LUKAS 4:22 - Susula Malalaok Hehelu Palak Ma Hehelu Beuk

²² Ana kokolak dede'a-kokola kala neulau hiik, nalosa hataholi la bafa nala bee poo ma ala sipok hata fo nafa'da ka. Tehu lafa'da lae, “Ade Yusuf ana na, ta nde ia fa hetu?”

LUKAS 4:22 Iomraidhean Croise

MAZMUR 45:2

Dede'a-kokola mana'ahiik-kala, lua ponu-ponu neme au daleng dale mai, au akamee fe manek-ka, au nakameeng-nga. Sama leo hataholi bini esa engen-na, au maang-nga naheheleaon kokolak bini.

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

AMSAL 10:32

Hataholi dale ndoos-sa, hala-kokolan nandaa dale; hataholi mangalauk-ka hala-kokolan, neni dale he'dik tataas esa.

AMSAL 16:21

Hataholi manatee-tenok-ka, nananita-nalelak neme dudu'a-aafi matanen-na mai; hala-kokolan-na, eno-dalan nadoe dale, de ana taon-na dede'a-kokolan boetai nananamahelek.

AMSAL 25:11

Hahapuk fo, nananafa'dak nandaa no fain-na, sama leo lilopilas boak-ka, nai pinga lilofulak dale.

PENGKHOTBAH 10:12

Hataholi dodole maneu-a, kokolan-na tao-nan manafe ha'da-holomata. Tehu hataholi nggoak-ka mopo-mate, nanahu hala-kokolan-nala.

KIDUNG AGUNG 5:16

Hala-kokolan makeek nanseli aoinan-na lala'en-na nadoe dale, au touana susueng, ma au tia-laing-nga leondiak, hai anafe'oana Yerusalem-mala lemin!

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.

LUKAS 2:47

Basa hataholi fo lamanene nana, ala dodoo doa kana, nanahu natataa nala la'e-la'e mesan.

LUKAS 2:48

Ina aman boeo litan boema, ala dodoo doa kana. Inan nafa'dan nae, “Ana ngonei, taole'e de O tao ami leoiak? Au o, o amam hela-hae manseli no sanga O!”

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

LUKAS 4:21

Boema Yesus mulai kokolak nos nae leo ia, “Susula Malalao ka lalanen ia la, faik ia dale na nanatao natetuk nai lelek emi mamanene nana.”

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

YOHANIS 6:42

Boema lakokola aok lae, “Ade hataholi ia, ta nde Yesus fo Yusuf ana na nde ndia hetu? Ami malelak ina ama nala! Naa, tao le'e de nafa'da nae, Ndia kona neme nusa so'da ka mai?”

YOHANIS 7:46

Boema hataholi sila la lae, “Waa, beita la'iesa boen, fo hapu hataholi ana kokolak sama na leo Hataholi ndia kokola na fa!”

HATAHOLI 6:10

Tehu ala ta hapu se'i la Stefanus dede'a-kokolan fa, nana Manetualain Dula Dale na fen dudu'a-aafi manatee tenok, fo ana kokolak.

TITUS 2:8

Metema o kokolak soona, kokolak pake dede'a-kokolak manatee tenok, fo hataholi boso nakamuu-nakadau o hala-kokolam, fo daenga o musu noo mala ala mae, nana ta hapu o dede'a-kokola mangalaum esa boen fo, ala paken soaneu ala laban ita.