LUKAS 5:30 - Susula Malalaok Hehelu Palak Ma Hehelu Beuk

³⁰ Hataholi Farisi de'ubee ma mese agama la, lame'da nai dale nala dalek ta malole fa, boema lafa'da Yesus ana manatunga nala lae, “Tao le'e de, emi basa-basa mala mi'a-minu mo manasusu bea la ma hataholi ta malole fa?”

LUKAS 5:30 Iomraidhean Croise

YESAYA 65:5

Lafa'da lae, ‘Madook aoinam-ma meme ia mai, fo boso koila'e ami, nana ami malalao-malalafuk, ma nanata'da fe'ek neme emi mai!’ Au ta akatatakak mete sila ha'da-tataon fa! Au nasa-melung soaneu sila, sama leo ha'i manamate tak-ka.

MATEOS 5:46

Nanahu metema emi sue-lai ka'da hataholi mana sue-lai emi soona, sosoak hata Manetualain muse balas emi tatao-nono'im ndia? Ade mana susu bea la boeo, ala ta tao leondiak fa do?

MATEOS 9:11

Hataholi Farisi la lita manda'dik boema, latane Yesus ana mana tunga nala lae, “Te tao le'e de, emi mese ma na'a-ninu nakabubua no mana susu bea la, ma hataholi ta malole la fa?”

MARKUS 2:16

Mese agama de'ubee fo nakabubua Farisi hataholin sila la, lita Yesus na'a-ninu sama-sama no mana susu bea la ma hataholi fo hataholi la lafa'da lae, hataholi ta malole sila fa. Da'di latane Yesus ana mana tunga nala lae, “Tao le'e de, emi Mese ma na'a sama-sama no mana susu bea la, ma hataholi ta malole sila la?”

MARKUS 7:3

Hataholi Farisi la leondiak boe, basa hataholi Yahudi la ho'u lahele bei ba'ikai nala ha'da na. Ala ta nau la'a-linu fa, metema ala beita lafui oe lakahuluk tunga eno-dalak fo nananaketu basa ka so.

MARKUS 9:16

Boema Yesus natane ana mana tunga nala nae, “Emi matataneaok beek ndia mo mese agama sila la?”

LUKAS 18:11

Hataholi Farisi ndia napadeik mesa kana ma ana hule-haladoi nae, ‘Ou Manetualain, au oke makasi neu O, nana au ta sama leo hataholi fe'e kala, fo mana tenepetak, mana po'de-paik, do mana hohongek fa. Au oke makasi, nanahu au ta sama leo manasusu bea ndia fa.

LUKAS 19:7

Basa hataholi fo mana lita dede'ak ndia, mulai lakamu mu. Lafa'da lae, “Awe! Neu leo lalai nai hataholi ta malole la uman!”

LUKAS 5:17

Nai faik esa, lelek Yesus bei nanoli, boema hapu hataholi Farisi de'ubee ma mese agama la langatuuk lai ndia. Ala mai leme Yerusalem ma leme kota-kota manai Galilea ma Yudea mai. Manetualain koasa na nai Yesus dalek soaneu nakahahaik hataholi kamahe'dis ala.

LUKAS 5:21

Boema mese agama la ma hataholi Farisi la mulai esa nafa'da esa nae, “See hataholi ia de napalani nakamumulu-nakamamaek Manetualain? See ka nde bisa fe do'o do ampon neu sala-singo ka, ka'da Manetualain mesa kana?”

LUKAS 7:34

Nasafali na lelek Ana Hataholi ka mai, de Ana na'a ma ninu, boema emi mafa'da mae, ‘Mitak Hataholi ndia dei! Maa fula, mana mafuk, manasusu bea la nonoon, ma hataholi masala-masingo kala nonoon.’

LUKAS 7:39

Lelek hataholi Farisi fo mana ka'i Yesu sa nita dede'ak ndia, boema ana dodoo nai dalen dale nae, “Leo uni ka hataholi ia nabi soona, tao leo bee o Ana bubuluk, see inak fo mana koila'e nana, ma nae inak ndia naso'da nai sala-singo ka dalek!”

HATAHOLI 23:9

Boema tasi'bu matuaina da'di leona. Hataholi Farisi la mese agaman de'ubee ala fo'a lapadeik de ala la'ban lini mamate-momopon lae, “Tunga ami hahapu ma hataholi ia salan ta faanak boen! Memak fafa'ka ma hapu dula dalek do ata nusa so'dak nde kokolak fen nana!”