LUKAS 9:11 - Susula Malalaok Hehelu Palak Ma Hehelu Beuk

¹¹ Tetapi hataholi la bubuluk dede'ak ndia de nalosa ala tunga lahele Yesus. Yesus sipo kasa, boema Ana kokolak nos la'eneu tao leo beek fo Manetualain paleta leo Mane ka. Ma Ana nakahahaik hataholi kamahe'di sala lai hataholi sila dalek boe.

LUKAS 9:11 Iomraidhean Croise

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

MATEOS 12:15

Yesus bubuluk, hataholi Farisi sila la, lape'da dale mangalauk neun. Da'di Ana la'oela mamanak ndia, tehu hataholi ba'u ka tungan. Nai hataholi sila la dalek, hapu hataholi kamahe'di sala boe. Boema Ana tao nahai la'i esa kasa.

MATEOS 14:14

Lelek fo Yesus kona neme ofak lain mai de nita hataholi makadotok sila la boema, dale na he'di nanseli. Nai hataholi makadotok sila la dalek, hapu hataholi kamahe'dis ala boe. Boema Ana tao nalea-nahai la'iesa kasa.

MATEOS 21:31

Na, neme ni'iana kaduak sila la mai a, see ka nde tao tunga, aman hihii-nanaun?” Malanga ima mala ma lasi-lasi Yahudi la lataa lae, “Ana ulu ka”. Boema Yesus nafa'das nae, “Mamahele, te neukose Mana susu bea la, ma ina mana sosoa piao kala, ala da'di Manetualain hataholi kamahehele nala, lakahuluk leme emi mai.

MATEOS 21:43

Yesus nafa'da selu kasa nae, “Hu ndia de mafandendelek, emi manuu hak da'di lima eik neme Manetualain hataholi kamahehele nala mai, tehu emi hak ndia Manetualain hela fali kana, fo Ana fen leo leoina fo mana tao tunga Manetualain paleta na.

LUKAS 1:53

Hataholi kamala'a-kamandoe kala, Ana tao nakabetes ninik basa malole lala'ena, tou kamasu'i-makabete ka, nanausik no limalouk.

LUKAS 5:31

Yesus nataa nae, “Hataholi so'da-la'da ka ta paluu dote fa te ka'da hataholi kamahe'di kala dei.

LUKAS 8:1

Basa boema beita doo ka boen te, Yesus neu leo kota-kota ma nggolo-nggolo kala neu, soaneu tui-benga Hala Malole nae, Manetualain mulai paleta da'dileo Mane ka. Ana manatungan sanahulu dua tunga sama-sama lon.

LUKAS 8:10

Yesus nataa nae, “Emi nanafe baba'e-babatik basa soaneu bubuluk bibila-babaak la'eneu tao leo beek Manetualain paleta da'dileo Mane ka. Tehu hataholi fe'e kala soona, nanananolik ninik nakandandaak, fo ela ala taoafi kana, tehu ala ta bubuluk hata fo ana da'di fa, ma lamanene tehu ta lalela kana fa.”

LUKAS 9:10

Yesus ana manatungan fo nadenu kala fali ma'is boema, ala tui Yesus basa hata fo sila tao-no'i nana. Boema Yesus lelekos fo la'ok sama-sama mesa kasa leo kota Betsaida leu.

LUKAS 9:12

Lelek le'do tenak boema, Yesus ana manatunga kasanahulu dua nala mai de lafa'dan lae, “Ama, mamanak ia ana pasi fe'e. Malole lenak Ama madenu hataholi ia la fali, fo ela leu sanga nana'ak ma mamana susunguk nai nggolo-nggolo titia-tataik ia la.”

LUKAS 9:2

Basa boema nadenus leu lakahahaik hataholi kamahe'di kala, ma ala tui-benga halak la'eneu tao leo beek fo Manetualain paleta leo Mane ka.

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

YOHANIS 6:37

Ama ka fe basa Au hataholi la, neukose ala mai leo Au mai. Boema see mai leo Au mai soona, Au ta tipa esa boen.

HATAHOLI 28:31

No napalanik, ana tui-benga neu hataholi la, la'eneu tao leo beek fo Manetualain paleta leo Mane ka, ma la'eneu Lamatuak Yesus Kristus. Paulus tui-benga su'di bebe'i ka, te ta hapu mana kena-ka'i fa.

ROMA 10:14

Tehu tao leo beek fo hataholi a hapu nalo neu Lamatua ka, metema ala beita lamahele fa? Ma tao leo beek fo sila hapu lamahele Lamatua ka, metema sila beita lamanene la'eneu Lamatua ka fa? Boeo tao leo beek fo sila hapu lamahele Lamatua ka, metema ta hapu hataholi manatui-benga fa?

ROMA 10:17

Hu ndia de hataholi a namahele, nana lamanene halak ma hala ka nananamanenek nana hapu hataholi tui-benga la'eneu Kristus.

ROMA 15:3

Nana Kristus boeo ta dudu'a-dodoo ka'da namahoko na mesa kana fa. Nai Susula Malalaok dale nanasulak nae leoia, “Nakamu-nakadauk fo ala fe O lu'a-lepa kala, ala tu'da mai au lain.”

2 TIMOTIUS 4:2

ela leo bee na, o tao mamaloa halak fo maneme Manetualai na mai a, ma boso hahae sanga enok, fo ela hataholi la lamanenen, nana hataholi nggelok nau lamanene ma nggelok ta nau lamanene fa. Ela leo bee na mafa'das fo lamahele, mafa'da sala nala, matetea-maheheles. Boso manoli hataholi no nasak.

IBRANI 4:16

Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.