LUKAS 8:43 - Susula Malalaok Hehelu Palak Ma Hehelu Beuk

⁴³ Nai dalek hapu inak esa, teuk sanahulu dua dale na ana po'a daak, fo natutik no he'di bula na. Ana nabasa hata-heton soaneu namo'do nai dote la, tehu ta hapu lakahahaik lala fan.

LUKAS 8:43 Iomraidhean Croise

2TAWARIKH 16:12

Asa paleta neu teu kateluhulu sio-na boema, ana hapu he'di belak nai ein duas. Leomae leondiak boe, ana ta sanga tutulu-fafalik neme Manetualain mai fa, te noke neme dotel-la mai.

AYUB 13:4

Nana, emi mafuni emi nggoam-ma, ma emi tipu-daim-ma, emi sama leo, hataholi malelak pepekok-kala.

MAZMUR 108:12

Ou Manetualain, ade, O ta tunga moo au fa do? Ade, O ta tutulumatak moo ami solda'dum-mala fa do?

YESAYA 2:22

Da'di, boso mamahena neu hataholi daebafak fo, manasapu-manalalok-ka, nana ndia belin ta.

MARKUS 12:44

Nana basa hataholi sila la, ala fe neme sila hata-heto lena nala mai. Te inafalu ndia, leomae nuu ta-hata tak nanseli, tehu ana fe la'iesak hata fo nanuu nana, nanahu ana paluu ka nde maso'da ka.”

MARKUS 9:18

Makanaema dula dalek ndia fo'a soona, nakabebepa neu dae lain fo bafa na nafufu'de, ma nisi na nggio-nggio, boema basa ao na balakai. Au oke Ama ana mana tunga nala fo ala usiheni dula dale mangalauk ndia, tehu ala ta labe'i fan.”

LUKAS 13:11

Nai ndia hapu inak esa, namahe'di teuk sanahulu falu so, nanahu dula dale mangalau ka nai aoinan dale. Inak ndia pukudouk, de ana ta hapu napadeik natetu makandondook fa.

LUKAS 13:16

Naa, besak ia nai ia, hapu inak esa Abraham tititi-nonosin, fo teuk sanahulu falu dale na Nitu pa'a nan so. Ade inak ia ta bole nanase'i-po'ik neme papa'an ndia nai fai Saba ta fa do?”

LUKAS 8:27

Nai lelek Yesus kona leo dae mada ka neu boema tou nitu sa'ek esa ana mai leo Yesus mai. Hataholi ndia neme kota mai. Doo ka so ana ta pake bua-lo'as ma ana ta nau leo nai uma fa. Ana nau ka'da leo nai lea-luak manai late sala.

LUKAS 8:42

nanahu anafe'o kisa na fo teun sanahulu dua, hihii maten. Yesus bei la'o-la'o leo Yairus uman neu te hataholi la lakasesetin neme boboa-kaisum mai.

LUKAS 8:44

Inak ndia deka no Yesus neme dea mai, boema ana koila'e Yesus ba'du manalu na pe'da na. No hatematak ndia boe, inak ndia po'a daa na, nate'e.

YOHANIS 9:1

Yesus la'o-la'o boema, nita hataholi esa poken neme inan bongi mai a.

YOHANIS 9:21

Tehu da'di tao leo beek de besak ia ana hapu nita soona, ami ta bubuluk dede'ak ndia fa. Boema see ka nde tao nan ana hapu nita boeo, ami ta bubuluk fa. Ka'da matane matam te touinak so, de de'i fo nataa aon.”

HATAHOLI 3:2

Nai Lelesu Ina mata na, hapu lelesu esa na'de Lelesu Mana'a Hiik. Hapu touk esa nangatuuk nai ndia. Touk ia inan bongin te lu'uk so. Tunga faik lon leondia neu fo noke su'di bee ka neme hataholi mana masok leo Amak Manetualain Uman dale neu a.

HATAHOLI 4:22

Hataholi fo ana hapu lea-hai ninik manda'di beuk ndia, teun hahulu lenak so.