LUKAS 6:21 - Susula Malalaok Hehelu Palak Ma Hehelu Beuk

²¹ Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

LUKAS 6:21 Iomraidhean Croise

KEJADIAN 17:17

Boema, Abraham senek leona, tehu ana hika, nai lelek fo ana dodoo nae, “Hapu nai bee, touk esa, teun natun esa so, tehu ana bei bongi anak? Hapu nai bee, Sara bisa bongi nai teun siohulu dalek?”

KEJADIAN 21:6

Sara nafa'da nae, “Manetualain taon-na au hika nanahu namahokok-ka. Hataholi see, fo namanene dede'ak ia soona, neukose ana hika, ma namahoko sama-sama no au.”

MAZMUR 107:9

Nana, Ana fe hataholi manamaa ma'dak-ka, ninu losa nakabete, ma Ana fe hataholi kamala'ak-ka, nakabete nenik basa hata malole lala'ena.

MAZMUR 119:136

Au luuoeng-nga faa sama leo lee-a, nanahu ta hapu hataholi tunga O hoholo-lalanem fa.

MAZMUR 143:6

Au so'uk au limang-nga, fo au hule-haladoi neu O; au samaneng-nga, nahiik nanseli, natongo no O, sama leo dae tuuk-ka.

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

MAZMUR 65:4

Au sala-singong, belan-na seli, ba'eneu au, tehu O fe do'o do ampon neun.

YESAYA 25:6

Manetualain Fo Manakoasa, neukose Ana sadia feta soaneu basa leoina manai daebafak-ka, nai Pupuku Sion-na. Neukose Ana sadia nana'ak fo, mala'da hiik nanseli, ma angol nanahehelek.

YESAYA 30:19

Hai emi fo, manaleo manai Yerusalem-mala lemin, neukose emi ta kii makandoo fa. Manetualain madale susue-lalaik, de no lai-laik nataa emi, metema emi maloo bou-bou moke tutulu-fafalik neun.

YESAYA 66:10

Mamahoko-setelee sama-sama mo Yerusalem leona, hai basa hataholi fo, manasue-lain-nana. Emi fo manasusak-kala, nanahu ndia, besak ia, bole mamahoko-setelee.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YEREMIA 31:25

Sila fo manasotak-kaneukose Au tao balakais, ma manamalek nanahu la'as-sa neukose Au to akabetes.

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

MATEOS 5:4

Maua-manalek neu hataholi fo dale na he'di sa; nanahu neukose Manetualain kokoe-nanasis!

MATEOS 5:6

Maua-manalek neu hataholi fo nahiik tao-no'i Manetualain hihii-nanaun; nanahu neukose Manetualain fes hata fo lahii kana!

LUKAS 1:53

Hataholi kamala'a-kamandoe kala, Ana tao nakabetes ninik basa malole lala'ena, tou kamasu'i-makabete ka, nanausik no limalouk.

LUKAS 6:20

Yesus nanganalo ana manatunga nala boema nae, “Maua-manalek neu emi, fo nuu ta-hata ta kala, nanahu emi nde bee na, Manetualain hataholi kamahehele nala lima-ein!

LUKAS 6:22

Maua-manalek neu emi, metema nananakamuu-nakadauk, nanatipahenik, nananakamumulu-nakamamaek, ma nanakala pepekok, hu ka nde Ana Hataholi ka!

LUKAS 6:25

Soe neu emi, fo makabete besak ia; nana neukose emi mamala'a! Soe neu emi, fo hika besak ia; nana neukose emi dale he'di, ma emi kii-makaleleu!

YOHANIS 11:35

Tutika Yesus ki.

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 6:35

Tehu Yesus nafa'das nae, “Au nde loti manafe so'dak ndia. Hataholi see mai leo Au mai soona, neukose ana ta namala'a so'on losa dodoo na. Ma see namahele Au soona, neukose ana ta maa ma'da so'on losa dodoo na.

1 KORINTUS 4:11

Losa hatematak ia, ami la'ola'di la'a-ndoe sa ma ami maa ma'da; ami bua-lo'am ela ka'da manai ami ao ma; hataholi fepa-li'u ami; ami mamana mate'e-mahanim ta;

2 KORINTUS 11:27

Au puselaipana ma tunga sanga hihii leo mate: nasi'a ta sungu fa, ta u'a inu fa, la'i ba'u ka au mate o la'a sa, makalini nanahu au bua-lo'a papakeng ta, ma mamana leleong ta.

2 KORINTUS 12:10

Da'di au amahoko unik au tapandoe ngala. Au boeo amahoko, metema hu ka nde Kristus de au nakamumulu-nakamamaek, au la'ola'di toto'a-sosotak, nanausi-puuk, ma la'ola'di toto'a-tataak. Nana metema au tapandoe soona, nai lelek ndia nde au balakaik.

2 KORINTUS 6:10

Leomae ami dale ma nananakahehe'dik, tehu ami mamahoko tataas esa boe. Ami nananitak hataholi nuu ta-hata tak, tehu ami tao ma hataholi ba'u ka lamasu'i so. Ami nananitak ta manuu hata esa boen, tehu tunga ndo na ami manuu basa-basan lala'ena.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

NINITAK 7:16

Neukose ala ta lame'da lamala'a so'on, do maa ma'da. Le'do, do le'dohaa ka boeo, neukose ta nahoi hataholi sila la so'on.