MATEOS 3:2 - Susula Malalaok Hehelu Palak Ma Hehelu Beuk

² “Tukatei-saledale meme emi sala-singo mala mai leona, nana ta doo ka so'on te, neukose Manetualain Ana paleta leo Mane ka so!”

MATEOS 3:2 Iomraidhean Croise

1RAJA-RAJA 8:47

ela leo been-na, O mamanene hule-haladoin-nala. Metema nai nusak ndia ala tukatei-saledale leme sala-singo nala mai, ma ala hule-haladoi neu O no manaku lae sila-lasala-lasingo so, ma tao tatao-nono'i mangalauk soona, mamanene sila hule-haladoin-nala, ou Manetualain.

AYUB 39:12

Ade, o mamahelen, ana ba'un-na kabubua o keketu-kokolum buna-boan, ma o moon leo o mamana popo'de gandum-ma neu do?

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

MATEOS 10:7

Meu fo mafa'das mae, ta doo ka so'on te, neukose no lai-laik Manetualain paleta da'dileo Mane ka.

MATEOS 11:20

Boema Yesus nakamuu-nakadau kota-kota fo nai bee Ana tao manda'di beuk ba'u ka. Nanahu hataholi manai kota sila la, ala ta nau tuka tei-sale dale leme sala-singo nala mai fa.

MATEOS 12:41

Neu Fai Mate'e ka te, neukose hataholi Niniwe la, ala fo'a sama-sama lo hataholi besak ia la, fo ala kalaa kasa. Nanahu hataholi Niniwe sila la tuka tei-sale dale leme sala-singo nala mai, nai lelek fo Yunus tui-benga fes ala. Tehu besak ia, hapu hataholi nai ia, ba'u lena Yunus!

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

MATEOS 13:24

Yesus tui seluk nakandandaak esa, neu hataholi makadoto kala, nae leo ia, “Metema Manetualain paleta soona, heheo-hihilun sama na leo nakandandaak ia: Hataholi mana tao tina-osi esa, neu sele-nggali bini-ngges malole a nai tina.

MATEOS 13:31

Yesus tui seluk nakandandaak esa neu hataholi makadotok sila la, nae leo ia, “Metema Manetualain paleta soona heheo-hihilun sama na leo nakandandaak ia: Hataholi esa, ana ho'i nini ai sawi de'ek esa de, neu selen leo tinan dale neu.

MATEOS 13:33

Yesus tui seluk hataholi makadotok sila la, nakandandaak fe'ek esa seluk nae, “Metema Manetualain paleta soona, heheo-hihilun sama leo inak esa ana ho'i na lalu tei ka fo ana sese'do kana no ha'de sopuk fafa'kama kilo duahulu, tehu ha'de sopuk kilo kaduahuluk ndia, basa-basan sa'e!”

MATEOS 13:47

“Metema Manetualain paleta soona, heheo-hihilun lakandandaa kana no ala po'i pu'a ka leo dano dale neu, boema nala i'a mata-mata kala.

MATEOS 13:52

Boema Yesus nafa'das nae, “Hu ndia de mese agama see, fo ana da'di Manetualain hataholi kamahehelen soona, hataholi ndia sama na leo uma lamatuak esa, fo ana kalua bua beu palan neme petin dale mai.”

MATEOS 18:23

Nanahu metema Manetualain paleta soona, heheo-hihilun sama leo nakandandaak ia: Manek esa ana nau ndia atan fo mana mahuta nana, ana bae ketu huta nala lala'ena.

MATEOS 20:1

“Metema Manetualain paleta soona heheo-hihilun sama leo nakandandaak ia: Hataholi maosi angol esa ana kalua fafaik fo neu sanga hataholi soaneu laue-lale'di nai ndia osi angol dale.

