LUKAS 7:34 - Susula Malalaok Hehelu Palak Ma Hehelu Beuk

³⁴ Nasafali na lelek Ana Hataholi ka mai, de Ana na'a ma ninu, boema emi mafa'da mae, ‘Mitak Hataholi ndia dei! Maa fula, mana mafuk, manasusu bea la nonoon, ma hataholi masala-masingo kala nonoon.’

LUKAS 7:34 Iomraidhean Croise

MATEOS 11:19

Besak ia, Ana Hataholi ka, Ana mai de na'a ma ninu; boema hataholi la lafa'da lae, Mitak Hataholi ndia dei! Maa fula, mana mafuk, mana susu bea la nonoon, ma hataholi masala-masingo kala nonoon. Leomae leondiak boe, Manetualain manatee teno na, nananitak neme buna-boan mai.”

MATEOS 5:46

Nanahu metema emi sue-lai ka'da hataholi mana sue-lai emi soona, sosoak hata Manetualain muse balas emi tatao-nono'im ndia? Ade mana susu bea la boeo, ala ta tao leondiak fa do?

MATEOS 9:11

Hataholi Farisi la lita manda'dik boema, latane Yesus ana mana tunga nala lae, “Te tao le'e de, emi mese ma na'a-ninu nakabubua no mana susu bea la, ma hataholi ta malole la fa?”

LUKAS 11:37

Basa de Yesus kokolak basa boema, hataholi Farisi esa ka'in fo na'a nai uman. Boema Yesus neu na'a nai ndia.

LUKAS 14:1

Nai fai Sabat esa boema Yesus nanaka'ik neu na'a nai mauli-malanga Farisi esa uman. Hataholi manai sila la taoafik besa-besa lo Yesus.

LUKAS 15:2

Hataholi Farisi la ma mese agama la mulai lakamumu lae, “Awe, hataholi ia sipok hataholi ta malole la, bai te na'a sama-sama nos!”

LUKAS 19:7

Basa hataholi fo mana lita dede'ak ndia, mulai lakamu mu. Lafa'da lae, “Awe! Neu leo lalai nai hataholi ta malole la uman!”

LUKAS 5:29

Basa ndia boema, Lewi tao feta nai uman soaneu Yesus. Manasusu bea ba'u ka, ma hataholi fe'e kala la'a sama-sama lon.

LUKAS 7:33

Lelek Yohanis Mana Salani ka ana mai de ana oka ao na, ma ta ninu angol fa, emi mafa'da mae, ‘Nitu masok nai dalek!’

LUKAS 7:35

Leomae leondiak boe, Manetualain manatee teno na neukose nananitak la'en tunga hata fo nanatao-no'ik neme hataholi-hataholi manasipok manatee tenok ndia.”

LUKAS 7:36

Hataholi Farisi esa na'de Simon, ana ka'i Yesus na'a. Yesus neu leo uman neu de nangatuuk na'a.

YOHANIS 12:2

Yesus losa naa boema, ala fe Yesus na'a ninu, de Marta nde nakalalau kana. Lasarus no fui nala langatuk la'a-linu sama-sama lo Yesus.

YOHANIS 2:2

Yesus no ana manatunga nala boeo, ala ka'is leo feta kabing ndia boe.