LUKAS 6:23 - Susula Malalaok Hehelu Palak Ma Hehelu Beuk

²³ Nabi-nabi manai lelek makahulun eli la, ala taos leondiak boe. Metema dede'ak ndia ana da'di soona, ela leo bee na emi dale ma namahoko ma foti longe no namahokok, nana ngga'di matua ina, nanasadiak soaneu emi nai nusa so'da ka.

LUKAS 6:23 Iomraidhean Croise

2 SEMUEL 6:16

Lelek fo leni Peti Hehelu-balataak ndia, masok leo kota dale neu, Mikhal, fo Saul anafe'on-na, ana titino neme jendela mai, boema nita Mane Dauk-ka nakaboboku, ma ana foti-longe, fo ana fe ha'da-holomata neu Manetualain, boema ana mete Dauk soona, ana ta hii mete fan.

1RAJA-RAJA 18:4

Nai lelek Isebel taonisa Manetualain nabin-nala, Obaja ia tulu-fali na nabi natun esa nenik nafunis leme leak dale fo hataholi limahulu soona lai leak esa dalek – boema ana fes la'a linu.)

1RAJA-RAJA 19:10

Elia nataa nae, “Ou Amak, Manetualain Fo Manakoasa, au aue-ale'di tataas esa ka'da soaneu O mesa ma. Tehu hataholi Israel-la la'olena sila hehelu-balataan neu O a. Ala ofeheni O mei tunu-hotu mala ma ala taolisa O nabi mala. Ela ka'da au mesang-nga, tehu besak ia, ala nau taolisa au!”

1RAJA-RAJA 19:14

Elia nataa nae, “Ou Amak, Manetualain Fo Manakoasa, au aue-ale'di tataas esa ka'da soaneu O mesa ma. Tehu hataholi Israel-la la'olena sila hehelu-balataan no O. Ala ofeheni O mei tunu-hotum, ma ala taolisa O nabi mala. Ela ka'da au mesang-nga, tehu besak ia, ala nau taolisa au!”

1RAJA-RAJA 19:2

Boema Izebel haitua fe Elia halak-ka nde ia nae, “Sa'di leo been-na basa lamatua daebafa dae bafak kala huku au ma lena-lenak taolisa au, metema balahaa nai li'u sama leo ia, au ta tao o sama leo o tao nabi Baal-la sila-la.”

1RAJA-RAJA 21:20

Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,

1RAJA-RAJA 22:27

Madenus fo ala taon leo bui dale neu, ma fen na'a ma ninu ka'da faa anak mesan, losa au falima'i nga no so'da-molek.”

1RAJA-RAJA 22:8

Ahab nataa nae, “Bei hapu esa seluk na'de Mikha, fo Yimla anan-na. Tehu au ta hii fan, nana ana beita nafa'da nita manada'di manamaik fo malole soaneu au fa; te ka'da manada'dik fo ta malole tataas esa.” Yosafat nataa nae, “Ah, boso kokolak mae leondia!”

2RAJA-RAJA 6:31

Manek-ka naloo bou-bou nae, “Faik ia boe, Elisa muse mate. Nemen-na, fo Manetualain huku au, nenik huhuku mabela, metema au ta taoisa Elisa fa!”

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

MAZMUR 58:11

Nita hataholi mangalauk-ka nanahukuk, hataholi dale ndoos-sa namahoko-setelee, ma ana safe ein-na, nai hataholi malelesik-ka daan dale.

YESAYA 35:6

Hataholi lu'uk-ka, neukose nakaboboku sama leo nusa, hataholi hala tak-ka, eeki-natadale no namahoko-seteleek. Nana oemata, ana faa nai moo solokaek-ka, lee faa nai moo maloa,

YEREMIA 2:30

Palsuma la'iesak-kana, Au huku emi, nana emi ta nau sipo nanoli-nafa'dak fa. Emi sama leo singa kamulus-sa, de emi taomisa basa emi nabim-mala.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 5:12

Nabi makahulu kala boeo, ala fepa-li'us sama leo emi boe. Mamahoko ma hika-setelee leona, nanahu Lamatua ka sadia basa ngga'di matua ina nai nusa so'da ka, soaneu emi so.”

LUKAS 1:41

Ma leondiak Elisabet namanene Maria nate'an ndia, tutika ni'iana manai Elisabet ilun dalen ndia nakababale. Boema Manetualain Dula Dale na koasa na Elisabet,

LUKAS 1:44

Leondiak au amanene o nate'a ma tutika ni'iana manai au ilung dale ia nakababale fo ta'du na nae namahoko.

LUKAS 6:35

Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

HATAHOLI 14:10

boema ana kokolak napane'e nae, “Mapadeik matetu leona!” Tutika tou lu'uk ndia nakaboku de napadeik, boema ana la'ok leona.

