LUKAS 8:13 - Susula Malalaok Hehelu Palak Ma Hehelu Beuk

¹³ Bini-ngges fo manatu'da lai mamana mabatuk lai na, nakasasama na nde hataholi fo nai lelek lamanene halak ndia, boema ala sipo kana no dale namahokok. Tehu halak ndia ta nahuu-naoka nai dale nala dalek fa. Ala lamahele ka'da ba'ihanak mesan, de nai lelek soso'ba-susu'di ka ana mai, boema ala fali deak.

LUKAS 8:13 Iomraidhean Croise

AYUB 19:28

‘Enon-na leo beek, fo ata kalaak-kana?’ Emi sanga ne'ek, fo tao dede'ak.

AMSAL 12:12

hataholi mangalauk-ka, nahiik hapu nanalak neme hataholi malelesik-ka mai; hataholi malole-a, nono'kabai ai maboak-ka.

AMSAL 12:3

Ta hapu hataholi esa boen, fo ua-nalen malole nahele, hu kande tatao-nono'i mangalauk-ka; tehu hataholi manatao tunga ndoon-na, natea nahele, de ta nanggengo fa.

YESAYA 58:2

Tunga faik, sila sene-do'ok neu Au, ma sila hii bubuluk Au hihii-nanaung, nono'kabai, sila tao hata fo malole, ma sila lilineka neu Au hoholo-lalaneng. Sila lafa'da, lae sila lamahoko sene-do'ok neu Au, ma lahiik Au hoholo-lalaneng, fo ndoos ma matetuk-ka.”

YESKIAL 33:32

Lafa'da lae o hataholi esa, makamee nakamee ina-anafe'ok, fo o halam-ma lolen-naseli, ma o makaminak malelak kacapi. Memak lamanene o hala kokolam, tehu ala ta tunga fan.

HOSEA 6:4

Tehu Manetualain nafa'da nae, “Hai hataholi Israel, ma hataholi Yehuda-la lemin! Au muse tao emi le'e? Emi susuem neu Au-a, mopon no lai-laik, sama leo ko'a makamamasuk-ka, do dinis-sa nai fai fafain-na.

MARKUS 6:20

Hu ka nde Herodes nadenu basa hataholi fo lanea matalolole Yohanis maso'da na nai bui dale, nana ana bii Yohanis. Ana bubuluk Yohanis ia hataholi esa malole, fo nananadenuk neme Manetualain mai. Ma memak metema Yohanis kokolak soona, Herodes boeo nau namanenen, leomae hu ka nde Yohanis de dale na he'dis nanseli.

LUKAS 8:12

Bini-ngges fo manatu'da nai enok lai na, nakasasama na nde hataholi fo lamanene dede'a-kokolak sila la. Tehu Nitu mai de ana losonini halak ndia neme dale nala dalek mai, fo ela boso lamahele fo nanasoi-tefa kala.

LUKAS 8:14

Bini-ngges fo manatu'da lai makatema dila-nggau ka tala'da, nakasasama na nde hataholi fo namanene halak ndia, tehu dale nala laba'e la'eneu so'da nala, boema ala hii laso'da nai masoda manadai lena ka dalek, ma no namhokok nai daebafak ia. Basa sila la lakahapi lalas de nalosa ta labuna-laboa boa latuk fa.

YOHANIS 15:2

Ndanak manai Au dale ka, metema ta naboa fa soona, Ana tati henin, boema ndana maboa ka, Ana seselu nanggo'de doo na, fo Ana tao balisin, fo ela boetai naboa ka.

YOHANIS 15:6

Metema see ta da'di esa nahele no Au fa soona, neukose nanatapahenik, sama leo ai ndana ka, fo namatuu. Neukose ala tao lakabubua ai ndanak leo sila kala, fo ala tapas leo ha'i dale neu, fo ala hotuhenis.

YOHANIS 5:35

Yohanis ndia, sama na leo banu manapila ka, fo pila na nasalaa. Emi mamahoko emi hapu masalaak ndia ka'da hatematak esa mesa kana.

1 KORINTUS 13:2

Leomae au tui-benga alelak Manetualain dede'a-kokolan ma au alelak basa dede'a nanabibila-babaa kala, ma au bubuluk basa hata lala'ena, boema au amahele anseli neu Manetualain, nalosa au adenu lete kala fo ala keko, tehu au ta sue-lai hataholi fe'ek fa soona, basa sila la sosoa-ndandaan ta.

1 KORINTUS 15:2

Metema emi ho'u mahehele hata fo au tui-bengak ndia soona, Hala Malole ndia soi-tefa na emi, ta'da fe'e metema emi mamahele ta no malelak fa.

GALATIA 3:1

Tolano-tolanook hataholi kamahehelek manai kota Galatia la lemin! Emi nggoa ma seli! Ta bubuluk see ka nde dudungu-papau nala emi so? Kristus mamaten nai ai nggangek lai na, au tui mangalele'don neu emi so!

GALATIA 3:4

Basa hata fo emi la'oladik sila la, manda'di tak do? Masa bole, manda'di tak!

EFESUS 3:17

Ela leo bee na, hu ka nde emi mamahele Kristus de, Kristus leo nai emi dalem dale, ma emi so'da ma, susue ka koasa nan.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

KOLOSE 2:7

ma mahuu-maoka nai Kristus dalek. Ela leo bee na emi mapadedeik emi maso'da ma neu netes esa lain, fo nde Kristus. Ela leo bee na emi boetai mamahele Kristus, tunga hata fo lanoli basan neu emi a so. Boema ela leo bee na, emi mamahoko ma moke makasi ba'u ka neu Manetualain.

1 TESALONIKA 3:5

Hu ndia de tolano-tolanoo ngala lemin, au adenu Timotius ne'i nana, au ahiik anseli bubuluk emi namahehelem neu Kristu sa, losa bee so. Au bibii ka'da, nitu a ana hapu enok, soaneu ana dudungu-papau nala emi, fo ami sosota-mamangum, manda'di tak.

1 TIMOTIUS 1:19

Malalau-maoono no ho'u mahele namahehele ndo sa, ma dale malalao ka. Hapu hataholi nggelok, ta lamahele dale nakeketu nala fa, de nalosa namahehele nala lakalulutuk.

IBRANI 10:39

Ita ia, ta nde hataholi kamahehelek fo mana fali deak, ma mana la'ok sala enok fa. Nasafali na ita nde bee na, hataholi kamahehelek fo tamahele neu Manetualain, ma nanasoi-tefak.

YAKOBIS 2:26

Sama na leo ao paa ka. Metema ao paa ka, samanen ta soona, ao paak ndia maten. Leondiak boe, metema namahehele ka ta no tatao-nono'i ka fa soona, namahehelek ndia maten.

2 PETRUS 2:20

Hataholi mana malelak Amak Manetualain, ma ita Mana Soi-Tefan, Yesus Kristus soona, hataholi ndia natapo'i neme basa koasa daebafak fo mana tao nanggenggeo hataholi daebafa ka. Tehu metema neu fai makabuin fo lakahihi'ik la selu kana soona, neu mate'e na te, hataholi ndia ha'da-tataon mangalau na, lenaheni ha'da-tatao makasososa na.

2 PETRUS 2:22

Hataholi sila tatao-nono'in, natetu-nandaa no dede'a lasi ka nae, “Neukose busa na'a seluk muta na”, ma “Ladiu basa bafi oe so, tehu neukose neu loli seluk nai tane dale.”

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.