MATEOS 24:7 - Susula Malalaok Hehelu Palak Ma Hehelu Beuk

⁷ Neukose leoina esa natati no leoina esa, ma dedeo esa natati no dedeo esa, neukose la'a-ndoe sa nai basa mamanak lala'ena, ma dae manggengo ka ana da'di.

MATEOS 24:7 Iomraidhean Croise

2TAWARIKH 15:6

Leoina esa tuni-ndeni leoina esa, ma kota esa tuni-ndeni kota esa, nanahu Manetualain fe tasibu matuaina neu sila.

YESAYA 19:2

Manetualain nafa'da nae, “Neukose Au afofo'a natee-natati tolanok-ka nai Masir: fo tolanok la'ban tolanok, titia-tataik la'ban titia-tataik, kota la'ban kota, nusak la'ban nusak.

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 21:27

Neukose, Au tao akalulutuk la'iesak kota ia, nalosa ai-batu manatapasasalak-kala, lalefu-le'ak lai basa mamanak lala'en-na. Tehu, metema Au hele hataholi fo, ana huku kota ia, ana mai soona, besak-ka dede'ak ndia, ana da'di. Neukose Au fe kota ia, neu hataholi ndia dei.’ ”

ZAKHARIA 14:13

Nai faik ndia, neukose Manetualain tao-na leoina sila-la lapangamak, ma ala bii-lamata'u lanseli, nalosa neukose hataholi esan-na, ana ho'u-na nonoon manai boboan-na, fo ana fepa-li'un.

LUKAS 21:11

Nai basa mamanak lala'ena, neukose dae a nanggengo matua ina, la'andoes ma he'di-lau sa. Neukose dede'a matuaina la ala da'di nai lalai.

HATAHOLI 11:28

Nai nabi sila la dalek, hapu hataholi esa na'de Agabus. No Manetualain Dula Dale na hehela-nonolen de nafa'da ela nae, neukose la'a-ndoe matuaina da'di nai basa daebafa ka lala'ena. Memak tete'e ka, dede'ak ndia da'di nai lelek fo Kesel Klaudiu sa paleta.

HATAHOLI 2:19

Neukose Au tao manda'di beu kala nai lalai, ma dede'a matua ina la nai daebafa ka; neukose hapu daak, ha'i, boema masuk.

IBRANI 12:27

Dede'a ka nae, “la'iesa seluk” natu'du nae, neukose basa daebafak fo nakadada'di kana, neukose Ana fae nanggenggengo kana ma Ana kekoheo kana, fo daenga ela ka'da hata manggengo ta kala.

NINITAK 6:12

Boema au ita Bi'ilopo Ana ndia siiba'e segel kane. Dae maggengo matuaina ana da'di. Le'do da'di nggeok sama leo tema nggeo abasela, ma bula ka da'di pilas sama leo daa ka.

NINITAK 6:5

Boema Bi'ilopo Ana ndia siiba'e segel katelu. Boema au amanene mahahae katelu nae, “Kalua leona!” Au mete boema, Au ita ndala nggeok esa. Manasa'e nana, ana ho'u tatais nai liman dale.

NINITAK 6:6

Ma au amanene hata esa nenenen sama leo hala ka nalo bou-bou neme mahahae kahak sila la tala'da mai. Halak ndia nae “Gandum malole litel esa beli na ba'u ngga'di faik esa, ma gandum matafe'ek litel telu, beli na ba'u ngga'di faik esa boe. Tehu boso tao malutu ai zetun nala ma osi ango la!”

NINITAK 6:8

Au mete boema, au ita ndala bulu mama'uk esa. Manasa'e nana na'de Mamates. Faka Mamate sa tunga deka-deka non neme dea mai. Koasa soaneu daebafak ia baba'ek esa neme baba'ek ha mai nanafek neu sila, fo ela ala hapu lanisa tunga nata'ti ka, tunga le'dofai la'a-ndoe sa, tunga he'di-lau sa, ma tunga bana makaa kala.