HATAHOLI 3:8

Touk ia nakaboku de napadeik, boema ana la'ok neu mai. Basa boema ana sama-sama no Petrus no Yohanis de leu leo Amak Manetualain Uman dale leu. Ana la'ok ma nakaboboku, boema ana koa-kio Manetualain.

HATAHOLI 5:41

Hataholi nadedenun sila la la'oela Mana Maketu-Mala'di Agama Matua Ina sila la no namahokok, nana Manetualain nafa'da basa nae, sila landaa hapu nakamumulu-nakamamaek, hu ka nde Yesus.

ROMA 5:3

Lenak neme ndia mai, ita boeo tamahoko nai doidoso ka dalek, nana ita bubuluk basa doidosok ndia nde tao na hataholi a da'di natea-nahele,

2 KORINTUS 12:10

Da'di au amahoko unik au tapandoe ngala. Au boeo amahoko, metema hu ka nde Kristus de au nakamumulu-nakamamaek, au la'ola'di toto'a-sosotak, nanausi-puuk, ma la'ola'di toto'a-tataak. Nana metema au tapandoe soona, nai lelek ndia nde au balakaik.

KOLOSE 1:24

Besak ia, au nau doi doso soaneu emi paluu ma. Au nau au ao paa nga doi doso nanahu au nau tao atetu Kristus doi doso na soaneu salani nala, fo Kristu sao na nde, salanik sila la.

2 TIMOTIUS 2:12

Metema ita tatea-tahele soona, neukose ita paleta sama-sama ton boe, Metema ita talelesin soona, neukose Ndia boeo, nalelesi ita.

IBRANI 11:26

Musa name'da, nae beli na ba'u na seli soaneu hapu nakamumulu-nakamamaek hu ka nde Mane Mana Fe So'dak fo Manetualain heluk ndia, neme hapu basa nusa Masi ra hata-haton lala'ena mai, nana Musa namahena ngga'di fai makabui ka.

IBRANI 11:6

Tehu ta no namahehele ka fa soona, ta hapu hataholi esa boen hapu tao namahoko Manetualain dale na. Nana hataholi fo manamai neu Manetualai na muse namahele nae, tete'e ka hapu Manetualain, ma nae Manetualain ana fe babalak neu hataholi fo mana sanga nana.

YAKOBIS 1:2

Tolano-tolanoo ngala lemin! Metema emi la'oladi sosoba-susu'di mata-mata kala soona, mafa'da mae, emi hapu nanalak ndia.

1 PETRUS 4:13

Malole lenak emi mamahoko, nanahu emi doidoso sama-sama mo Kristus. Soona mahani te, metema Kristus namatutua-namadedeman nananatu'duk soona, neukose emi mamahoko.

NINITAK 2:17

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala! Sila fo manasengi kala, neukose Au po'i fes la'a loti manna fo nananafuni ka, ma esa-esak neukose ana sipo batu fulak esa neme Au mai. Nai batu ndia, nanasulak na'de beuk esa fo esa boeo ta bubulu kana fa, ka'da hataholi mana sipo nana.”

NINITAK 2:26

Sila fo manasengi kala, ma losa mate'e na ala tao-no'i lahele hata fo Au ahii kana soona, neukose Au fes koasa fo sama leo Au sipon neme Au Ama nga mai. Neukose ala sipo koasa neme Au mai fo ala paleta leoina la ninik aitete'e besik, ma soaneu tao lakalulutuk leoina sila la sama leo uledae a.

NINITAK 2:7

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu salani nala! Sila fo manasengi kala, neukose Au fes loak la'a ai boak neme ai huu maso'da ka fo ana moli nai Manetualain Osin dale.”

NINITAK 21:7

Hataholi fo manasengi kala, neukose ala sipo basa dede'ak sila la neme Au mai. Neukose Au da'di sila Manetualai na, ma sila da'di Au ana ngala.

NINITAK 3:12

Hataholi manasengi ka, neukose Au taon da'dileo dii nai Au Manetualai nga Uma Malalaon dale, ma neukose ana leo nai mamanak ndia losa dodo na. Au Manetualaing na'de na ma kota na na'de na, fo nde Yerusalem Beu ka, neukose kona neme nusa so'da ka neme Au Manetualaing mai, fo neukose Au sula kana neu hataholi ndia aoina na. Au na'de beu nga boeo, neukose Au sula kana neu aoina na!”

NINITAK 3:5

Hataholi fo manasengi koasa makahatu ka, neukose ala fes pake ba'du manalu fulak ndia boe. Neukose Au ta kokaheni hataholi ndia na'de na neme susulak hataholi maso'da ka dalek mai fa. Ma nai Au Amang ma ata nusa so'da nala matan, neukose au manaku ae, sila nde bee na Au nuu ngala. Nai lelek Au apadeik nai Au amang matan sama-sama o basa mahahaek fo malalalau-maoono nana, neukose Au afa'da ae, Au alelak hataholi sila la.