Ndia nde bee na natataa “Hei”, neme Manetualain mai.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

1 TESALONIKA 3:5

Hu ndia de tolano-tolanoo ngala lemin, au adenu Timotius ne'i nana, au ahiik anseli bubuluk emi namahehelem neu Kristu sa, losa bee so. Au bibii ka'da, nitu a ana hapu enok, soaneu ana dudungu-papau nala emi, fo ami sosota-mamangum, manda'di tak.

IBRANI 12:16

Manea leona, fo ela boso hapu nggelok laso'da sosoa-piao, do ala ta so'ulaik dede'a samane kala, sama leo hata fo Esau tao-no'i ka. Ana nase'oheni ndia ha ka da'dileo ana uluk ka'da soaneu nana'ak mango esa.

IBRANI 4:14

Hu ndia de, ita muse ho'u tahehele neu ita manaku namahele ka. Nanahu ita tanuu Imam Matua ina esa, ba'u na seli, fo Ana masok basa losa leo Manetualain mata na neu so. Ndia nde Yesus, fo Manetualain Ana na.

IBRANI 7:3

La'eneu Melkisedek ia, ta hapu tutui mangale'dok nai bee a boen, nae nanuu ina amak, do bei-ba'ik; ta hapu tutui mangale'dok boen la'eneu, bobongi na do mamate na fa. Melkisedek ia, sama leo Manetualain Anan, fo nde ana da'di imam losa dodoo na.

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.