MATEOS 1:22 - Susula Malalaok Hehelu Palak Ma Hehelu Beuk

²² Basa silala ala da'di tao leondiak, fo ela nandaa no hata fo Lamatua ka nafa'da basan tunga nabi nala hala nafafa'da nala lae,

MATEOS 1:22 Iomraidhean Croise

1RAJA-RAJA 8:15

Ana nafa'da nae, “Makahulun-na Manetualain naheluk basa no au amang Dauk nae leo ia: ‘Lelek Au oo Au anang-ngala kalua leme Masir mai, nai basa nusa Israel-la lala'en-na, ta hapu kota esa boen fo Au helen da'di mamanak, fo nai bee muse nafofo'a uma soaneu mamana hule-haladoik neu Au. Tehu o, Dauk, Au helen soaneu paleta Au anang-ngala.’ Kokoa-kikiok ba'eneu Israel Manetualain fo Ana tao natetu hehelu-balataan ndia so!”

1RAJA-RAJA 8:24

O tao matetu O hehelu-balataam neu au amang Dauk so. Hata fo O heluk ndia, faik ia O makalala'o kana so.

EZRA 1:1

Kores, fo mane Persia, ana paleta neu teuk makasososan-na boema, Manetualain tao natetu hata, fo Ana kokolak basan tunga Nabi Yeremia so. Manetualain nakababale Kores dalen-na, ana kalua paleta esa, fo ala lees-sana nai basa nusan-na dalek. Liin-na nae leo ia:

MATEOS 12:17

No enok ndia, hata fo Manetualain kokola kana tunga Nabi Yesaya, ana da'di.

MATEOS 13:21

Tehu halak ndia ta nahuu-naoka nai dale nala dalek fa, nalosa ana ta hapu nakatatakak nala doo ka fa. Leondiak ala hapu doidosok, susa-soe, ma fefepa-lili'uk, nanahu dede'a-kokolak sila la, tutika ala fali deak leona.

MATEOS 13:35

No enok ndia, hata fo nabi la lafa'da basa ka ana da'di nae, “Metema Au kokolak o hataholi sila la soona, Au pake nakandandaak; neukose Au tui-benga dede'a nananafuni kala, mulai neme daebafak ia dada'di na mai.”

MATEOS 2:15

Ala leo leme ndia losa Herodes maten. Dede'ak ndia ana da'di, fo daenga nandaa no hata fo Lamatua ka nafa'da basan tunga nabi nala nae, “Au alo falik Au Ana nga neme Masir mai.”

MATEOS 2:23

Ana leo neme kota esa nai ndia na'de Nazaret. No enok ndia, hata fo nabi la lafa'dan la'eneu ni'iana ndia, ana da'di: “Neukose loken soona lae, Hataholi Nazaret.”

MATEOS 5:17

“Emi boso maedaenga Au mai fo Au loseheni Musa hoholo-lalanen ma nabi la nanoli nala. Au ta mai loseheni fas, tehu Au mai afa'da mangalele'do sosoa-ndandaa matetu nala.

MATEOS 8:17

Yesus tao basa manda'dik sila la, fo ela hata fo Nabi Yesaya nafa'da ka ana da'di. Nae leo ia, “Ana lu'a-lepa ita doidoson, ma Ana nakahahaik ita he'di-lau nala.”

LUKAS 21:22

Nana fai-faik sila la nde bee na ‘Faik Huhuku ka Nananaketu-Nala'dik,’ fo ela no enok ndia, hata fo nanasulak nai Susula Malalaok dale ana da'di.

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

YOHANIS 10:35

Ita bubuluk basa, hata fo nanasulak nai Susula Malalao ka dalek, ana da'di losa dodoo na. Hu ndia de, metema Manetualain foi basa hataholi ta manasipok dede'a-kokola na, na'de ‘lamatua daebafak’,

YOHANIS 15:25

Tehu muse ana da'di tao leondiak, fo ela hata fo nanasulak nai sila Susula Hoholo lalane na dalek, ana da'di leona nae: ‘Lakamu-lakadau Au, tehu ne'en ta.’

YOHANIS 17:12

Nai lelek fo Au bei akabubua o sala, Au aneas ninik Ama ka na'de manakoasa na so, na'dek fo Ama ka fen neu Au. Au aneas, de ta mopo-mate esa boen, ta'da fe'e ba'eneu see fo memak tunga matetu na, sila manamopo-mate basa kala so, fo ela no enok ndia, hata fo nanasulak nai Susula Malalaok dale, ana da'di leona.

YOHANIS 18:9

Yesus nafa'da nae leondia, fo ela hata fo makahulu na nafa'da ka, ana da'di leon nae, “Ama, basa hataholi fo Ama ka fes leu Au a, ta mopo-mate esa boen.”)

HATAHOLI 3:18

Ma hu ndia de, ana da'di hata fo makahulu na Manetualain nafa'dan tunga basa nabi nala nae, Mane Mana Fe So'dak fo Ana helu ka muse Ana doidoso.

ROMA 1:2

Manetualain helu basa Hala Malole ndia neme makahulun eli, tunga nabi nala, de nanasula basak nai Susula Malalok dale so.

NINITAK 17:17

Nanahu Manetualain nakababale basa dale nala soaneu lakalala'ok Manetualain dale tutu'u na. Manetualain tao nalas lalahalak soaneu ala fe sila koasa na neu bana ndia, fo ela bana ndia paleta losa hata fo Manetualain nafa'da ka ana da'di.