LUKAS 8:50 - Susula Malalaok Hehelu Palak Ma Hehelu Beuk

⁵⁰ Lelek fo Yesus namanene halak ndia te nafa'da neu Yairus nae, “Boso bii. Ka'da mamahele te o ana ma neukose ana lea-hai.”

LUKAS 8:50 Iomraidhean Croise

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

MARKUS 5:36

Tehu Yesus ta taoafik neu hataholi sila la hala nafafa'dan ndia fa, de nafa'da Yairus nae, “Boso bii, te ka'da mamahele!”

MARKUS 9:23

Boema Yesus naen nae, “O mae le'e? O mae, metema Ama hapu? Hata lala'ena ana da'di, sa'di hataholi a namahele!”

LUKAS 8:48

Yesus nafa'dan nae, “Ana ngonei, hu ka nde o mamahele neu Au de o lea-hai. Fali mu'u ma leon no so'dak.”

LUKAS 8:51

Ala losa Yairus uman boema Yesus ta fe loak neu hataholi esa boen fo ana masok tunga fan, ka'da Petrus, Yohanis, Yakobis ma ni'iana ndia ina aman mesa kasa.

YOHANIS 11:25

Tehu Yesus nafa'da Marta nae, “Au nde manafe maso'da ka, ma manatao naso'da falik hataholi manamate kala. Hataholi fo namahele neu Au a, neukose naso'da, leomae ana mate so.

YOHANIS 11:40

Tehu Yesus nafa'da Marta nae, “Ade Au beita afa'da hai o ae: Metema o mamahele soona, neukose o mita Manetualain koasa matuaina fa do!”

ROMA 4:17

Nana Manetualain nafa'da Abraham nae leoia, “Au fe o da'di amak neu basa leoina lala'ena.” Eno na leondiak Manetualain fe hala hehelu na neu Abraham. Boema Abraham namahele neun. Ndia nde Manetualain manatao naso'da falik hataholi manamate kala; Manetualain ndia boeo nde Manetualain fo ka'da Ana kokolak fo hata manada'di beita ka, ana da'di.

ROMA 4:20

Abraham namahele nahele ma dale na ta naba'e neu Manetualain hala hehelun ndia. Nakalenak namahehele na tao nan boetai balakaik de nalosa ana koa-kio Manetualain.