LUKAS 6:28 - Susula Malalaok Hehelu Palak Ma Hehelu Beuk

²⁸ Fe baba'e-papalak neu hataholi fo ana soo-supa emi, ma hule-haladoi fe hataholi mana tao mangalauk neu emi a.

LUKAS 6:28 Iomraidhean Croise

1RAJA-RAJA 13:6

Boema Yerobeam nafa'da nabi ndia nae, “Suen-na hule-haladoi neu o Manetualain soaneu au. Moke susue-lalain leona, fo nakahahaik au limang-nga!” Nabi ndia hule-haladoi neu Manetualain, boema manek-ka liman-na hai.

YESKIAL 25:15

Manetualain Fo Mademaina, nafa'da nae, “Hataholi Filistin-nala, balas sila nape'da dalen-na neu sila musu matuainan-na nenik ala tao lamate-lamopos.

MATEOS 5:44

Tehu besak ia, Au afa'da emi: sue-lai emi musu noo mala, boema hule-haladoi fe hataholi mana fepa-li'u emi a,

LUKAS 23:34

Boema Yesus hule-haladoi nae, “Ama, fe do'o do ampon neu hataholi sila la! Te ala ta bubuluk hata fo ala tao fa.” Basa boema ala tu'u batu fo ala baba'e Yeus bua papake nala.

LUKAS 6:27

“Tehu soaneu emi fo mamanene Au besak ia, Au fe hehelu ka nde ia: sue-lai emi musu noo mala, ma tao malole neu hataholi fo nakamu-nakadau emi.

LUKAS 6:35

Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

HATAHOLI 14:5

Boema hataholi Yahudi la lo mauli-malanga nala sama-sama lo hataholi ta Yahudi la lalahalak fo ala tuni-ndeni, ma ala tapa hataholi nadedenu kala ninik batu.

HATAHOLI 7:60

Boema ana senek ma ana nggasi napane'e nae, “Lamatuak, boso fe hataholi ia la lu'a-lepa sala-singok ia!” Nafa'da basa nae leondia boema maten.

ROMA 12:14

Moke neu Manetualain fo ela Ana ba'e-pala hataholi manatao mangalauk neu emi a. Hei, moke Manetualain fes baba'e-papalak fo boso soo-supas.

1 KORINTUS 4:12

Ami pusema ti'tihenin soaneu tunga sanga ami so'da ma. Metema ala soo-supa ami soona, ami bala sana ninik baba'e-papalak; metema ala fepa-li'u ami soona, ami ta haelai mamanasa fa;

YAKOBIS 3:10

Baba'e-papalak ma soo-supak kalua leme bafak esa mai. Tunga ndo na, ta bole tao leondiak fa!

1 PETRUS 3:9

Boso balas mangalauk ninik mangalauk, do dodoki-aalik ninik dodoki-aalik; te balas ana ninik, hule-haladoi fo ela Manetualain fen baba'e-papalak. Nana Manetualain nalo emi fo ela emi sipo baba'e-papala na.