LUKAS 9:59 - Susula Malalaok Hehelu Palak Ma Hehelu Beuk

⁵⁹ Basa boema Yesus nafa'da hataholi fe'ek esa seluk nae, “Mai tunga Au leona.” Tehu hataholi ndia nae, “Ama, fe au loak fali akahuluk soaneu au u atoi au amang dei.”

LUKAS 9:59 Iomraidhean Croise

1RAJA-RAJA 19:20

Boema Elisa la'oela sapi nala de ana usi tunga Elia de nae, “Fe au loak fo au u afa'da au ina-amang dei, fo basa soona neukose au tunga Ama.” Elia nataa nae, “Muu leona. Te au ta kenaka'i o fa.”

HAGAI 1:2

Manetualain Fo Manakoasa nafa'da Hagai nae, “Leoina ia, nafa'da nae, fain-na beita losa, soaneu naofo'a falik Manetualain Uman-na fa.”

MATEOS 16:24

Basa boema Yesus nafa'da ana mana tunga nala nae, “Hataholi fo ana nau tunga Au soona, muse nafandele heni basa ndia paluun lala'ena fo ana lu'a ai nggange na, ma ana tunga nahele Au.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

MATEOS 9:9

Basa boema Yesus la'oela mamanak ndia. Ana la'o-la'o boema nita tou mana susu bea esa, na'de Mateos, nangatuuk nai uma bea dale. Yesus nafa'dan nae, “Mai tunga Au leona!” Boema Mateos fo'a de, neu tunga Yesus.

LUKAS 9:60

Yesus nataa nae, “Nemena fo hataholi manamate ka natoi ndia hataholi manamate na mesa kana. Tehu o mu tui-benga hala ka nae Manetualain mulai paleta so.”