LUKAS 8:21 - Susula Malalaok Hehelu Palak Ma Hehelu Beuk

²¹ Tehu Yesus nafa'da neus nae, “Hataholi fo namanene Manetualain dede'a-kokolan, ma ana tao-no'in soona, sila la nde Au inang ma Au tolanoo ngala.”

LUKAS 8:21 Iomraidhean Croise

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

MATEOS 25:45

Neukose Manek ndia nataa nae, ‘Bubuluk leona, te nai lelek fo emi ta nau tulu-fali hataholi matasi'da-matasaek esa nai daebafa ka fa soona sosoa na nae, emi ta nau tulu-fali Au fa.’

MATEOS 28:10

Yesus nafa'das nae, “Boso bii, meu mafa'da Au tolanoo ngala fo leu leo Galilea leu. Neukose lita Au nai na.”

LUKAS 8:15

Bini-ngges fo manatu'da lai dae maisi-mamina ka, nakasasama na nde hataholi fo namanene halak ndia, boema nape'dan nai dalek fo malole ma ndo sa dalek. Ala lakatatakak losa labuna-laboa.”

LUKAS 8:20

Boema hapu hataholi esa nafa'da Yesus nae, “Ama, Ama inan ma Ama tolanoo nala lai deak. Ala nau latongo lo Ama.”

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.

2 KORINTUS 6:18

Neukose Au da'di emi Amam, ma neukose emi da'di Au anang. Leondiak Manetualain fo Mana Koasa nafa'da.”

YAKOBIS 1:22

Ela leo bee na, emi tao-no'i hata fo Manetualain nafa'dak ndia. Boso ka'da mamanenen, nana metema ka'da leondiak mesan soona, emi ke'di ndiu seluk emi ao ina ma nde ndia.

1 YOHANIS 2:29

Emi bubuluk basa, nai Kristus maso'da na dalek, Ana tunga ka'da Manetualain hihii-nanaun. Hu ndia de emi muse bubuluk te, hataholi fo naso'da tunga Manetualain hihii-nanau na, hataholi ndia nde been-na Manetualai nanan.

3 YOHANIS 1:11

Tolanoo susue ngo nei! Boso nanadulak neme hata mangalau ka mai, te nanadulak neme ka'da hata malole a. Hataholi mana tao malole a, hataholi ndia, Manetualain hataholin. Ma hataholi mana tao mangalau ka, hataholi ndia beita nalelak Manetualain fa.