MATEOS 10:3 - Susula Malalaok Hehelu Palak Ma Hehelu Beuk

³ Basa boema Felipus ma Bartolomeus, no Tomas, ma Mateos, fo mana susu bea ndia, ma Yakobis, fo Alfeus ana na, ma Tadeus;

MATEOS 10:3 Iomraidhean Croise

MATEOS 18:17

Metema ana ta nau sipok hataholi sila la nanoli-nafa'dan fa soona, mafa'da dede'ak ndia neu salani kala. Mate'e na metema ana ta nau sipok salani kala nanoli-nafa'dan sila la fa soona, bole tafa'da tae hataholi ndia sama leo hataholi mana susu bea do hataholi fo ta nalelak Manetualai na fa.”

MATEOS 27:56

Nai inak sila dalek, hapu Maria Magdalena, Maria fo Yakobis no Yusuf inan, ma Zebedeus ana nala, inan.

MATEOS 9:9

Basa boema Yesus la'oela mamanak ndia. Ana la'o-la'o boema nita tou mana susu bea esa, na'de Mateos, nangatuuk nai uma bea dale. Yesus nafa'dan nae, “Mai tunga Au leona!” Boema Mateos fo'a de, neu tunga Yesus.

MARKUS 15:40

Ndia te, inak de'ubee lai ndia boe. Tehu ala mete basa manda'dik sila la leme doo ka mai. Nai inak sila la dalek, hapu Salome, Maria Magdalena, ma Yakobis fo bei muli-soluk ndia inan Maria, ma Yoses.

MARKUS 2:14

Yesus bei la'o-la'o nai ndia boema, nita manasusu bea esa na'de Lewi fo Alfeus anan ndia, bei nangatuuk nai uma bea dale. Boema Yesus nafa'dan nae, “Tunga Au leona.” Boema Lewi fo'a napadeik de neu tunga Yesus.

MARKUS 3:18

Anderias, Felipus, Bartolomeus, Mateos, Tomas, Yakobis fo Alfeus ana, Tadeus, Simon fo Zelot ana na,

LUKAS 18:10

Yesus nae, “Hapu hataholi dua leu leo Manetualain Uman soaneu hule-haladoi. Esa hataholi Farisi ma esa ka hataholi manasusu bea.

LUKAS 18:11

Hataholi Farisi ndia napadeik mesa kana ma ana hule-haladoi nae, ‘Ou Manetualain, au oke makasi neu O, nana au ta sama leo hataholi fe'e kala, fo mana tenepetak, mana po'de-paik, do mana hohongek fa. Au oke makasi, nanahu au ta sama leo manasusu bea ndia fa.

LUKAS 18:13

Tehu manasusu bea ndia napadeik nai doo ka, ma nakalenak ta napalani nanganalo leo lalai neu fa. Ana lane lima na neu fana na ma nakatele langa na de nae, ‘Ou Manetualain, sue-lai au hataholi masala-masingok ia!’ ”

LUKAS 19:2

Nai kota ndia, hapu malanga manasusu bea kamasu'ik esa, na'de Zakeos.

LUKAS 5:27

Basa ndia boema Yesus la'o leo deak neu, de nita hataholi manasusu bea esa na'de Lewi, bei nangatuuk nai uma bea dale. Boema Yesus nafa'dan nae, “Tunga Au leona.”

YOHANIS 1:48

Boema Natanael natane Yesus nae, “Te tao leo bee de Ama malelak au?” Tutika Yesus naen nae, “Felipus beita nalo o fa, te Au ita o mangatuuk meme ai ka huu na so.”

YOHANIS 11:16

Tomas fo loken lae, “Takalapak” nafa'da nonoo manatunga nala nae, “Mai fo ata tungan, fo ela ata mate ton!”

YOHANIS 14:22

Yudas (tehu ta Yudas Iskariot fa) natane Yesus nae, “Lamatuak, tao le'e de Lamatua ka nau natu'du aoina na neu ami te ta neu daebafa ka fa?”

YOHANIS 14:5

Boema Tomas nafa'da Yesus nae, “Lamatuak, ami ta bubuluk Lamatua ka neu leo bee neu fa, na tao leo bee fo ami bubuluk eno na?”

YOHANIS 14:9

Tehu Yesus nataa nae, “Au o emi doo-doo basa ia so, ma tao le'e de, o beita malelak Au boen, Felipus? See nita Au soona, nita Ama ka nde ndia so. Tao le'e de, o mafa'da mae, ‘Matu'du Ama ka neu ami leona’?

YOHANIS 21:2

Faik esa boema, Simon Petrus, Tomas fo loken lae, Takalapak, Natanael neme Kana nai Galilea, Zebedeus ana nala, ma ana manatunga fe'e dua, de basa-basas lakabubua.

HATAHOLI 1:13

Ala losa Yerusalem boema, lakandoo leo ala leo leme uma, kama manai lai na. Lamatua ka hataholi nadedenun sila la nde: Petrus ma Yohanis, Yakobis ma Anderias, Felipus ma Tomas, Bartolomeus ma Mateos, Yakobis fo Alfeus ana na, Simon fo hataholi Zelot ma Yudas fo Yakobis ana na

HATAHOLI 12:17

Petrus nababa'a lima fo daenga bedenge, de basa boema ana tuis, tao tao leo beek de Lamatua ka ana kalua ndia neme bui dale mai. Boema nafa'das nae, “Mafa'da dede'ak ia neu Yakobis ma tolanoo fe'e kala boe.” Basa ndia boema, Petrus la'oela mamanak ndia, de neu leo mamana fe'ek neu.

HATAHOLI 15:13

Ala kokolak late'e boema Yakobis nae, “Tolano-tolanoo ngala lemin! So'ba mamanene su'dik au dei.

HATAHOLI 21:18

Balahaa boema, Paulus sama-sama no ami meu donge-dama Yakobis. Ami meu te basa Penatua-penatua la lai ndia so boe.

GALATIA 1:19

Au ta atongo o Lamatua ka hataholi nadedenu fe'en esa boen, ta'da fe'e Yakobis, fo Lamatua ka tolanoo na.

GALATIA 2:9

Yakobis, Petrus, ma Yohanis, fo meten soona, ala da'di mauli-malanga hataholi kamahehele kala boeo, ala manaku lae, Manetualain fe au bela ba'u hehelik ia boe. Boema laho'u limak lo Barnabas ma au, fo da'dileo ta'du-tana tia-laik esa. Boema sila lo ami mala halak esa mae, ami tao-no'i nai hataholi ta Yahudi la dalek, ma sila tao-no'i nai hataholi Yahudi la dalek.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,