LUKAS 8:35 - Susula Malalaok Hehelu Palak Ma Hehelu Beuk

³⁵ Boema hataholi la kalua mai, fo ala mete hata manda'dik ndia. Ala mai leo Yesus mai te nai ndia, ala lita hataholi fo natapo'i neme dula dale mangalau ka mai ndia, bei nangatuuk deka no Yesus ei na. Ana pake bua-lo'as so, ma dudu'a-aafin namaneu so boe. Boema ala bii.

LUKAS 8:35 Iomraidhean Croise

MAZMUR 51:10

Nemen-na fo, au amanene halak namahokok-ka, fo ela au daleng fo O tao makalulutuk-kana ia, ana eeki-natadale seluk.

YESAYA 53:12

Ana fe heni so'dan-na, no dale hihii-nanau mesan-na, de nanalekek nai hataholi mangalauk-kala, dede'un-na dalek. Ana nasaa, hataholi makadotok sala-singon, ma ana hule-haladoi, fo ela hataholi sila, hapu do'o do ampon. Boema Au fen hataholi makadotok, da'di leo bua palsen, ma ana hapu baba'ek sama-sama no hataholi ndoos-sala.”

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

MARKUS 5:15

Ala mai tutika lakandoo leo Yesus leu, boema lita hataholi fo na'ka sa dula dale mangalau ka nai aon dale ndia, bei nangatuuk nai ndia. Ana pake bua-lo'as so, ma dudu'a na boeo namaneu so. Boema basa-basas ala bii beno'u.

LUKAS 10:39

Marta tolanoo inan esa na'de Maria. Maria ia nangatuuk deka no Lamatuak Yesus, fo namanene nanoli nala.

LUKAS 15:17

Neu mate'e na boema besa ka name'da de nae, ‘Hataholi manamaue-male'di nai au amang uma na, nana'a-nininun sasikao-kao, tehu au nai ia soona, au hihii mate o la'a sa!

LUKAS 2:46

Ala sanga basa faik telu dale na boema, besa ka ala hapun nai Manetualain Uman dale. Ana bei nangatuuk namanene mese agama la nanoli nala, fo Ana fe natatanek neus.

LUKAS 8:27

Nai lelek Yesus kona leo dae mada ka neu boema tou nitu sa'ek esa ana mai leo Yesus mai. Hataholi ndia neme kota mai. Doo ka so ana ta pake bua-lo'as ma ana ta nau leo nai uma fa. Ana nau ka'da leo nai lea-luak manai late sala.

LUKAS 8:34

Mana manea bafi sila la lita hata fo ana da'di so. Boema lalai de ala tui manda'dik ndia nai kota ma nai nggolo titia-tatai nala.

HATAHOLI 22:3

“Au hataholi Yahudi, bongi au neme Tarsus nai nusa Kilikia, tehu au amatua nai Yerusalem, de mese matuaina esa na'de Gamaliel, nanoli lutu-lutuk au, Musa fe ita bei ba'ikai nala, hoholo-lalane kala. Sama leo tolano-tolanook fo faik ia manai ia la, au boeo puse nga titi te'e-te'e neu Manetualain.

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.