LUKAS 6:19 - Susula Malalaok Hehelu Palak Ma Hehelu Beuk

¹⁹ Basa hataholi la sanga enok, fo taila'e Yesus, nana hapu koasa kalua neme aoinan dale mai, fo hapu nakahahaik sila basa-basas.

LUKAS 6:19 Iomraidhean Croise

2RAJA-RAJA 13:21

Nai faik esa, fo nai lelek hataholi de'ubee bei latoi mamates-sa te, no kaiboik, lita Moab hataholin manatao nakabua makahatun-nala, ala mai. Tutika, ka'da ala tapa mamates ndia, leo Elisa bolo mamaten dale neu, de lalai. Leondiak, mamates ndia koila'e Elisa duin-nala, tutika naso'da falik, de ana fo'a napadeik.

MATEOS 14:36

Ala dokodoe neu Yesus, fo sa'di ala hapu koila'e ba'du manalu na, leomae ka'da pe'da na boe. Basa hataholi kamahe'dis fo mana koila'e nana, ala hai beno'u.

MARKUS 3:10

Ana nakahahaik hataholi makadotok nanseli, nalosa basa hataholi kamahe'di sala lakaseseti sanga enok deka lon, fo ela ala hapu taila'en.

MARKUS 5:30

Nai hatematak ndia boeo, Yesus name'da balakai na kalua neme aoinan dale mai. Boema Ana lipa leo hataholi makadotok sila la neu de natanes nae, “See ka nde taila'e Au ba'du manalu nga?”

MARKUS 6:56

Yesus losa bee, nau nai nusak bee do nai kota bee, do nai nggolok bee ndia boe, hataholi la lo hataholi kamahe'di sala leo ndia leu, fo langapepe'u kasa leu uma la so'da na. Hataholi la loke lanseli, fo fe hataholi kamahe'dis sila la loak, fo sa'di ala koila'e Yesus ba'du manalu na, leomae ka'da pe'da na boe. Basa hataholi kamahe'dis manataila'e nana, ala hai beno'u.

MARKUS 8:22

Ala losa Betsaida boema, hataholi la lo hataholi pokek esa leo Yesus neu fo loken nafaloe hataholi pokek ndia fo nakahahai kana.

LUKAS 5:17

Nai faik esa, lelek Yesus bei nanoli, boema hapu hataholi Farisi de'ubee ma mese agama la langatuuk lai ndia. Ala mai leme Yerusalem ma leme kota-kota manai Galilea ma Yudea mai. Manetualain koasa na nai Yesus dalek soaneu nakahahaik hataholi kamahe'dis ala.

LUKAS 6:18

Ala mai soaneu lamanene Yesus nanoli, ma soaneu Ana tao nahais leme he'di-lau nala mai. Sila fo dula dale mangalau ka masok nai dale na, ala mai boe, de nakahahai kasa.

HATAHOLI 19:12

Metema Paulus pakenita lesu do kalikee bee fo metema linis leo hataholi kamahe'di sala leu soona ala lea-hai, ma dula dale mangalau kala kalua leme hataholi sila la aon dale mai.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.