LUKAS 7:39 - Susula Malalaok Hehelu Palak Ma Hehelu Beuk

³⁹ Lelek hataholi Farisi fo mana ka'i Yesu sa nita dede'ak ndia, boema ana dodoo nai dalen dale nae, “Leo uni ka hataholi ia nabi soona, tao leo bee o Ana bubuluk, see inak fo mana koila'e nana, ma nae inak ndia naso'da nai sala-singo ka dalek!”

LUKAS 7:39 Iomraidhean Croise

2RAJA-RAJA 5:20

Gehazi, fo Elisa atan-na, doo-doo nae, “Ah, tao le'e de, po'ilotak-kana la'o, te ana ta bae fa? Tunga ndoon-na, au tuang-nga muse sipo hataholi Siria ndia buan-na! No Manetualain, fo maso'dak-ka na'den-na, au muse usi tungan, fo au hapu hata esa neme hataholi ndia mai!”

AMSAL 23:7

Nana, neukose nafa'da nae, “Mai mu'a; fo tama seluk,” te se'kona, dudu'an-na tee-tee tutu'dan ta leondiak fa. Hala-kokolan makeek, tehu dalen-na fe'ek.

YESAYA 65:5

Lafa'da lae, ‘Madook aoinam-ma meme ia mai, fo boso koila'e ami, nana ami malalao-malalafuk, ma nanata'da fe'ek neme emi mai!’ Au ta akatatakak mete sila ha'da-tataon fa! Au nasa-melung soaneu sila, sama leo ha'i manamate tak-ka.

MATEOS 20:16

Boema Yesus kokolak seluk nae, “Leondiak boe hataholi makabui ka, neukose ana da'di hataholi makahuluk, ma hataholi makahulu ka, neukose ana da'di hataholi makabuik.”

MATEOS 21:11

Boema hataholi makadotok fo mana tunga Yesu sa lafa'das lae, “Ndia nde Nabi Yesus neme Nazaret fo nai Galilea.”

MARKUS 7:21

Nanahu neme dalek mai, fo nde neme dalen dale mai, dudu'a-aafi mangalau kala moli da'di, fo sila nde tao la hataholi a sosoa-piao, namanako, nanisa,

LUKAS 12:17

Hataholi kamasu'ik ndia, ana mulai dodoo nai dalen dale nae, ‘Ta hapu mamanak seluk soaneu au pe'da au dae oeng isi nala so'on. Au sanga enok tao leo beek besak ia?’

LUKAS 15:2

Hataholi Farisi la ma mese agama la mulai lakamumu lae, “Awe, hataholi ia sipok hataholi ta malole la, bai te na'a sama-sama nos!”

LUKAS 16:3

Boema pegawi manape'da doik ndia doo-doo nae, ‘Au muse tao beek besak ia? Au Tua nga sanga kaluaheni au ia so. Au ta foi abe'i dae fa. Da'di hataholi mananoke-nokek boeo, au mae.

LUKAS 18:4

Faik de'ubee dale na, manamaketu-mala'dik ndia ana ta nau tulu-fali inafalu ndia fa. Tehu mate'e na manamaketu-mala'dik ndia dodoo nae, ‘Leomae au ta bii Manetualain ma au ta afaduli neu su'di see a boen,

LUKAS 3:8

Matu'du minik emi tatao-nono'im mae emi tukatei-saledale basa neme emi sala-singom mai so. Boso mafa'da mae Abraham nde bee na, emi bei-ba'ikaim. Mafandendelek: te neme batu ia la mai boeo, Manetualain nabi'i tao tititi-nonosik soaneu Abraham!

LUKAS 7:16

Basa hataholi la bii ma ala mulai koa-kio Manetualain. Lafa'da lae, “Nabi matuaina esa to'da mai nai ita tala'da so! Manetualain mai fo Ana soi-tefa na hataholi kamahehele nala so!”

LUKAS 7:37

Nai kota nda hapu inak esa naso'da nai sala-singo ka dalek. Lelek namanene lae Yesus bei na'a nai hataholi Farisi ndia uman boema ana mai no nini boto esa isi na mina kaboominik.

LUKAS 7:38

Napadeik neu Yesus dea na deka no ei na ma ana kii, boema nakadoe Yesus ei na ninik luu oe na. Basa boema ana lose nama'da Yesus ei na ninik langa doo na, ma ana de'in, boema ana po'a mina kaboomini ka neu.

LUKAS 7:40

Boema Yesus nafa'da Simon nae, “Simon, hapu hata esa fo Au nau afa'dan neu o.” Simon nataa nae, “Hei Ama Mesen, mafa'dan leona.”

YOHANIS 4:19

Boema inak ndia nae, “Besa ka au bubuluk, Tuan nde bee na, nabi esa.

YOHANIS 7:12

Hataholi makadotok mulai bengekutu la'eneu Yesus. Nggelok lae, “Hataholi ndia, hataholi malole.” Tehu nggelok bai soona lae, “Ta! Nana Ana tao na hataholi ba'u ka latofa-latalak so.”

YOHANIS 9:24

Boema lalo seluk hataholi fo besa ka nita ndia de lafa'dan lae, “Supa-soo leona mae, o mafa'da tunga ndo na. Te ami bubuluk hataholi mana makahahaik o ndia, hataholi masala-masingok ndia.”