LUKAS 6:2 - Susula Malalaok Hehelu Palak Ma Hehelu Beuk

² Hataholi Farisi de'ubee lafa'da lae, “Tao le'e de, emi la'olena ita agama na hoholo-lalanen no tao-no'i hata fo nanakena-ka'ik nai fai Saba ta?”

LUKAS 6:2 Iomraidhean Croise

KELUARAN 22:10

Metema, hataholi nakaboboi keledei, sapi, bi'ilopo do bana-manu fe'ek fo nonoo hataholin-na nuun. Basa boema, mate bana ndia, do nakahina, do musu-a natona-nan, te se'kona sakasiin ta.

KELUARAN 35:2

Hapu faik nee soaneu naue-nale'di, tehu nai faik-kahitun-na nde been-na, faik soaneu hahaeaok, fai malole fo nanahele hehelik ba'eneu Manetualain. See naue-nale'di lae fai Sabat-ta soona, muse nanahukunisak.

YESAYA 58:13

Manetualain nafa'da nae, “Fe ha'da-holomata neu fai Sabat-ta, sama leo Manetualain fain-na. Nai faik ndia, emi ta bole ito-ato emi paluum-ma fa. Tao faik ndia, da'di leo emi fai maua-manalem: fe ha'da-holomata neu Manetualain fain-na, nenik ta bole la'o leo su'di bee meu fa; boeo, boso maue-male'di, do kokolak dede'a manada'di tak.

MATEOS 12:2

Lelek hataholi Farisi la lita, boema lafa'da Yesus lae, “Mete mitak O ana mana tunga mala la'o lena ita agama na hoholo-lalanen, nana ala tao hata fo nanakena ka'ik nai fai Saba ta.”

MATEOS 15:2

“Tao le'e de O ana mana tunga mala la'olena ita bei-ba'i kai nala ha'da na? Lelek sanga la'a-linu soona, ta lafui oe lakahuluk, tunga nakanenete ka fa?”

MARKUS 2:24

Boema hataholi Farisi la lafa'da Yesus lae, “Tao le'e de O ana mana tunga mala la'olena ita agama na hoholo-lalanen, ninik ala tao-no'i hata fo nanakena-ka'ik nai fai Saba ta?”

LUKAS 5:33

Hataholi la lafa'da Yesus lae, “Yohanis ma hataholi Farisi la ana manatunga nala, nasi'a ala oka ao nala, ma ala hule-haladoi. Tehu O ana manatunga mala hii ka'da la'a ma linu.”

YOHANIS 5:16

Hu ka nde Yesus tao nahai hataholi la'e fai Sabat, boema ala mulai tao lakatoto'a-lakasosotak Yesus.