MATEOS 22:2

nae, “Metema Manetualain paleta soona heheo-hihilun sama leo nakandandaak ia: Manek esa ana tao feta ka'bing soaneu ana mane na.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

MATEOS 25:1

“Metema Ana Hataholi ka Ana mai sama leo Lamatua ka soona, heheo-hihilun sama leo nakandandaak ia: Ana fe'oanak sanahulu lini banuk fo ala sipok mana ka'bing tou ka mamai na. Esa na nini banuk esa fo leu soluk mana ka'bing tou ka.

MATEOS 25:14

“Metema Ana Hataholi ka ana mai da'dileo Lamatua ka soona, heheo-hihilun sama leo nakandandaak ia: Touk esa, ana sanga neu leo mamana dok neu. Boema nalo na basa malalau-maoono nala de nahoho'u hata-heton neus.

MATEOS 4:17

Mulai neme lelek ndia mai boema, Yesus mulai tui-benga nae, “Tukatei-saledale leona, te ta doo ka so'on te Manetualain paleta leo Mane ka!”

MATEOS 4:23

Yesus la'ok okofefeo basa nusak lala'ena de nanoli neme uma mamaso kala dalek. Ana tui-benga Hala Malole nae, ta doo ka so'on te neukose Manetualain paleta so. Boema nakahahaik hataholi kamahe'di sala, hataholi poke pake kala, ma lu'u ei-la'di lima kala.

MATEOS 5:10

Maua-manalek neu hataholi mana doidoso ka, nana fefepa-lili'uk hu ka nde ana tao-no'i Manetualain hihii-nanaun; nanahu sila nde da'di Manetualain hataholi kamahehele nala!

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

MATEOS 6:10

Ami mane ma nde O, Ela leo bee na, O paleta nai daebafa ka fo ela ala tao tunga O hihii-nanaum, sama leo nai nusa so'da ka.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

MARKUS 1:15

Yesus tui-benga nae: “Neukose Manetualain mulai paleta no lai-laik. Hu ndia de tukatei-saledale meme emi sala-singo mala mai, ma mamahele Manetualain Hala Malole na!”

MARKUS 1:4

Sama leo nanasulak ndia, leondiak boe Yohanis to'da mai nai mo maloa. Ana mai salani hataholi ma nanduku-nalosak halak maneme Manetualain mai nae, “Emi muse tukatei-saledale neme emi sala-singom mai, ma emi muse salani fo ela Manetualain fe do'o do ampon neu emi.”

MARKUS 6:12

Boema Yesus ana mana tunga kasanahulu duan sila la la'o leona. Leu tui-benga lae, hataholi daebafa ka muse tukatei-saledale leme sala-singo nala mai.

LUKAS 1:16

Neukose ana hela-nole hataholi Israel ba'u ka fali leo Manetualain fo sila sene-do'o ka.

LUKAS 11:20

Tehu Au usiheni dula dale mangalau ka ninik Manetualain koasa na, ma ndia sosoa na, nae Manetualain mulai paleta nai emi tala'da so.

LUKAS 13:3

Ta makandondook! Tehu mafandendelek leona: te metema emi ta tukatei-saledale meme emi sala-singo mala mai fa soona, neukose emi basa-basa mala boeo mopo-mate sama leo hataholi sila la.

LUKAS 13:5

Ta makandondook! La'iesa seluk Au afa'da: Te metema emi ta tukatei-saledale meme emi sala-singo mala mai fa soona, emi basa-basa mala boeo neukose mopo-mate sama leo hataholi sila la.”

LUKAS 15:10

Leondiak boe Manetualain ata nusa so'da nala neukose lamahoko, metema hapu hataholi mangalau ka tukatei-saledale neme sala-singo nala mai.”

LUKAS 15:7

Naa, leondiak boe nai nusa so'da ka hapu namahokok fo matua lena soaneu hataholi masala-masingok esa tukatei-saledale, neme hataholi siohulu sio fo malole so de ta paluu tukatei-saledale so'on.”

LUKAS 16:30

Tehu hataholi kamasu'ik ndia nataa nae, ‘Ndia beita dai fa, Ama Abraham. Metema hapu hataholi manamate ka naso'da falik fo neu nafa'das soona, neukose ala tukatei-saledale leme sala-singo nala mai.’

