LUKAS 8:7 - Susula Malalaok Hehelu Palak Ma Hehelu Beuk

⁷ Hapu bini-ngges nggelok tu'da lai na'u aiana dila-nggauk tala'da. Na'u aiana dila-nggauk sila la moli sama-sama lo bini-ngges sila la, de ala aangus nalosa mates.

LUKAS 8:7 Iomraidhean Croise

KEJADIAN 3:18

Neukose dae-a, moli makatemak ma dila-nggauk ba'eneu o, ma neukose na'u-aiana fuik-kala, ala da'di o nana'am.

YEREMIA 4:3

Manetualain nafa'da laun Yehuda-la, ma laun Yerusalem-mala nae, “Foi-fala emi daem fo nanafoi-fala beitak-kala; boso sele-nggali bini-ngges nai mamanak fo, na'u-aiana nggauk-ka, ana moli nai ndia.

MATEOS 13:22

Bini-ngges fo mana tu'da nai dila-nggauk tala'da, nakasasama na leo hataholi fo namanene halak sila la, tehu dale nala laba'e la'eneu so'da nala, ma ala hii ka'da laso'da lai hahapu-dadai mana dai lena ka dalek. Hu ndia de, halak maneme Manetualain mai a, nananakahapik nai dale nala dalek, de nalosa ta nabuna naboa fa.

MATEOS 13:7

Hapu nggelok tu'da lai dila-nggauk tala'da. Dila-nggauk moli de ala aangu nupuk sila la nalosa mates.

MARKUS 4:7

Hapu bini-ngges nggelok tu'da lai makatema dila-nggauk tala'da. Boema makatema dila-nggauk sila la ala moli de lakahapi la nupuk sila la de ta labuna-laboa fa.

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

LUKAS 8:14

Bini-ngges fo manatu'da lai makatema dila-nggau ka tala'da, nakasasama na nde hataholi fo namanene halak ndia, tehu dale nala laba'e la'eneu so'da nala, boema ala hii laso'da nai masoda manadai lena ka dalek, ma no namhokok nai daebafak ia. Basa sila la lakahapi lalas de nalosa ta labuna-laboa boa latuk fa.

LUKAS 8:6

Hapu nggelok boeo ala tu'da lai dae mabatuk lain. Nai lelek nupu la kalua mai boema ala male, nana dae na tuuk.

LUKAS 8:8

Tehu hapu bini-ngges nggelok tu'da lai dae maisi-maminak lain, boema ala moli de labuna-laboa didikuk la'i natun esa.” Yesus tui basa nakandandaak ndia boema nafa'das nae, “Metema see madi'idook soona, ela leo bee na mamanene leona!”