MATEOS 16:23 - Susula Malalaok Hehelu Palak Ma Hehelu Beuk

²³ Boema Yesus lipa leo dea neu de nafa'da Petrus nae, “La'o meme ia mai mana dudungu-papau ko nei. O mapalani mapanggengge Au ou! O dudu'a-aafim ndia dudu'a-aafi hataholi; daebafak te Manetualain dudu'a-aafin ta ndia fa!”

MATEOS 16:23 Iomraidhean Croise

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

KOLOSE 3:2

Tao emi dudu'a-aafim neu dede'ak manai nusa so'da ka, fo boso dudu'a-dodoo dede'ak manai daebafa ka.

MARKUS 8:33

Tehu Yesus lipa leo dea neu de Ana mete ana mana tunga nala, boema Ana ka'i Petrus nae, “La'o madook ia, mana dudungu-papau konei! O dudu'a ma dudu'a hataholi daebafak ndia, te Manetualain dudu'an ta ndia fa!”

MATEOS 4:10

Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

YOHANIS 6:70

Tehu Yesus nae, “Ade Au ta nde hele emi hataholi kasanahulu duak ia la fa do? Tehu nai emi dalek, hapu hataholi esa, ana da'di nitu!”

LUKAS 4:8

Boema Yesus nataa nae, “Nai Susula Malalaok dale nanasulak nae, ‘Sene-do'ok neu o Lamatuam Manetualain, ma ka'da malalau-maoonon.’ ”

KEJADIAN 3:17

Boema Manetualain nafa'da touk ndia nae, “O mamanene o saoinam-ma hala-kokolan, de o mu'a ai fo, Au kena-ka'ik ndia boan-na so. Hu kande o tatao-nono'im ndia, de dae-a nanasoo-supak. O muse maue-male'di no puse ti'tik, nai o fai maso'dam-ma dalek, fo ela dae ia, bisa fe buna-boa manadaik soaneu o nana'a-nininum.

ROMA 14:13

Hu ndia de ita esa boso sanga esa sala na. Te sanga enok fo daenga boso no emi tatao-nono'im fo emi tolanoom fo namahehelek esa ana tu'da leo sala-singo ka dalek leu.

1 TAWARIKH 21:1

Nitu nahiik tao soe hataholi Israel-la; hu ndia de ana fufu'di-oo'dok Dauk fo ela ana sulak laun nala dede'un nala.

2 SEMUEL 19:22

Tehu, Dauk nafa'da Abisai ma ka'an Yoab nae, “Boso sese'dok nai dede'ak ia dalek. Tao le'e de, emi tao susa au? Nai faik ia dalen-na, au da'di manek seluk neu Israel, de ta bole hukunisa hataholi Israel esa boen.”

YESAYA 8:14

Hu kande, Au malalao-malalafuk nanseli, Au da'di batu nakatunuk ba'eneu laun Yehuda ma Israel, ma hihi'ik fo nala laun Yerusalem-mala.

ROMA 14:21

Malolelenak boso mi'a paa do minu angol do tao ka'da su'di bee ka, metema dede'ak ndia ta nini fe tolanook fo namahehelek esa, nasala-nasingo.

MATEOS 18:7

Soe matua ina ba'eneu daebafak ia, nanahu dede'a-dede'ak fo mana tao na hataholi a nasala-nasingo a. Memak basa dede'ak matak leo sila kala, neukose hapu tataas esa, tehu soe ba'eneu hataholi fo mana tao-no'i nana!

MATEOS 16:22

Boema Petrus hela Yesus leo boboak neu de ana ka'in nae, “Boso nalosak dede'ak ndia ana da'di neu Lamatua ka. Sa'di leo bee na Manetualain nadook dede'ak ndia, Lamatuak!”