LUKAS 21:31

Leondiak boe, metema emi mita manda'dik sila la ala da'di, soona neukose emi bubuluk mae, no lai-laik neukose Manetualain paleta da'dileo Mane ka.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

LUKAS 6:20

Yesus nanganalo ana manatunga nala boema nae, “Maua-manalek neu emi, fo nuu ta-hata ta kala, nanahu emi nde bee na, Manetualain hataholi kamahehele nala lima-ein!

LUKAS 9:2

Basa boema nadenus leu lakahahaik hataholi kamahe'di kala, ma ala tui-benga halak la'eneu tao leo beek fo Manetualain paleta leo Mane ka.

HATAHOLI 11:18

Lamanene Petrus kokolan dede'ak ndia boema ta lase'i so'on. Boema ala koa-kio Manetualain leona. Lafa'da lae, “Metema leondiak soona, hataholi ta Yahudi la boeo, Manetualain fes fai loak soaneu ala tukatei-saledale leme sala-singo nala mai, ma ala hapu lame'da lita so'da matetu ka!”

HATAHOLI 17:30

Manetualain nafandeleheni ita nggoa na so, tehu besak ia nadenu basa hataholi daebafa ka tukatei-saledale leme sala-singo nala mai.

HATAHOLI 2:38

Boema Petrus nafa'das nae, “Tukatei-saledale meme emi sala-singom mai leona, ma ela leo bee na salani emi ninik Yesus Kristus na'de na; fo ela emi sala-singom hapu do'o do ampon. Soona neukose Manetualain fe hiik Dula Dale na neu emi.

HATAHOLI 20:21

Au fe nasanene'dak tataas esa, nau neu hataholi Yahudi do leoina fe'e kala, fo ela ala tukatei-saledale leme sala-singo nala mai, fo ala fali leo Manetualain mai, boema lamahele Lamatuak Yesus.

HATAHOLI 26:20

Au kokolak no mangale'dok o hataholi la ae, sila muse tukatei-saledale leme sala-singo nala mai, fo ala fe so'da na leo Manetualain neu, ma latu'dun nai maso'da nala dalek lae, sila tukatei-saledale leme sala-singo nala mai so. Au afa'da dede'ak ndia makasososa na neme Damsyik, de basa boema neme Yerusalem, ma neme basa Yudea lala'ena, ma neme basa hataholi ta Yahudi la tala'da.

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

2 KORINTUS 7:10

Nana dale he'di leondia ka, nini tukatei-saledalek fo ninini na nde so'da-mole ka. De hataholi a neukose ta nasasale dale neu dede'ak ndia fa. Nasafali na, dale he'dik fo ka'da enok esa no hataholi daebafa ka hihii-nanau na, buna-boan nde mamate sa.

KOLOSE 1:13

Ana soi nala ita teme koasa makahatu ka mai, boema no ita leo Manetualain Ana susue na, nusan dale neu.

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

IBRANI 6:1

Hu ndia de, mai fo teu seluk leo nanoli manamai kala la'eneu da'di touinak nai hataholi kamahehele ka maso'da na dalek, ma boso taoafik neu ka'da ita agama na isi makasososa na. Ita boso ulang seluk nanoli poko ka, nae hataholi a muse ana hahae tao no'i dede'a sosoa ndandaa ta kala, ma muse tamahele neu Manetualain,

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.

NINITAK 2:21

Au fe basan fai loak soaneu ana tukatei-saledale neme sala-singo nala mai so, tehu ana ta nau hahae tao-no'i dede'a sosoa-piaok sila la fa.

NINITAK 2:5

Hu ndia de, mafandendelek leona te, emi tu'da meu nai doo ka so! Tukatei-saledale meme emi sala-singo mala ma tao-no'i hata fo makahulu na emi tao-no'in nana. Metema ta soona, neukose Au ne'i fo Au fe'aheni emi banu eim sila la neme mamana nala mai.