LUKAS 7:8 - Susula Malalaok Hehelu Palak Ma Hehelu Beuk

⁸ Nana au boeo akatele neu paleta manai lai na, ma nai au dae boeo hapu solda'du ana kala, fo muse lakatele neu au paleta nga. Metema au adenu solda'du anak esa ae, ‘La'o!’ soona ana la'o boe; ma metema au afa'da neu fe'e kala ae, ‘Mai ia!’ soona ana mai boe. Ma metema au paleta au ata nga ae, ‘Tao ia leona!’ soona ana taon boe.”

LUKAS 7:8 Iomraidhean Croise

LUKAS 7:7

Hu ndia de au mesa nga ta apalani asasale matak o Ama fa. Da'di fe ka'da paleta fo daenga au ata nga lea-hai.

LUKAS 7:9

Yesus dodoo doa kana namanene dede'ak ndia. Ana lipa de nafa'da neu hataholi makadotok fo ala bei tunga nana nae, “Hataholi ia anseli. Te'e-te'e, nai hataholi Israe la tala'da boeo, Au beita atongo o namahehelek ba'u ia fa!”

HATAHOLI 23:17

Boema Paulus nalo na malanga solda'du matuaina esa de nafa'dan nae, “Mo ni'iana ia leo malanga solda'du neu, te sanga nafa'dan dede'ak.”

HATAHOLI 23:23

Basa boema malanga solda'du nalo na malanga solda'du matuaina dua de nafa'das nae, “Hele ma solda'du anak natun dua, ma solda'du mana sa'e ndala hituhulu, boema solda'du mana ho'u dongi natun dua, fo le'odaek ia boe, li'u sio soona, leu leo Kaisarea leu.

HATAHOLI 23:26

“Ama Gobelnol Feliks fo Mandela-masa'ak. So'dak neme au fo Klaudius Lisias!

HATAHOLI 23:31

Boema solda'du la lakalala'ok sila bela-ba'un leona. Leu lala Paulus de lon le'odaek ndia losa Antipatris boe.

HATAHOLI 24:23

Boema ana paleta malanga solda'du matuaina fo mana manea Paulu sa tahan nahele Paulus, tehu fen loak faanak, ma fe nonoo nala loak fo lini fen hata fo ana paluun.

HATAHOLI 25:26

Tehu au beita hapu hala tutui mangale'dok esa boen la'eneu hataholi ia fo au sula kana nai au susulang dale fo au fen leo Kese la neu. Hu ndia de au alon fo ana mai nataa nai Ama ngala basa-basam matan, nakalenak ba'eneu Ama Manek Agripa fo Mandela-Masa'a ka! Au dale dodoo nga soona, au ae neme na fo palisak basa dede'a na fo au hapu tutui mangale'dok soona, au sula kana nai au susulang dale.

KOLOSE 3:22

Tolano-tolanook fo mana da'di ata la lemin! Ela leo bee na, nai basa dede'ak lala'ena dalek, emi tunga emi malangam manai daebafak ia paleta na. Boso tunga paleta nala, ka'da nai lelek fo emi malanga ma nanea emi a, fo sue ka nde emi malanga ma, ana koa-kio emi. Tunga paleta nala no dale katema tuak, hu ka nde emi fe ha'da-holomata neu Lamatuak Yesus.