LUKAS 6:30 - Susula Malalaok Hehelu Palak Ma Hehelu Beuk

³⁰ Metema hataholi noke emi hata esa, soona fe hata ndia neu. Metema ala loso la emi hata-hetom soona, boso moke fali kana.

LUKAS 6:30 Iomraidhean Croise

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

MAZMUR 41:1

Soaneu mauli-malanga nakameek. Dauk kokoa-kikion-na.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

AMSAL 21:26

Fai katemak esa dalen-na, ka'da ana dodoo-dudu'a, la'eneu hata fo nahiik-kana. Nasafalin-na, hataholi fo, so'dan-na doos, ana hapu fe no ana sasi kao-kao.

AMSAL 22:9

Manetualain fe baba'e-papalak neu hataholi dale malole-a, nanahu, ana baba'e fe hataholi manato'a-taak-ka nana'a-nininuk.

PENGKHOTBAH 11:2

Pe'da o doi pokom-ma neu manadangan mata-matak-kala, sanga-ma enok makadotok. Nana hataholi-a paluu nanea, nai lelek soe-a beita tuni la'e fan.

PENGKHOTBAH 8:16

Lelek au sanga enok fo hapu manatee-tenok-ka, ma au taoafik neu manada'dik manai daebafak ia lala'en-na, boema au ame'dan, leomae lele'do-le'odaen ita sota-mate, ta hahaeao-tala faa anak boen,

MATEOS 18:35

Yesus tui nate'e tutui na ninik dede'a ka nae leo ia, “Leondiak boe, Au Amang manai nusa so'da ka, neukose Ana tao emi esa-esak leondiak boe, metema emi ta fe do'o do ampon neu emi tolanoo ma no dale katematuak fa.”

MATEOS 5:39

Tehu besak ia, Au afa'da neu emi: boso mape'da dalek neu hataholi fo mana tao mangalauk neu emi a. Dede'a nasafali na nae, metema hataholi fapa neu emi nasebu'u kona ma, soona solok emi nasebu'u kii ma neu, fo ana fapa selu kana boe.

MATEOS 6:12

Fe do'o do ampon neu ami sala-singo mala, sama leo, ami fe do'o do ampon neu basa hataholi fo mana tao salak neu ami a.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

LUKAS 12:33

Mase'oheni hata-hetom fo fe doi na neu hataholi nuu ta-hata ta ka. Tao ma alukosu doik fo ta bisa nalutu fan, soaneu emi aoina ma, fo nde hata-heto fo nanape'dak nai nusa so'da ka. Hata-heto ndia ta bisa mopo fan, nanahu nakodaa ta hapu ho'i na fan, ma andae-a ta hapu tao nalutu fan.

LUKAS 18:22

Yesus namanene dede'ak ndia boema nae, “Bei hapu seluk dede'ak esa fo o muse taon. Mase'oheni basa o hata-hetom lala'ena, fo fe doi na leo hataholi nuu ta-hata ta ka soona, neukose o hapu hata-heto nai nusa so'da ka. Basa ndia soona, mai fo tunga Au leona.”

LUKAS 6:29

Metema hataholi fapan neu emi nasebu'um esa soona, nemena fo ana fapa emi nasebu'um seli a boe. Metema ala loso la emi ba'du manalu ma soona, fe emi ba'du ma neu boe.

LUKAS 6:31

Tao-no'i hata esa neu hataholi fe'e kala sama leo emi mahiik ala taon neu emi a.

LUKAS 6:38

Fe hataholi fe'ek, fo ela Manetualain boeo fe emi. Neukose emi sipo fee feek manasasi kao-kao ka, uuku malole esa fo nananene'e basak soaneu emi. Nana uukuk fo emi paken soaneu hataholi fe'e ka, neukose Manetualain paken soaneu emi.”

HATAHOLI 20:35

Nai basa dede'ak lala'ena dalek, au fe emi natutu'duk ae, ka'da no manggate leo ia ka nai ue le'di sa dalek, ita muse tulu-fali hataholi tapandoe sala. Nana ita muse tafandendelek hata fo Lamatuak Yesus nafa'da matam nae, ‘Fe fee ka, ua-nalen ba'ulena heni sisipo ka.’ ”

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

EFESUS 4:28

Hataholi fo ana biasa namanako, muse ana hahae namanako leona. Dede'a nasafali na, ana muse naue-nale'di, fo ana hapu tei-buin no matetu na, fo daenga ana hapu tulu-fali hataholi mana to'a-taa kala.