LUKAS 5:14 - Susula Malalaok Hehelu Palak Ma Hehelu Beuk

¹⁴ Boema Yesus ka'i hataholi ndia fo ela ana boso tui dede'ak ndia neu su'di see a boen. Nafa'dan nae, “Mu leo ima ma mu leona, fo moken soaneu nafa'da tete'e ka, o lea-hai so. Boema mu fo fe tutunu-hohotuk sama leo Musa paleta ka, fo da'dileo buti neu hataholi la lae, o hai te'e-te'e so.”

LUKAS 5:14 Iomraidhean Croise

IMAMAT 13:2

Metema, hataholi esa loun-na kasipopoto, do bisu, do loun-na kokoto fulak, fo ana bisa da'di he'di lou mangalauk soona, muse noo hataholi ndia leo imam fo Harun tititi-nonosin neu.

IMAMAT 13:49

ma pulu po'ok ndia, dulan-na momo'dok, do pilabalanggeok, soona pulu po'ok ndia nde been-na pulu po'ok, fo ana sii dapa-dapa, de muse natu'dun neu imam-ma.

MATEOS 10:18

Neukose lo emi meu mataa mana koasa la, mane-mane kala, nana Au ana mana tungang emi. Soona nai ndia nde emi hapu loak soaneu emi fe sakasii la'eneu Au soaneu hataholi manai sila la, ma hataholi fo ta lalelak Manetualai na fa.

MATEOS 12:16

Tehu Ana ka'is fo, boso lafa'da Ndia neu hataholi esa boen.

MATEOS 8:4

Boema Yesus nafa'dan nae, “Mafandendelek! Boso tui hataholi esa boen. Tehu besak ia mu leo ima ma mu fo moken nafa'da nae, tete'e ka o hai so. Basa ndia soona, fe tutunu-hohotuk tunga Musa paleta na, fo ana da'di buti esa soaneu hataholi la bubuluk lae, te'e-te'e o lea-hai so!”

MATEOS 9:30

Boema duas hapu lita leona. Yesus balataa duas, fo daenga boso lafa'da dede'ak ndia neu hataholi esa boen.

MARKUS 1:44

“Mafandendelek fo boso tui hataholi esa boen, te ka'da mu leo ima ma mu fo moken ana palisak o, tete'e ka o lea-hai so. Boema soaneu o hahaim ndia de, o fe tutunu-hohotuk tunga hata fo Musa paleta ka, fo ana dadi neu buti soaneu hataholi la lae, o hai te'e-te'e so.”

MARKUS 6:11

Tehu makanaema emi losa mamanak esa fo hataholi sila la ta nau sipok emi do ala ta nau lamanene emi fa soona, la'oela mamanak ndia. Soona ngganggafuheni afu manai emi ei dale ma, fo ana da'di neu nasanene'dak esa soaneu hataholi sila la!”

LUKAS 17:14

Lelek Yesus mete nitas boema nae, “Meu leo ima mala, fo mokes ala palisak emi ao ma.” Ala bei bela'o te he'di nala lea-hai so.

LUKAS 5:13

Yesus nafaloe hataholi ndia ma nafa'da nae, “Au nau. Naa, lea-hai leona!” Hatematak ndia boe, he'di na lea-hai.

LUKAS 9:5

Ma nai bee ala ta sipok emi fa soona, nai lelek emi la'oela kota ndia, ngganggafuheni daesopu ka neme emi ei dale ma da'dileo nasanene'dak soaneus.”