LUKAS 7:6 - Susula Malalaok Hehelu Palak Ma Hehelu Beuk

⁶ Boema Yesus la'o sama-sama nos. Lelek fo Yesus hihii nae deka no uma ndia te, malanga solda'du matuaina ndia nadenu nonoo nala leu lafa'da Yesus lae, “Ama boso sota losa au umang. Au ta andaa sipok Ama nai au umang fa.

LUKAS 7:6 Iomraidhean Croise

KEJADIAN 32:10

Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la.

AMSAL 29:23

Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

MATEOS 3:11

Au salani emi ninik oe fo daenga emi tukatei-saledale meme emi sala-singo mala mai; tehu basa au fai nga soona, hataholi esa ana mai fo, Ana salani emi ninik Manetualain Dula Dale na ma ha'i. Hataholi ndia ba'ulena au, de au ta andaa ho'u ta'buei na boen.

MARKUS 5:24

Boema Yesus neu sama-sama no Yairus. Hataholi makadoto kala tungan de lakaseseti Yesus neme basa boboa-kaisun nala mai.

LUKAS 5:8

Lelek Simon nita ndia boema, ana sene-do'ok neu Yesus mata na boema nae, “La'oela au Lamatuak! Nana au hataholi masala-masingok!”

LUKAS 7:4

Lelek ala losa Yesus boema hataholi sila la dokodoe lanseli, fo ela Ana tulu-fali malanga solda'du matuaina ndia. Lafa'da Yesus lae, “Malanga solda'du matuaina ndia nandaa Ama tulu-falin,

LUKAS 7:5

nana ana sue-lai ita leoina na, ma nafofo'a basa ami uma mamaso ma so.”

LUKAS 7:7

Hu ndia de au mesa nga ta apalani asasale matak o Ama fa. Da'di fe ka'da paleta fo daenga au ata nga lea-hai.

LUKAS 8:49

Yesus bei kola-kola te hataholi nananadenuk esa ana mai neme Yairus uman mai. Nafa'da Yairus nae, “Tuan anafe'o na maten so. Tuan boso boe tao susa Ama Mesen bai.”

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

YAKOBIS 4:10

Ela leo bee na, emi makaloe-makadae ao ma, nai Amak Manetualain matan, fo besa ka Ana so'u namadedema emi.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”